بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

youssefshabana

2014-03-13 (05:30:56PM)

تقرير مفصل عن الأس 4 النسخة I9500 بعد تحديث الكيت كات 4.4.2 الرسمي

في البداية أحب اقول ان التحديث حجمه بالظبط 460.79 ميجا

والتحديث ده لدولة السعودية ودي أول دولة في منطقة الشرق الأوسط اللي ينزلها التحديث

نبدأ بسم الله

اولا السرعة :- تحديث الكيت كات الصراحة خلي الجهاز أسرع بفرق واضح من الجيلي بين 4.3 وخلي استجابته افضل زي فتح وغلق الجهاز وللعلم ان التحديث مستقر ومفهوش تهنيج أو مشاكل اطلاقا

ثانيا استهلاك الرامات :- بصراحة انا فوجئت من معدل استهلاك الرامات بعد التحديث انا قبل معمل التحديث استهلاك الرامات كان اقل حاجة 1.12 جيجا من أصل 1.82 جيجا اما بعد التحديث بقي بيوصل ل 850 ميجا من اصل 1.82 جيجا لكن طبعا هيا مش ثابتة لكن مبقتش بتعدي ال 1.30 جيجا علي عكس التحديث اللي فات كان الأستهلاك بيوصل 1.65 جيجا او أكتر فدي نقطة مهمة جدا

ثالثا البطارية :- البطارية ادائها اتحسن كتير بدون مبالغة وبالأستخدام التقيل للجهاز بتقعد معايا يوم و يمكن أكتر وكمان السخونية قلت عن الأول بفرق ملحوظ

رابعا لوحة الأشعارات :- لوحة الأشعارات باللون الشفاف و الرموز بقت باللون الأبيض وانا شايف ان شكلها أفضل و أشيك من الأول

وكمان الجهاز بقي بيقرأ الذاكرة 16 جيجا بعد التحديث اما قبل التحديث كان بيقرأها 8.92 جيجا

وكمان أضيفت بعض النغمات الجديدة في الجهاز

لكن باقي التفاصيل مفيش فيها اختلاف كبير

لكن التحديث ده تقريبا حل كل مشاكل الجهاز السابقة زي استهلاك الرامات و البطارية ادائها أفضل كتير عن الأول والتهنيج نادر جدا
فانا أحب اطمن الناس اللي معاها الجهاز والتحديث وصلها لكن خايفة تحمله من أنه يتقل الجهاز او يعمل أي مشكلة فيه اقولهم متقلقوش خالص التحديث مستقر وشغال بسلاسة بدون اي مشاكل وحسن من سرعة و أداء الجهاز ومبروك عليكم التحديث الجديد وأي استفسار انا في الخدمة :)

تقبلوا تحياتي

youssefshabana

ahk252

2014-03-13 (07:42:04PM)

تسلم الايادي تقرير ممتاز وده اللي كنا متوقعينه من الكيت كات

kikijamal

2014-03-13 (08:55:56PM)

ياجمااااااااااااااعه انا هشتري الاس فور النسخه الفور جي من السعوديه ممكن اعرف الموبايل بيسخن ولا لا واذا كان لا ياتري البطاريه بتقعد اد ايه لحد ما تتشحن تاني مع الاستعمال المتوسط ؟؟ وياترري هو افضل ولا النوت 2 في كل حاجه مش البطاريه بس لو الاختلاف مش ملحوظ اوي ؟

youssefshabana

2014-03-13 (09:03:07PM)

لأ متقلقش مش بيسخن خالص والبطارية بتقعد بالأستخدام المتوسط حوالي يومين هوا أفضل من النوت 2 توكل علي الله ومش هتندم ان شاء الله :)

MohammedHashish

2014-03-13 (10:30:30PM)

السلام عليكم
اشكرك جدا على الاخبار الهايله دى
انا اشتريت التليفون ده النهارده من الامارات ب 3000 جنيه مصرى
وهيوصل لى باذن الله يوم الخميس اللى جاى الصبح