بدون عنوان

للرجوع الي صفحة سوني Xperia Z الرئيسية اضغط هنا

ضحى من مصر

2013-06-11 (12:21:27AM)

ممكن يا جماعه تقولولي مين افضل
اي فون 5
ولا سوني z
ولا سامسونج نوت 2
لاني معايا نوت 1 و عاوزه ابدل لتعلية الامكانيات
منتظره ردكم عليا سريعا

mido888

2013-06-11 (01:04:19AM)

حضرتك كل واحد ف دول ليه امكانات تميزه عن غيره..
الاي فون معالج زسوميات جبار و كاميرا ممتازه و سرعه رهيبه بس عيبه ان تطبيقاته بفلوس يعني عاوز مرتب اسره كامله عشان تشغليه بتطبيقات...
السوني زد ممتاز و تحمل و سرعه و كل شئ بس عيبه شاشته مش زيهم و كمان صوته مش زي النوت ون ف العلو..انما كنقاء هو جبار جدا...
النوت تو اقهم ف الامكانات بس يتميز عنهم بشاشه ممتازه و قلم للشاشه و ده مريح ع الاخر..
يعني حضرتك حديي مطالبك ايه و علي اساسها تختاري الي يخدمك

shenawy12

2013-06-11 (01:44:00AM)

مش كل التطبيقات يا دكتور فى مجانى كتير

mido888

2013-06-11 (01:49:09AM)

تمام ي غالي بس مقارنه بالاندرويد ....صفر علي الشمال''''

shenawy12

2013-06-11 (01:54:30AM)

طيب لو قارنا الاندرويد بالويندوز يا ميدو ؟؟

mido888

2013-06-11 (02:31:57AM)

ممم لا الويندوز مليش فيه خالص

OmarOmda

2013-06-11 (04:03:40AM)

المتجرر بتاع ابل مش كل اللى عليه بفلووووووس ولا حاجة زيو زى الاندرويد ف الاتطبيقات المدفوعة وفى العادى الفرى يا استاذ ميدو
وباقى الامكانيات زى ما قال استاذ ميدو دا بالنسبة للايفون
الزد بقى فهو احسن واحد فيهم كا شكل انسيابى انيق وخامته احسنهم بردو وقوى ف التحمل ضد الصدمات مضاد للمياة والاتربة بشكل كبير كاميرا ممتازة صوت متوسط ونقية الشاشة ممتازة كا سطوع فهمى روعة وسريع وكل حاجة
النوت تو الوان الشاشة تشد بس مش اكتر ومفيهوش حاجة تاني زيادة من وجهة نظرى المتواضعة
لو عايزة تفكرى ف حاجة اندرويد من اللى انتى قولتى عليهم يبقى الزد احسنهم لو مش اندرويد خليكى ف الايفون 5 ممتاز

Black Crow

2013-06-11 (04:23:45AM)

نفسي فوبيا ال App Store تتلغي من عالموقع هو إيه حكاية التطبيقات بفلوس ديه المهمة اللي زي ال facebook,twitter,yahoo,skype,google+ youtube instagram snapseed ف ملايين التطبيقات ببلاش وكل أسبوع بيحولو تطبيق بفلوس لتطبيق مجاني عشان كده نزلت ال whatsapp ,infinity blade انا منزل علي الجهاز حاليا 46 تطبيق اتنين منهم كانو بفلوس وبقو مجانا بس العيب الوحيد اللي في الأيفون إنه بفلوس لازم عشان تشتري الموبايل تدفع فلوس مش عارف ليه يا ناس حرام عليكو انا غلبت في حكاية الرد علي الموضوع ده بالذات >_<

alahllly

2013-06-11 (10:25:29AM)

سامسونج نوت2 وإنتى مغمضه
اﻹمكانيات بﻻ حدود
وحتعيشى تجربة ساحرة

MetaEb

2013-06-11 (12:59:45PM)

Iphone 5

alahllly

2013-06-11 (01:32:40PM)

نوت2

jeneral2014

2013-06-11 (03:12:51PM)

ال Z و كمان ال iphone 5 حلو .. شوف انت بترتاح لأييه ..
بس عيب ال Z عن ال iphone 5 هو حجمه المبالغ فيه بصراحة :(
5 inch يعني كبير برخامة الحقيقة انما ال iphone 5 حجمه مناسب

تلك الخدمة مخصصة للأعضاء فقط