بدون عنوان

للرجوع الي صفحة سامسونج Galaxy S4 mini I9190 الرئيسية اضغط هنا

darkiller

2014-03-14 (09:47:45PM)

سلام عليكم ياجماعة انا ان شاء الله هشتري بكره الموبيل ده :) فكان عندي كذا استفسار
1- ليه في التوكيل ب3150 و في المحلات بره ب2800 ؟! و اشتري من انهي احسن ؟!
2- ايه رايكم في الموبيل ؟! ولو فيه مشاكل مع حد يريت يقولها
وشكرا للجميع بالتوفيق للجميع :)

gedr007

2014-03-15 (01:01:56AM)

عادة التوكيل بيبيع باعلى سعر و ده علشان التجار و الموزعين اللي تحت منه يقدروا يبيعوا ...لانه لو مافيش فرق في السعر الناس هتشتري من التوكيل و يبطلوا يشتروا من التجار ده بالنسبة للاجهزة بضمان محلي

انا ما اعرفش في التوكيل بكام لكن اعرف ان في:
موبينيل و فودافون السعر 3099
متوسط اسعار السوق بضمان محلي 2750
افضل سعر بضمان دولي او بدون ضمان زي ما بيسموها 2500 جنيه دلوقتي و ده اللي انا اشتريت بيه جهازي لاني طبعا فرق السعر انا اولى بيه و في الاول و الاخر ما فيش فرق بين الاتنين لان الضمان المحلي بيكون لمدة سنة ضد عيوب الصناعة مش اكتر من كده و مادام الجهاز اشتغل كويس يبقى مش هتستفيد من الضمان في حاجة غير انك دفعت 200 جنيه في الهوا و لو روحت التوكيل بعد كده في اي مشكلة هيقولك عيب استخدام..و على فكرة المحل اللي بيبيع من غير ضمان لو محترم بيديلك ضمان لمدة 14 يوم دول من عنده خاصين بقانون حماية المستهلك يعني العملية متساوية
انا شخصيا اشتريت من محل Smile و ده من التجار المسجلين و عنده اقل سعر في السوق
عنوانه 105 ش سليم الاول حلمية الزيتون و تقدر توصل لباقي المعلومات عنه من الصفحة فوق خانة (شراء جديد) .
اما بالنسبة للموبايل نفسه فهو فوق الممتاز بشوية ولا يتفوق عليه في السامسونج بطبيعة الحال سوى ال s4 و ال note 3 و note 2 مع مراعاة فارق الاحجام الرهيب