بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

Mohamed414

2014-03-10 (09:46:40AM)

السلام عليكم
كنت محتاج آعرف آيه الفرق بين النسخة S4 I9505 والنسخة S4 I9500
وآيهما آفضل
آنا معروض عليا S4 I9505 من الآمارات بس مش عارف بقلق آني آجيب حاجة من برا مصر
والنسخة S4 I9500 ممكن آنزل آجيبها عادي دلوقتي
بس محتاج آعرف آيه الفرق بينهم في كل حاجة وآيهما آفضل وليه آفضل ؟
آرجو الآفادة
وشكراً

karimsasa

2014-03-10 (01:11:48PM)

بص ياغالى من حيث الامكانيات تقدر تعمل مقارنه من هنا من الموقع
وهتلاقى ده بيصب لصالح 9505 لان ده المنطقى والبديهى بدليل انه اغلى من 9500
وفى بعض الاعضاء المحترمين بيقولوا ان 9500 افضل وعاملين مقارنات مفيده وان كنت انا باعتبر ان ارائهم شخصيه ولكنهم فادونى جدا فى الشراء وهم اهل خبره ومتواجدين بالمنتدى لمساعدة الغير
انا شخصيا جبت ال9505 عن اقتناع يكفى ان البروسيسور اعلى ويزيد كمان بالتقنيه الجديده 4جى
وده شخصيا يكفينى خصوصا بعد ماقعدت شايل الموبايلين 9500 و 9505 لمدة 48ساعه متواصل لان ابن عمى معاه الموب 9500 وهو اقدم منى فى تلك التقنيات اكدلى ان جهازى افضل
اما بقى عن قصه انه من الخارج وانت بتقلق وده برضه عن تجربه فى اكتر من موب كل ماهو خارج مصر افضل بكثير من اللى بداخل مصر وانا الموب بتاعى من السعوديه طالما زيرو يبقى من بره احلى
اقولك كمان سر حتى لو مستعمل فى الامارات هيبقى احسن من اللى فى مصر لانهم بيغيروا الموبايلات بتاعتهم بسبب كثرة الاموال وحبهم فى انهم يشيلوا احسن انما احنا مش بنبيع موبايلاتنا غير لما يكون فيها خزووو..... ههههههه الا من رحم ربى طبعا
وفى النهايه المجمل اذا كان موبايلك 9500 او 9505 فتاكد انك شايل انضف الموبايلات اللى نزلت العالم ومبروك مقدما