بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

alhoseny

2014-03-02 (12:06:24PM)

ايهما افضل s4 mini or s3 ولية وهل المينى موبيل دة بيكون تمام؟؟؟؟؟؟؟؟؟؟

zman2yahob

2014-03-02 (12:39:42PM)

ده موضوع انا عامله فى الصفحه الثالثه دالوقتى هنا

موضوع لذيذ ... ^_^

ازاى المقارنه بتتم بين اس4 ميني والرائع اس3

موضوع شاغل بال ناس كتير خصوصا ان الاتنين تقريبا بسعر واحد مقارب جدا
واوقات بنصح بال4 ميني واوقات بنصح ب3
لازم تعرف انك وانت بتشترى هاتف او اى جهاز عموما انت بتشترى افضل حاجه تلبي احتياجاتك مش الاحدث .. لآنى لما بدور على الاحداث هيبئى فى اختيارات بالتأكيد مش هيكون اس3 ولا اس4 ميني منهم ولا حتى اس4 نفسه

طيب تمام .. اتفقنا على نقطة بدور على احتياجاتى دى

1>>
فلو احتياجاتى فى المقام الاول هو الكاميرا والالعاب . فورا هاروح على اس3 الى بيتميز بكاميرا بدرجه نقاء اعلى من اس4 ميني سواء فى التصوير العادى او الفيديو
ومعالج رباعى جيد جدا فى الالعاب على عكس ثنائى الانويه فى اس4 ميني حتى مع انه من سناب دراجون لكن يظل اداءه ليس بالكفاءه الموجودة فى اس3

2>>
لو احتياجاتى فى بطاريه قويه وتعيش معايا فتره طويلة لآنى بستخدم الهاتف لوقت طويل . فورا هاروح لآس3 الى بيقدملى بطاريه بقوة 2100 مقابل 1900 فقط فى 4ميني

3>>
لو احتياجاتى فى تنزيل رومات وبحب اجرب سينوجين وغيرها . فورا هاروح لآس3 بسبب توافر عشرات الرومات الرائعه والى بتجلب مميزات رائعه للهاتف

4>>
لو احتياجاتى شاشه افضل فى العرض وبيكسلات اعلى هاروح لآس3 فورا

اما امتى اس4 اختيار افضل .. لو حد بيقولى انا عايز موبايل فيه كل حاجه وانا مستخدم جديد ودى اول تجربه .. او حابب شكل اس4 ميني والى هو فعليا اقل من اس3 شكلا وان اس3 انحف منه بفرق بسيط ودى حاجه حلوة لآس3

لازم تعرف . ان لو اس4 المعالج 4 جيجا مثلا .. دى مش حاجه هتميزة على اس3
هيرجع الموضوع بردوه لآحتياجاتك وهل اس3 هيقصر معاك او لا
ماتبقاش رايح تشترى تلفزيون مثلا لمجرد ان معاه اتنين ريموت
فكر قبل ماتشترى ولا تستشير اصحاب الاهواء الشخصيه
واولا واخيرا .. انت حر فيما تملك لآنك الى هتستخدم الهاتف مش حد تانى
فكر وقرر واعقد وتوكل .. ومبروك لكل الناس ايا ماكان اختيارهم

youssefshabana

2014-03-02 (01:37:47PM)

شوف يا باشا الموضوع باختصار عايز كاميرا افضل وشاشة اكبر وانقي وذاكرة داخلية اكبر وبيدعم خاصية NFC هات الاس 3
اما لو عايز شاشة صغيرة وسهل التعامل معاها وتليفون بشريحتين ورامات اكبر واداء افضل وبطارية اقوي هات الاس 4 ميني

تلك الخدمة مخصصة للأعضاء فقط