السلام عليكم

للرجوع الي صفحة سوني Xperia C الرئيسية اضغط هنا

mos555

2014-03-18 (02:04:49PM)

لو سمحتم ي جماعه انا عاوز اشتري اكسبيريا سي او اكسبيريا ال ومحتار جدا بينهم ف لو سمحتم ممكن حد يفيدني ايه الافضل منهم من حيث
الكاميرا
البروسيسور
الرام
سرعه الجهاز وانهي جهاز يستحمل شغل والعاب اكتر وسرعه نت
والاختلافات اللي بينهم بتفرق كتير ولا عاديه
والذاكرة بتاعه الموبايل نفسه افضل ف دي ولا دي ؟
وسعرهم كام؟
والاقيهم فين وياريت "لو في رقم محل ف القاهرة يكون موجود فيه
شكرا

mos555

2014-03-18 (02:18:22PM)

اخر استفسار بس البطاريه بتشتغل نت والعاب كام ساعه متواصله وبتتشحن ف كام ساعه والكاميرا الاماميه افضل ف السي ولا ال

واسف ع الاطاله بس ياريت حد يكون فاهم يفيدني

mohamedkhedr115

2014-03-18 (06:14:04PM)

والله بالنسبه للكسبيريا سي لانه معايا هاقدر اقولك ايه مميزاته وعيوبه المميزات الشاشه اكتر من رائعه الرام محترمة جدا انا حاليا منزلى حوالى 50 برنامج ومن النوع الثقيل والجهاز لله الحمد مش بيهنج
البروسيسور رباعى النواه 1.2
بالنسبه للالعاب انا مدمره اللعاب بجد وايه العاب اون لاين والجهاز الحمد لله مش بيون
الذاكره بتاعته صغيره بس مش بحس بيها لانى مستغرب الناس هنا اللى بتقولك انها بتتملى
من مميزات السي كمان كل التطبيقات كلها كلها كلها بتتنقل على الكارت وى اول مره اشوفها فى الاندوريد

انا اشتريته من الافاوكاتوا اللى فى وسط البلد بسعر 2000 جنيه
محطة محمد نجييب بجوار مترو محمد نجييب

اما عن البطاريه فى هى بتقد يوم استخدام طحن على المكالمات والانتر نت يوم كامل
اما لو استخدامك زى الناس الطبيعه هتقعد معاك اكتر من 2 يوم

انما ال انا مش عارفه كل كلامى على الاكسبيريا سي

khaledsaeed

2014-03-18 (06:22:58PM)

بص يابرنس السى شاشتة اكبر بحبة حلوين اما بخصوص الرام الجهازين نفس الرام 1 جيجا انما السى اعلى فى البروسيسور السى 1.2 انما التانى 1 بس و الكاميرا الاتنين 8 ميجا يعنى زى بعض بخصوص سرعة الجهاز و التحميل و انهى يستحل اكتر اعتقد ان السى يكسب بصراحة عمرة ماسخن معايا بس عيبة الذاكرة الداخلية 4 جيجا بس بس دى مش مشكلة عشان تقدر تنقل كلة على الكارت حتا البرامج و الالعاب انما الاكسبريا ال الذاكرة الداخلية 8 جيجا بس مافيش خصية انك تنقل على الكارت اما بخصوص الاسعار السى بحوالى 2000 انما ال ال ب 1700 تقريبا و راى الشخصى السى افضل من الاخر السى حمار شغل خصوصا البطارية

khaledsaeed

2014-03-18 (06:28:12PM)

بخصوص البطارية كانت بتعد معايا 6 ساعات كاملين من غير ماسيب الجهاز يعنى 6 ساعات شات متواصل بس بعد لما ظبط الاضاءة اصلها كانت معمولة اعلى حاجة المهم بعد ما ظبطاها بتعد حوالى 9 ساعات شغل من نار و عموما هقولك معلومة ليك بطارية اكسبريا سى تانى اقوى بطارية فى العالم و ممكن تتاكد بنفسك من على النت

mos555

2014-03-21 (02:40:17PM)

اولا الف شكر للاستاذ mohamedkhedr115 والاستاذ khaledsaeed ع الرد بس بالنسبه للكاميرا ف ناس بتقول انها ف ال L افضل من ال C مع انهم نفس الميجابكسل معرفش ازاى ف ياريت توضيح بس هى كاميرا ال Cكويسه وياااااريت بس لو ف فيديو توضيحى بس للكاميرا

تلك الخدمة مخصصة للأعضاء فقط