بدون عنوان

للرجوع الي صفحة سامسونج S5233w الرئيسية اضغط هنا

neeveen

2012-05-28 (04:59:32PM)

هل الموبايل يشغل صيغه pdf وانى احمل كتب عليه واقراها ينفع ولا لا افيدونى

ramezsayed

2012-06-02 (12:28:56AM)

نعم وبأمتياز.....لكن حتة انه مافيهوش multi touch هتخلى صعب شوية انك تقرأ الملف وتزووم براحتك بس مش مشكلة كبيرة

mohammedchali

2012-06-02 (12:26:55PM)

لو سمحت
انا عايز اشتري الموبايل ده
لو تكرمت ممكن حضرتك تقولي رئيك فيه والنت بتاعه سريع ولا ايه واللغه العربيه
مشكور

mohammedchali

2012-06-02 (12:30:11PM)

كلامي موجه لك ياramezsayed
شكرا لك

ramezsayed

2012-06-04 (12:17:01PM)

المميزات:
النت فيه عادى لاسريع طلقة ولابطئ يعنى عادى والعربى فيه دعم كامل والشاشة ممتازة بس تحت الشمس وحشة زى كل الموبيلات الرخيصة والتاتش بتاعها جيد جداً وهيبقى فوق الممتاز لو استعملت الشاشة من غير اللزقة اللى عليها (انا واحد صاحبى معاه نوكيا 5233 مسك موبيلى وقاللى الشاشة دى ! resistive مكانش مصدق فرق رهيب بين تاتش ستار والنوكيا مع انهم الأتنين resistive )
الصوت كما قلت سابقاً ممتاز جداً

العيوب:
الكاميرا تصوير ثابت جيدة جداً فى الضؤ والشمس لكن زفت فى كل حتة تانية والتصوير الفيديو فى الحالتين الضؤ من عدمه زفت وأكتر من 90% من الصور بتبقى مهزوزة و (يمكن انا ببالغ شوية لكن انا بهتم جداً بالكاميرا فى الموبيل)...يعنى من الآخر كاميرا أى كلام
الموبيل ماينفعش تحط عليه أى ثيمات خالص لازم تعمل طريقة كده علشان تحط ثيمات براحتك بس هتغير الفيرموير واللغة العربية فى الموبيل هتبوظ
برامجه والعابه كتيرة بس كلها جافا عبيطه وتافهة جداً مافيش برنامج قوى زى برامج السيمبيان أو العاب زى الأندرويد

يعنى من الآخر لو يتهتم بالكاميرا أبعد عن ستار ولو انت من هواة الألعاب والبرامج والذى منه برده أبعد عن ستار...غير كده لو ده أول موبيل تاتش ليك هتحبه جداً خصوصاً انه يعتبر رخيص