بدون عنوان

للرجوع الي صفحة سوني Xperia Z الرئيسية اضغط هنا

sahermas0

2013-04-29 (09:13:47PM)

يا جماعة انا لسة شارى الموبايل الوقتى ارجوكو بجد محتاج الرد على الاسئلة دى قوووى

الجهاز انا جبتة بالضمان بــ 5500 هل هو دة سعرة ؟

ومكتوب صنع فى الصين هلا فعلا ؟

والجهاز لما بشتغل علية واى فاى او لعبة او كاميرا او اى حاجة بيسخن على طوول قوووى
فبخاف قووى فهل دة طبيعى وممكن اكمل شغلى علية على طول ولا اية ؟

والكاميرا جاية عندى 12 ميجا مش 13 ولما اقرب الكاميرا قوى قوى الزوم بيبقى مش واضح خااااااااالص ؟

جالى تحديث للاندرويد وحدثتة وعمل ريتسارت وفتح تانى كدة تمام ولا فى حاجة تانى ؟

ياريت ياريت يا شباب الرد على الاسئلة دى بسرعة انا مستنى

شكرا جدااا ليكو مقدما

sahermas0

2013-04-29 (10:10:56PM)

يا رجالة حد يرد عليا ربنا يخليكووو :(

Hector

2013-04-29 (10:11:02PM)

بالنسبة للسعر انا معرفش بصراحة
كل الاكسبيريا زد مكتوب عليها صنع في الصين.. حتي في النسخ الفور جي
لنسبة للحرارة دة عادي و لو الحرارة كانت زايدة بسبب مشكلة في الجهاز بيطلعلك رسالة انة فية اوفر هيتنج(و دة مابيحصلش في الغاب لانة العادي بتاعة انة حرارتة تترفع لانة الشاشة كثافتها عالية و الالعاب و الفيديوهات بتسخنة جامد و بتوصل حرارتة ل 45 درجة سيليزية ف دة عادي ماتخفش
بالنسبة للكاميرا
في الوضع بتاع الاوتو بيخلية 12 ميجا بيكسل
لو عايز 13 ميجا بكسل اختار نظام التصوير عادي normal و ققفل الاتش دي ار HDR حتلاقي في الاوبشن اختيار 13 ميجا بكسل ظهر
بالنسبة للريستارت بعد التحديث دة العادي و حتلاقية ياخد وقت كبير كمان في الرستارت اللي بعد البديت

sahermas0

2013-04-29 (10:16:23PM)

طيب والزوم بتاع الكاميرا لما بقربة قوى بيقى وحش قووى . واية هو احسن وضع اخلى علية الفيديو علشان اصور بية واثبتة علية ؟

Hector

2013-04-29 (10:22:40PM)

بس اتاكد انة التحديث نجح لاني قريت انة فية واحد عمل تحديث و بعد التحديث لقي ال build number. ماتحدثش
عشان تتاكد ادخل علي settings و بعدين about phone و اتاكد انة ال build number
اخرة رقم
434

Hector

2013-04-29 (10:32:12PM)

شوف هو الزوم بتاعة وحش و دة في اي موبايل لانة optical zoom مش digital zoom
بس تصوير الفيديو بتاعة كويس جدا في الوضع العادي من غير زووم
و بالنسبة للصور حتلاقي الموبايل بيضغط الصورة ل 1.5 ميجا بايت ل 3 ميجا بيت بالكتير
بعكس موبايل ااس فور اللي صورة بتوصل ل 6 ميجا بايت
فا فية ناس كتير اشتكت من الموضوع دة بالرغم من انة الكاميرا ممتازة و لكنها ققل ببسيط من الاس فور
لحسن :الحظ انة دي حاجة سوفت وير مش هارد وغير و فية ناس علي منتدي سوني بيقولوا احتمال يتعدل في الابديت اللي جاي

sahermas0

2013-04-29 (10:33:51PM)

تمام يا هيكتور فعلا اخرة 434
والله يا باشا انا متشكر ليك جدا جدا وفعلا عملت اللى انت قولتة علية فى موضوع الكاميرا وبقت 13 ميجا تمام :)
انا مديونلك يا صاحبى العزييييييز

بس بجد يا هيكتور لو فضلت شغال على الجهاز لمدة ساعتين وهو سخن قووى كدة ما يحصلش حاجة ؟؟؟ ولا اية يا بوب

متشكر جدا لاهتمامك يا باشا ريحتنى والله

sahermas0

2013-04-29 (10:37:52PM)

ومعلش يا هيكتور انا خليت سطوع الشاشة على النص بالظبط علشان تكون اوضح شوية وشلت ولغيت علامة صح اللى على ( التكيف مع ظروف الاضاءة)

Hector

2013-04-29 (10:38:44PM)

لا شكر علي واجب
ماتخفش من موضوع الحرارة
بالعكس انا عاوزك تبهدلة لعب و هو لسة جديد كدة عشان لو فية حاجة لاقدر الله تظهر

Hector

2013-04-29 (10:41:47PM)

بالنسبة للسطوع عادي العب فية براحتك
بس البطارية حتتسحب اسرع شوية من العادي

jeneral2014

2013-04-29 (10:54:13PM)

بالنسبة حضرتك لموضوع السخونة ده فده طبيعي كان بيحصل معايا كده برده و الحل بسيط كل ما يسخن قوي حطه تحت مياه ساقعة و خلاص :)

Hector

2013-04-29 (10:59:40PM)

مش عاوز افتي بس هو مش غلط تحط حاجة سخنة قوي في حاجة باردة مرة واحدة ؟

sahermas0

2013-04-29 (11:04:04PM)

شكرا قو يا هيكترو ربنا يبارك فيك بجد

انا بعتلك رسالة فيها اكونتى على الفيس لو سمحت اكون سعيد لو ضيفتنى يا نجم

بالنسبة للأخ : jeneral2014

انت بتهزر ولا بتتكلم جد يا نجم هههههههههههههههه :))

jeneral2014

2013-04-29 (11:34:46PM)

الجهاز طبعا مضاد للمياه زي ما انتوا عارفين ..
انت مش هتعمل contact مباشر بين مصدر السخونة و المياه .. لأ فيه cover و ده مجرد انه بيعمل عازل و بتمتص الحرارة من خلاله
+ فرق درجات الحرارة مش كبير قوي زي ما حضرتك متخيل يعني (( 40 للفون )) و (( 10 مثلا للمياه )) يعني 30 درجة فرق ده مش معناه سخن و ساقع .. دوول فى نفس ال range فيزيائيا ...
و كمان الجهاز مصمم علي الظروف الشاقة عموما و احد اختباراته ال snow test .. يعني عادي جدا يسخن و هو حوله تلج اصلا :)
any way متقلقوش انا مجرب الطريقة دي و بستخدمها لما الفون يسخن قوي .. بسيبه شوية في مياه يبرد و اكمل شغل عليه تاني :)

تلك الخدمة مخصصة للأعضاء فقط