بدون عنوان

للرجوع الي صفحة سوني Xperia C الرئيسية اضغط هنا

mohanad9100

2013-12-10 (03:40:10AM)

للأسف ظهر عيب جديد مش عارف الموديل ده ماله والعيب ده مكرر من عدة تانية منه كنت بعتها
عند توصيله مع أى سماعة بلوتوث بيقطع مع نفسه بمعنى
مكالمة تتم عادى تطلب اللى بعدها تلاقيه مع نفسه فصل وشغال من سماعته العادية
والله شككنى فى سماعتى الjabra talk كانت ممتازة جدا وبعتها بسببه
وجبت واحدة سونى mbh 10 قلت يبقى أحسن له
لكن لا زال التقطيع موجود
آخرتها حأبيعه وأجرب ألكاتيل سناب نفس البروسيسور والفيجا
بس شاشة 4.5 بس وخط واحد وبطارية 1800
أو أستنى ألكاتيل هيرو حيكون أفضل كتير

mohanad9100

2013-12-10 (03:47:30AM)

ماشى الجهاز شاشته معقولة سريع نسبيا بس مش زى النوت 2 أو 3 مثلا ولا حتى الجالاكسى ميجا الكبير ال 6.3
لكن فيه عيوب سوفت وير تزهق بجد
هو عيب الهاردوير الوحيد اللى فيه قلة مساحة الذاكرة الداخلية الخاصة لتثبيت التطبيقات
لكن كمان كاميرته كويسة
الشبكتين بتوع الخطين ممتازين فى إستقبال الإشارة ودى بصراحة حاجة نادرة فى موبايل أندرويد بخطين
وعموما أنا ما لقتيتش لحد دلوقت أى موبايل أندرويد بخطين محترم للأسف
حتى الميجا الخطين كان بيهيس وبطاريته مش حلوة
على العكس الميجا الكبير ال 9200 كان ممتاز بجد وطبعا خط واحد

1mOuStaFa

2013-12-10 (04:16:45AM)

ممكن تفكر فى ال S4 mini dous

احمد نبيه

2013-12-10 (10:52:26AM)

بس دا عيب سوفت وير صح ؟
يعني لو بلغنا الشركة ممكن في الابديت الجاي ان شاء الله يتصلح
طيب حضرتك كلمت حد من خدمة العملاء قلتلهم عن المشكلة او بعت رسالة ولا حاجه ؟