اتمنى الرد من اهل الخبره للأفاده

للرجوع الي صفحة سوني Xperia C الرئيسية اضغط هنا

yousifebrahim

2014-05-28 (01:25:25AM)

السلام عليكم ورحمة الله وبركاته لو سمتحتو يا جماعه انا ناوى اشترى موبايل جديد ومحتار اخر حيره بين ال سونى c وال سونى sp من الاخر انا معايا 2000 وممكن ازود 100 او 200 لو الموبايل يستاهل تنصحونى اشترى ايه او موديل تانى حتى ولا استنى شويه فيه حاجه جديده هتنزل ولا ايه وشكرا جزيلا مقدما اتمنى ردكم وشكرا

essamsherif2003

2014-05-28 (02:26:19AM)

كل موبايل وليه مزايا وعيوب المهم انت عاوز ايه في الموبايل من مواصفات ممكن تدخل هلى موقع gsmarena علي الشمال تحت حتلاقي phone finder حدد المواصفات التفصيلية بما فيها السعر حتظهرلك عدة موديلات اختار منهم اللي يناسبك.
انا كان عاجبني z بس كان بشريحة واحدة وغالي لقيت ال c قريب منه في معظم الحاجات ماعدا انه مش ضد الميه بش بشريحتين علشان كده جبته ال sp اعتقد شاشته اصغر من ال سي وبشريحة واحدة

essamsherif2003

2014-05-28 (02:29:19AM)

على فكرة ممكن تعمل مقارنة بين ال sp و ال c على نفس الموقع وانت اللي تحدد الانسب ليك

bebo33

2014-05-28 (03:26:21AM)

انصح ب ال xperia c والموبالين ممتازين لو جيبت اي واحد مش هتندم انك جيبته

من الاخر كده الي مغالي ال sp خامات صنع و ريزليوشن اعلي غير كده ال c 100%

man4safety

2014-05-28 (12:11:32PM)

انصحك ب sp فهو مميز جدا في كل شيء بروسيسور وبورده وكارت شاشة تحفه
عيبه حط واحد - ثقل الوزن - شاشة 4.6

bebo33

2014-05-28 (01:16:11PM)

البروسيسور في ال جهازين مافيش فيهم فرق واضح ال c اقل فئة في رباعي النواه و ال sp من الفئه العاليه في ثنائي النواه فالأداء متقارب

كارت الشاشه في ال c نفس اداء كارت ال 305 مارت ال sp 320 الاصدار الي بعديه الفرق مش كتبير
كفايه انك بتشغل جميع الالعاب الجامده زاي fifa14 nova3 sphalt8 علي ال c بأعلي حاجه

الي ممكن كان يخليني اشتري ال sp
1- المنظر
2- الريزلوشن العالي مع ملاحظة ان الريزليوشن في ال c تمام و جميع الناس راضين عنه
3- خامات الصنع و الاطار الالمونيوم و ده الي مخلي وزن الجهاز كبير بالنسبه لحجمه

الي خلاني اجيب ال c
1- حجم الشاشه
2- خطين
3- أداء البطاريه افضل من ال sp
4- منظر الجهاز من نظام عائلة ال z لدرجة ان كل الناس فكراني معايا z

غير كده باقي المواصفات متقاربه ب95%

ملحوظه اخيره ال sp هيبقي 4.4.2
ال c هيبقي 4.3

بس برده تحديثات ال سوني فاشله و مش بحب اعمل تحديثات

كان معايا sony neo من شركة سوني اريكسون وقالوا هينزلوا اندرويد 4 ايس كريم وكل الناس فضلت مستنيه ينزل و انا منهم و اول منزلتوا برده ياريتني مانزلتوا طبعا ,, غير شكل الجهاز للأحسن و خلاه جامد و الكاميرا احسن بس تعالي بقي بقي اتقل من الاول اداء بطارية قلت النص و كان حاجة #### :]

دايما سوني مش بتجرب الابديت قبل ماينزل و في الاخر ممكن تزهق و تنزل رروم بسبب الابديدات الي بيعملوها بيصحوا و يظبطوا حجات بس بتيجي علي حساب حاجات تانيه

yousifebrahim

2014-05-28 (02:48:10PM)

يا جماعه والله انا عاجز عن الشكر وعن سرعة الرد الى مكنتش متخيلها شكرا للجميع افدتونى كثير والله بس بصراحه انا لسه محتار لن فيه مميزات هنا مش موجوده هنا والعكس صحيح انا بحب الكاميرا الافضل عموما والصوت يفرق معايا والاداء طبعا يكون مناسب بس مش هيفرق يكون عالى قوى ..طيب سؤال اخير لأساتذتى الكرام ال c موضوع انه مش 4g وكمان ان الذاكره الداخلية 4 جيجا ده يفرق كتير ولا ايه وهل الذاكره الداخليه ال 4 جيجا متاحه كلها للمستخدم ولا ايه واشكركم مره ثانيه وجزاكم الله كل خير
..

essamsherif2003

2014-05-28 (06:48:55PM)

اولا ال 4g لسه مشتغلتش في مصر ثانيا ال 4g متقسمين 2 جيجا للسيستم ومش ظاهرين 1 جيجا للبرامج وتحديثها والمتاح منها اول مبتشتريه حوالي 700 ميجا وهي قليلة بس في ميزة في الموبايل انه ينفع تتسطب البرامج على sd card اللي لا غني عنها ولازم تشتريها على الاقل 16 جيجا ثالثا المساحة المتاحة للميديا ( صور وفيديوهات وملفات 1.2 جيجا ودي مش حتستخدمها اصلا لو اشتريت sd card
انا جايب sd card مساحتها 32 جيجا. ومنزل حوالي 40 برنامج و4 لعبات والمساحة المتاحة المخصصة للبرامج حوالي 500 ميجا وال 1.2 جيجا مبستخدمهاش خالص وسرعة الموبايل ماشاء الله ومبيهنجش يعني من الاخر قلة المساحة مش مأثرة على الجهاز الخوف من المستقبل وكترة تحديثات البرامج ولو اني مش شايف لازمة اوي للتحديثات الموبايل علي وضعه مش محتاج

man4safety

2014-05-28 (08:44:05PM)

الذاكره في السي قليله حتي مع نقل البرامج بيتبقالك مساحه صغيره انا معايا السي وبنصحك بالاس بي

bebo33

2014-05-29 (02:36:06AM)

طب انا معايا ال c وبنصح ب ال c برده :) انا منزل 67 برنامج و 5 لعب من العينه التقيله fifa14 /mostwanted need 4 speed / nove3 / max payne / modern combat 4

وحركة 12 لعبة خفاف والمساحه 480 في الجهاز و ممكن افضل انزل طول مافي مساحه في الميموري الخارجي .

الصوت ال c اعلي من ال sp و ممكن حضرتك تشوف ده من