مشكله في الشاشه والذاكرة

للرجوع الي صفحة سوني Xperia C الرئيسية اضغط هنا

aabahnasy

2015-01-04 (11:34:29PM)

اول مشكله /
ان الشاشه عندي عملت حاجه غريبه فجأه من غير اي صدمات او كسور اتفاجأت ان الشاشه انطفت تماما وكأنها اتحرقت وكان بيجيلي مكالمات وكنت برد عليها عادي ع العمياني من غير معرف مين اللي بيتصل ....
الموضوع ده حصل فكل الناس قالولي الشاشه اتحرقت فسيبت التليفون حوالي 10 ايام وبعدها وديته محل حط التليفون في الشاحن واشتغل عادي .. رغم اني حطيت الموبايل في الشاحن قبل كده بمجرد مالشاشه عملت الحركة ده ولكن دون جدوى ... اشمعني بقي بعد مركنت الموبايل المده ده اتحط فالشاحن واشتغل ؟

وبعد الموقف ده بشهر ... عمل نفس الحركة بالظبط فسيبت التليفون يومين لحد مافصل شحن وبعدها حطيته فالشاحن واشتغل عادي خالص

انا عاوز اعرف المشكله فين عشان متتكررش او لو لازم يروح الضمان الحق اوده اثناء فترة الضمان

وشكرا ....

المشكله التانيه /
انه بالرغم من اني محدد الذاكرة الخارجيه بحيث يتم تسطيب البرامج عليها وتحميل التطبيقات عليها

وبالرغم ان حتى الذاكرة الداخليه فيها مساحه كافيه ... الا انه بالرغم من كده مش بعرف احمل تطبيقات من المتجر وبيقولي عفوا لا توجد مساحه كافيه بالجهاز ؟

دول مشكلتين ارجو الحل ... وشكرا جزيلا

اسف علي الاطاله

AbuAli

2015-01-05 (01:01:14AM)

بالنسبه للمشكله الاولي لما تحصلك حاول تفك غطاء الموبايل الخلفي هاتلاقي خرم صغير مكتوب فوقه reset بدبوس رفيع اضغط عليه ثواني الجهاز هايعمل ريستارت ويشتغل عادي بدون مشاكل

بالنسبه للمشكله التانيه حول دايما تعمل مسح للبيانات المؤقته وتشيل التطبيقات اللي مش تستخدمها والتحديثات تعملها للتطبيقات اللي انت بتستخدمها بس لانك حتي لو عامل ذاكرة ad اساسي التطبيقات بتاخد مساحه بسيطه من ذاكرة الهاتف
ومشكلة الموبايل هيا ذاكرته الداخليه فركز في التطبيقات اللي تهمك وما تقعدش تنزل اي تطبيقات وخلاص
تحت امرك

aabahnasy

2015-01-12 (09:26:49PM)

شكرا جدا يبو علي

بس انا عاوز مشكلة الشاشه معناها ان فيه مشكلة عندي في الجهاز فبالتالي لازم اوديه التوكيل ولا هو اللي حصل للشاشه ده عادي ؟!

وممكن يكون بسبب اني مش بسيب.الموبايل يفصل شحن خالص وبشحنه لما بتوصل البطاريه 10% علطول ومش بستنى انها تفصل

لان واحد قالي ان ده احسن وبيطول عمر البطاريه

تلك الخدمة مخصصة للأعضاء فقط