بدون عنوان

للرجوع الي صفحة سوني Xperia Z الرئيسية اضغط هنا

Nourhanne

2013-11-29 (11:41:30AM)

انا لسخ جايباه من اسبوع

المميزات

1- الجهاز من اول نظرة عجبنى جدا و شكله حلو وانسيابى و تحس ماسك قطعة بلور فى ايديك
مختلف عن شكل سامسونج العقيم ده نهائى
2- السوفت وير سهل و مش تقيل و الجهاز طلقة سريع جدا تخرج من برنامج تدخل على اللى بعده فى منتهى السرعة و مش بيعلق خالص معايا لجد دلوقتى
3- الجهاز ضد المياه و ممكن تصور من تحت الميه لمده نص ساعه و الموبايل محصلوش حاجة
4- التتش جميل جدا بيستجيب بسرعة
5- الكاميرا حلوة اوى 13 ميجا بكسل و الفيديو HDR خيالية
6- ممكت تعمل لوك للجهاز عن طريق وجهك
7- يتحمل الصدمات و الغبار و ضد الماء
8- الشاشة كلها FULL HD
9- الالوان تميل للطبيبعة و الوانها جميل جدا عكس سامسونج الالوان مبالغ فيها جدا و غير واقعيه
10- الجهاز ستحبه من الوهله الاولى
11- الجهاز بيه LED عندما يصلك رساله من الفيس او واتس اب او بلاكبيرى او قايبر سينور بأنورا مختلفة
12- البطارية جميلة جدا و تقعد معايا يوم كامل مع الاستخدام الكثير جدا و به وضع stamina mode لما تدوس زرار قفل لوحة المفاتيح كأنك قفلت الجهاز كله يعنى بيوفر فى البطاريه و دى خاصية جديدة و منفردة من نوعها بس لو حد اتصل اكيد هتوصل و لو فى رساله هتوصل و هتعمل صوت عادى
13- الشحن بيتشخن لمده ساعه و نص او ساعتين

العيوب

1- الموبايل اسوء حاجة فيه الصوت...الصوت واطى فى كل حاجة بس مقبول نوعا ما لكن الصوت فى السماعات Head phone تحفه عالى و نقى جدا
2- سها الخدش من امام و الخلف عشان كده لما تجيبه متمشيش من عند الرجل الا و انت مركب تاتش سكرين من ورا و قدام و جبله كافر
3- اللون الاسود و البنفسجى منه البصمات بتعلم عليه بسرعة لكن اللون الابيض حلو اوى مش بيعلم عليه
4- زوايا الرؤية ناش كتير بتشتكى منها لكن بالنسبالى ميزة لأن مبحبش الى جنبى يشوف انا بعمل ايه على الموبايل فى الميزة ده مش هتخليه يشوف

ياريت يكون عجبكو رأيى المتوضع.

ahmeedtop28

2013-11-29 (07:53:05PM)

كل الريفيوهات الى شفتها على اليو تيوب ومواقع تانية سواء عربية او عالمية تقريبا وبشكل كبير جدا بتقول الى انتى قلتية دة بالظبط وواضح ان مفيش اى عيوب جوهرية فى الجهاز غير يمكن مشكلة الصوت الواطى بس هو مش واطى للى بيحب يسمع صوت نقى الصوت الى حد ما متوسط

lesooo86

2013-11-30 (01:49:11AM)

ماهو يا ريت مثلا واطى ونقى مهو ولا عالى ولا نقى و الكاميرا هتكتشف بع كده

Eltrabolsy

2013-12-22 (09:24:45PM)

اولا التعليق شامل ورائع بس انا عايز اعلق تعليق على موضوع ان صوت الموبايل واطى
انا شايف العكس تماما صوت الموبايل اكثر من رائع بس اكيد انتى بتصورى بيه فى الميه او بتحبى تغيظ اصحابك وتوريهم الموبايل وهو جوا الكوبايات ههههههههه
براحتك طبعا وخليهم يتغاظوا انا نفسى بعمل كده :D
المهم بس لما تخلصى تصوير فى الميه خدى الموبايل عند السشوار بتاعك او اى مجفف واعمليه بيه نشفى الميه اللى جوا مخرج الصوت وبعد ساعة او بالكتير قوى تانى يوم هتلاقى الصوت رجع زى ماهو

ومبروك طبعا على الموبايل عقبال ماتجيبى Ultra

تلك الخدمة مخصصة للأعضاء فقط