سعر و مواصفات Samsung S5330 Wave533

عايز حد يجاوبنى عن الموبايل ده
صوته فى الهيد فون عامل ازاى كويس ولا عالى ولا عالى جدا

*صوتة فى السماعات عالى جدا عن النوكيا سواء فى الأغانى أو الراديو
==================
ثانيا انا شوفت نظام البادا والحقيقة هو حلو مش وحش اطلاقا بس عايز اعرف فى المجمل النظام ده حلو فى التعامل ولا معقد شوية ولا ايه وبالنسبة لتطبيقاته الموبايل ده تطبيقاته سهلة التثبيت ولا ايه

*نظام البادا لسة جديد و محتاج مطورين اكتر علشان يقدر ينافس
هو نظام سهل جداااا فى التعامل بس لسة مأثبتش نفسة
و بالنسبة للتطبيقات الموبايل بيقبل ال jar و بيتصطب عادى جدا او توصلة بالكمبيوتر و عن طريق برنامج الكيز تدخل على samsungapps و تنزل التطبيقات اللى انت عاوزها
=====================
كمان الكاميرا هل هيا متوسطة ولا فوق المتوسط ولا جيدة جدا فى ضوء النهار

*فى ضوء النهار فوق المتوسط و بالليل محتاجة أضاءة علشان الصورة تبقى واضحة
==========================
كمان فى بعض الريفيوهات على اليوتيوب ناس بتقول ان الملتى تاتش بتاعه المستخدم فى الزوم سواء فى الصور او الانترنت مش سريع الاستجابة وكانك بتتعامل مع موبايل ريزيستيف

*المالتى تاتش سرعتة مقبولة مش بطيىء خالص سواء فى الصور أو الأنترنت
فقط فى الأنترنت بيكون فية بطء ثوانى مش ملحوظ
========================
حاجة تانية فى ناس بتقول وانا شوفتها قدام عينى على ريفيو ال scroll
بتاع الموبايل اثناء التصفح مش سهل يعنى لازم تصبر شوية عليه

*هو انت لازم تستنى الموقع يحمل كامل و بعد كدة تبتدى تتصفحة
و انا من رأيى الحياة هتبقى جميلة لو داخل الأنترنت من خلال شبكة wifi
لكن لو داخل من الأنترنت العادى بتاع الخط هتزهق بسرعة
=================
وايه اخبار الخامة بتاعته هل هو فعلا صحيح بلاستيك ردىء ولا ايه بظبط

*هو فعلا يعتبر بلاستيك بس مش لدرجة انة يبقى ردىء
لكن مقبول بلاستيك عادى زى بتاع الموبايلات النوكيا
ممكن تنزل تعاين الموبايل عن اى فرع موبايل شوب
==========================
السلايد يا ترى اخباره ايه سلايد جامد ويستحمل ولا ايه اصل انا ظروف دراستى بتبقى معامل وورش فهل هيستحمل ولا ايه

السلايد جامد ما شاء الله
بس انا محافظ على موبايلى بقالى شهر و جايبلة جراب و قريبا شيلد لحماية الشاشة
لكن مش عارف هيستحمل معاك انت ولا لأ
============================
وصوته فى السبيكر عامل ازاى عالى ومسموع ولا ايه

*صوتة فى الأسبيكر الداخلى فوق المتوسط
و صوتة فى الأسبيكر الخارجى متوسط
==========================
الكواليتى بتاعت الالوان حلوة ولا متوسطة وياترى عاملة ازاى فى ضوء النهار لو حد ماشى فى الشارع فى عز الشمس هيشوف حاجة ولا ايه

*ألوانة جميلة جدا بالليل
بالنهار بتشوف عادى بس الشاشة بتعكس صورة وشك و بتبقى عاملة زى المراية
علشان كدة انا هركبلة انتى جلير حماية للشاشة و مبيعكسش الضوء
==========================
كمان عايز اعرف استجابة النت سريع ولا بطىء ولا ايه اخباره خصوصا انه مش جيل تالت
وعايز اعرف فعلا البطارية مش بتكمل يومين ؟

*النت بتاع التليفون العادى مقبول مش بطيء أوى بس لازم تصبر علية انا جربت نت اتصالات وموبينيل شغال يعنى بس مش بستخدمة علشان بدخل من خلال الشبكة wifi

و بالنسبة للبطارية انا استخدامى للموبايل مكالمات و بشحنة كل 4 او 5 ايام
=====================
وهكون شاكر جدا لاى حد هيرد على استفساراتى

العفو
و أنتظر اراء باقى الأعضاء متاخدش برأى واحد و فى الأخر الصورة هتوضح لك

ayman kamar
وصل سعرة 1150 فى اليكس ولا كايرو

وصل سعر الجهاز 1150جنيه

عايز حد يجاوبنى عن الموبايل ده
صوته فى الهيد فون عامل ازاى كويس ولا عالى ولا عالى جدا
ثانيا انا شوفت نظام البادا والحقيقة هو حلو مش وحش اطلاقا بس عايز اعرف فى المجمل النظام ده حلو فى التعامل ولا معقد شوية ولا ايه وبالنسبة لتطبيقاته الموبايل ده تطبيقاته سهلة التثبيت ولا ايه
كمان الكاميرا هل هيا متوسطة ولا فوق المتوسط ولا جيدة جدا فى ضوء النهار

كمان فى بعض الريفيوهات على اليوتيوب ناس بتقول ان الملتى تاتش بتاعه المستخدم فى الزوم سواء فى الصور او الانترنت مش سريع الاستجابة وكانك بتتعامل مع موبايل ريزيستيف

حاجة تانية فى ناس بتقول وانا شوفتها قدام عينى على ريفيو ال scroll
بتاع الموبايل اثناء التصفح مش سهل يعنى لازم تصبر شوية عليه
وايه اخبار الخامة بتاعته هل هو فعلا صحيح بلاستيك ردىء ولا ايه بظبط
السلايد يا ترى اخباره ايه سلايد جامد ويستحمل ولا ايه اصل انا ظروف دراستى بتبقى معامل وورش فهل هيستحمل ولا ايه
وصوته فى السبيكر عامل ازاى عالى ومسموع ولا ايه
الكواليتى بتاعت الالوان حلوة ولا متوسطة وياترى عاملة ازاى فى ضوء النهار لو حد ماشى فى الشارع فى عز الشمس هيشوف حاجة ولا ايه
كمان عايز اعرف استجابة النت سريع ولا بطىء ولا ايه اخباره خصوصا انه مش جيل تالت
وعايز اعرف فعلا البطارية مش بتكمل يومين ؟

وهكون شاكر جدا لاى حد هيرد على استفساراتى

الله يخليك شكرا يا عبدة

بالنسبة لل 525 اللى معاك فكرت هتحمية أزاى ؟؟ ولا أنت مش هتجيبلة اى حاجة حماية

بالنسبة لى أنا حاليا جبت لة جراب أيفون جلد

و أشتريت من موقع ebay شيلد حماية anti glare

الحجات دى موجودة فى مصر بس غالية يعنى الشيلد عامل فى راديو شاك يبدأ من 170 ج و انت اللى تقصة على حجم الشاشة

و اعتقد موجود فى سيتى ستارز و السراج و فى حدود 100 ج بس الراجل هو اللى بيقصهولك و بيركبهولك

لكن انا اشتريت 2 شيلد جاهزين على حجم الموبايل ب 90 ج بالتوصيل إلى البيتو هيوصلوا فى خلال شهر عدى منهم أسبوعين

و الجراب كنت جايبة من السراج ب 15 ج
جراب ايفون

moftakesegy

شكرا يا بوب على المعلومات الجامدة دي :)

shpinyx99

حكاية المسابقة دي ممكن تكون حلوه لو ف حاجة تنفعنا ف انت شوف ممكن لو تقدر تعرض حاجه على ادارة الموقع اما بالنسبة لل
E7
اعتقد ان سعرة هيعدي ال 2000 جنية خصوصا علشان الكاميرا بتاعته عالية

دراغون2050

برنامج الكيز ده البرنامج اللي عن طريقة بتتعامل مع الموبايل علي الكمبيوتر يعني مثلا لما تحب تنزل ابليكيشن او تعمل ابديت للموبايل عن طريق الكمبيوتر ف هتحتاج البرنامج ده.
بالنسبة لموضوع التحديث فهو ممكن يعالج اخطاء كانت موجوده في الفيرم وير القديم و ممكن كمان في بعض الاحيان يضيف مهام جديدة مكنتش موجوده و طريقة التحديث دي بسيطة لما هتفتح السامسونج كيز هتلاقيه كاتبلك ان فيه فيرم وير جديد كل اللي هتعمله هتدوس على اللينك و هتابع الخطوات لغاية ما يبدأ التنزيل للابديت بس لازم طبعا تعمل اللي قال عليه moftakesegy

دراغون2050

برنامج الكيز هو ال pc suite الخاص بالسامسونج
و من خلالة بنقدر ندخل على samsung apps
و ننزل ابليكشنز سواء برامج العاب ثيمز

و البرنامج نفسة اول مبتوصل الموبايل بيقولك لو كان السوفت بتاعك هو الأحدث
ولا يوجد تحديث

ولو يوجد تحديث بيقولك تحب تحدث ولا لأ

ولو بتحب تحدث زى مقولت لازم تسيب الموبايل ساعة من غير متلمسة او حد يتصل بيك

sphinyx99

أعتقد مسابقات عامة مش هتنفع هنا
لأ الموقع محدد هدفة أنة يكون مختص بالموبايلات
هو لو الموقع يعمل مسابقة تكون خاصة بالموبايلات و يكون ليها جوائز يبقى كويس جدا

و بالنسبة ل E7 أنت متأكد من الموديل ؟؟
لأنى أنا شوفتة فية ثرى جى و كاميرا 8ميجا و كاميرا ثانية

moftakesegy
انت عرف نوكيا
E7
هو تليفون كويس بس لو تعرف سعره بره هيبأ كام او هو سعره هيبأ في حدود 1400-1500
لأنه مافيهوش
gps / secondry camera

eh ya gid3an ma had yrod 3alia
ايه يا جدعان ماحد يؤل راية