بدون عنوان

للرجوع الي صفحة سامسونج Galaxy S4 I9500 الرئيسية اضغط هنا

bodymody

2013-05-08 (01:16:50AM)

اخبرا بعد عزاب وصراع اشتريت سامسونج اس 4
هرد على كل الاسئلة اللى فى الموقع

اولا: السخونة
انا كان معايا اس 3 ولسه بايعه لما كنت بشتغل عليه كتير والعب وادخل على النت كان بيوصل درجة الحرارة 40 درجة والله العظيم .طبيعى جدا ان الجهاز يسخن ود لان فيه اتنين بروسيسور مش واحد زى الاس 3 اقصى درجة حرارة وصل ليها الجهاز بعد شغل عليه لمدة 3 ساعات متواصلة 38 درجة وبتنزل فى ثوانى معدودة للعلم ان درجة الحرارة بتزيل عند الاستخدام الكتير يعنى انا نقلت حوالى 18 جيجا وكنت شغال واير لس وبنزل برامج كمان واقصى درجة حرارة كانت 38 درجة
اما فى الاستخدام العادى زى تشغيل اغانى وتصوير فالجهاز طبيعى جدا ومفيهوش اى مشكلة

ملحوظة : السونى اكبيريا z و htc one بيسخنو بردو وعن تجربة اكيدة .

ثانيا : الكاميرا
اكثر من ممتازة روعة جدا جدا وفيها اوبشنز كتيرة تحتار تستخدم ايه فيهم

ثالثا : الصوت
افضل من الاس 3 بكتير واعلى وانقى منه

رابعا : الشاشة
يكفى انها سوبر امولد ونقائها اعلى بكتير من الاس 3 ونوت 2

واخيرا
اللى عاوز يشيل موبايل بمواصفات جامدة وتقنية عالية مفيش غير s 4مع احترامى للاجهزة التانية السونى اكسبيريا z و ايفون 5 و htc one .

اى استفسار عن الموبايل انا تحت امركم .

ارجو مكنش طولت عليكم

badr3alatol

2013-05-08 (01:24:24AM)

مبروك عليك الموب الجديد
ودوبه في عرق العافيه ( من الشخونه اللي هتبقي في الصيف كمان )
ربنا يسترها عليه

انا معايا اس 3 ونوت 2 وال 4 اس
بعت الاس 3 والنوت 2 ومعايا ال 4 اس من روعته بجد معايا 32 جيجا

انا كنت فاكر ان المواصفات للسامسونج بتعليه علي الايفون لكن لما بقا معايا
احساس مختلف تماما

وربنا يبارك للكل :)

rozena

2013-05-08 (01:32:23AM)

ربنا يباركلكم فيهم ويكفيكم شرهم مبروك الف مبروك وشكرا على الرد على الاستفسارات

memammh

2013-05-08 (01:53:47AM)

صناعة ايه (( كوري - صيني - فيتنامي )) ؟

bodymody

2013-05-08 (01:55:45AM)

ريح نفسك كل الصناعة اللى فى الشرق الاوسط فيتنامى

MetaEb

2013-05-08 (01:55:51AM)

مبروك :)
بس ايه خلاك تختم كلامك ب ان اللى عايز موبايل يشترى الاس 4 وبلاش سونى او اتش تى سى ؟؟
بما انك جربت الاس 4 يعنى...اقنعنى انه افضل من htc one على اعتبار انى هجيبه ان شاء الله

وياريت فعلا تاخد كلامى بمحمل جد وتقنعنى :)

memammh

2013-05-08 (02:06:03AM)

منا قولت كده برضوا بس حبيت أتأكد

حضرتك اشتريته بكام و ايه الضمان ال معاه و كام سنة ؟؟

bodymody

2013-05-08 (02:08:37AM)

1) خبرة سامسونج الممتازة فى صناعة الموبايلات
2)سلاسة الاداء فى الجهاز
3)الكاميرا متقارنهاش بال htc
4)دعم سامسونج لموبايلاتها اعلى من اى شركة منافسة
5)الشاشة الجبارة اللى يمتلكها الكهاز ومدى دقدة التفاصيل فيها يعنى مهما تعمل زوووم مش بتتاثر
6) البطارية اعلى من htc
7) الاوبشنز الكتيرة اللى فى الجهاز والمزايا الروعة
8) انا معى اللى بيقول ان تصميم ال htc جامد بس انك تشوف الاس 4 فى الصورة او فى فيديو غير لما تشوفة فى الواقع تصميمة جميل بس المواد المستخدمة مش زى htc

DrGeorge

2013-05-08 (02:09:07AM)

الف مبروك يا استاذ بودى بس انا ليا استفسار صغير انا انهارده كنت فى توكيل سامسونج ولاحظت ان كل الاس 4 فى التوكيل ملزوق عليه استيكر صغير جدا من فوق مكتوب علية QUALCOMM 4G فبصراحة الواحد اتلخبط ولما سألت قالولى دة تمانى النواة مش الرباعى!!! فأية معنى الاستيكر دة وهل موجود على موبايلك الجديد؟؟

bodymody

2013-05-08 (02:10:30AM)

اشتريت الجهاز ب 5500 وضمان يونيون ولمدة سنة

MetaEb

2013-05-08 (02:12:59AM)

شكرا :)

bodymody

2013-05-08 (02:14:06AM)

لا مش مكتوب

بس كل الاجهزة اللى نزلت مصر مش 4G وده اكيد

هوه 3G مش مغطى مصر كلها

DrGeorge

2013-05-08 (02:31:31AM)

لأ فى اجهزة نازلة مصر فيها 4G وعلى رأسهم طبعا العملاق htc one

bodymody

2013-05-08 (02:34:57AM)

انا قصدى على الاس 4

وال htc فعلا 4G بس الخدمة مش شغالة فى مصر

goldeneagle

2013-05-08 (12:43:41PM)

انا متفق معاك انه احسن موبايل بلا منازع
بس هنا فى مصر ما اعتقدش بسبب حاجتين , الصناعه الفيتنامى وماتقنعنيش انها مش مشكله ياباشا بلاش نضحك على نفسنا , تانى حاجه بالنسبه لل 4G , احنا دلوقتى هندفع مبلغ وقدره فى موبايل يعيش فتره طويله بأذن الله هيكون ال 4G نزل وبمميزات رهيبه زى كده ال 3G لما نزل هل حاليا كل الموبايلات 3G هل انت فاكر كنت قبل ال 3G ايه ؟!!!!! مفس الحكايه لما ينزل ال 4G هينقرض ال 3G
اما بالنسبه للكاميرا
ديه مقارنه بين iphone 5 vs GS4