بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

zman2yahob

2014-02-24 (05:10:50PM)

موضوع لذيذ .. ^_^

نكمل كلامنا .. وسألنا سؤالين

اعرف ازاى وانا واقف بجيب من المحل ان الهاتف الى معايا هاى كوبي

اعرف ازاى لما اروح البيت ان الهاتف الى معايا هاى كوبي

اول حاجه .. وانا بجيب الهاتف من المحل فيه خطوات سريعه بالنظر بقدر اطمن للجهاز الى امامى

1. دايما فيه اختلاف فى اطراف الهاتف ملحوظه جدا مهما كانت درجه التقليد
الاطار فى اس4 الاصل نحيل جدا . فى كل النسخ التقليد الاطار بيكون سميك
2. الغطاء الخلفي قابل للكسر اكتر من الثنى
3. العلبه غير معاد تصنيعها وغير قابله لآعادة الاستخدام . تقدر تكتشف ده لو شوفت العلبه الاصليه
4. جرب افتح الكاميرا و حرك الجهاز بسرعة ستلاحظ ان الصورة بدأت بالتقطيع ولا تعطيك الدقة الأساسية وخصوصا تظهر هذه النقطة في الهواتف التي يفترض ان تكون ذات سرعة عالية
حيث ان المعالج ابطأ من الأساسي و الكاميرا ذات جودة اقل بكثير
وفى الغالب بتكون الكاميرا الفعليه 2 ميجا . ومافهاش اعدادات كتير فى الهاتف الهاى كوبي
وفى الغالب مافهاش تركيز تلقائى ( هامة جدا نقطة الكاميرا )
5. مكونات العلبه الداخليه تخليك تعرف اذا كان الهاتف اصلي . مش كل الناس ممكن تعرف فى النقطه دى او عندها دقة الملاحظه بالشكل ده

ثانيا ........... اعرف ازاى لما اروح البيت ان الهاتف الى معايا هاى كوبي

1. عندك رقم الآي مي يختلف بين الرقم اللي يطلع بعد ما تدوس نجمه مربع صفر سته مربع وبين اللي مكتوب تحت البطاريه والرقم ده مكتوب زى ماقولنا بعد طلب الرمز . او تحت البطاريه . او اسهل طريقه من الضبط وحول الهاتف تانى اختيار هتظهرك الصور دى

هناخد اول كلمه الرقم الى تحتها ونحط الرقم فى الـمربع الى مكتوب عليه ادخل رقم الاى مي من هنا

هيظهرلك الهاتف وكل مواصفاته
لكن فيه ناس كتير قالت ان اوقات مابيطلعش اسم هاتفها وفى الغالب بيكون تم تغيير الرقم بسبب تغيير الروم او تثبيت ادوات ادت لتغيير الرقم لكن ايضا فى الغالب النتائج بتكون صحيحه
اما لو الهاتف جديد ولم يظهر لك .. الهاتف مقلد ..
2. تشوف الفيديو ده

3. وصل الهاتف بالكومبيوتر واى فاى او اى طريقه المهم افتح برنامج ايردرويد او برنامج شبيه بيعرض مواصفات الهاتف هتلاقيها مواصفات تانيه خالص خصوصا المساحه الداخليه للهاتف والى بتكون 2 جيجا
4. بسبب المواصفات الداخليه للهاتف انها 2 جيجا يبئى اكيد مش محتاج اقولك ان نصف اعدادات الهاتف بتكون وهميه ونصف الحركات الى بتعتمد على الحساسات بتكون وهميه
5. بعض برامج سامسونج بتكون غير موجودة فى قائمه التطبيقات

........................................................

مواصفات النسخه المقلدة بتكون كالأتى
رام 1 جيجا . معالج 1.3 . ذاكره داخليه 2 جيجا
شاشه 420 . بطاريه 1300 ملل
السعر من 1200 الى 1400 لا يذيد
لمعرفه الايفون من الموقع التالى

ده اجمال للنقاط الى تعرف بيها عند الشراء وبعده
خد بالك . النسخه الهاى كوبي لو حبيت تشتريها
غير صالحه للترقيه او تركيب روم وخلافه
لايوجد قطع غيار للجهاز اطلاقا . لا يتم تصليحه اطلاقا
ضار على صحتك بسبب استخدامه لمواد تصنيع رديئه كميائيه ضاره
الى عنده نقط اضافيه ياريت يذكرها فى تعليق على البوست او يعمل بوست منفصل لنشر الوعى بينا
كلنا بنتعلم من بعض وماحدش فاهم اكتر من التانى
كلنا بنفيد بعض . كلنا اخوة

تلك الخدمة مخصصة للأعضاء فقط