بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

Yassmine

2014-01-25 (10:22:44PM)

السلام عليكم
عندى مشكله فى التليفون مش فاهمه هى ايه واحلها ازاى
هو معايا بقاله حوالى 10 شهور اول ماجبته كان تمام كنت بشحنه مرة فى اليوم ولو استهلكته كتير كنت بشحنه مرتين
دلوقتى بقى فيه حاجة غريبه
طول ما انا قافله الواى فاى و بستخدمه ام بى ثرى ومكالمات بس بشحنه مرة وخلاص
لكن لو لعبت اى لعبه بعد ما بتكون البطارية على اخرها يقعد 20 دقيقه بالظبط و يقفل و يفضل يعمل ريستارت لوحدة كتييير اوى والريستارت مش بيقف الا اما بحطه ع الشحن
و نفس الحكايه اما بشغل الواى فاى
و اللى يجنن اكتر انى اول ما بحطه يتشحن الاقى الشحن 62% !!! طيب ازاى ؟؟
واما بيفصل ببقى واخدة بالى ان البطاريه لسه ماوصلتش لنصها حتى عشان تفصل
الاول كان بيدينى Alert اكتر من مرة انه هايفصل و بعد كدة يفصل خااالص و اشحنه وبيبقى تمام
كدة انا مش فاهمه دة ممكن يبقى عيب ايه ؟
نزلتله انتى فايرس وعملت سكان مالاقيتش فيه حاجة
ممكن حد يفيدنى هو دة يتعالج ازاى ولا كدة خلاص هايفضل على كدة على طول ؟

AshrafAshry

2014-01-25 (11:05:18PM)

وعليكم السلام ورحمه الله وبركاته

فى أكتر من حل

أول حاجه جربى تقفلى الموبايل خالص وتشحنيه وهو مقفول بتواجهى نفس المشكلة ؟؟

تجربى تانى حاجه هتشيلى كارت الميمورى وتجربى تشتغلى ع الموبايل لسه نفس المشكلة ؟؟

تجربى تالت حاجه تعملى إعادة ضبط مصنع و اعملى فورمات لكارت الميمورى لسة نفس المشكلة؟

الموبايل من 10 شهور يعنى ناقص ليكي 2 شهر حضرتك تقدرى تروحى اقرب توكيل او الضمان اللى تابع ليه موبايلك

موبايلك ضمان دولى حضرتك هتتصلى ب الرقم دة ١٦٥٨٠ و هيساعدوكى 100 فى الميه ان شاء الله

موبايلك محتاج حاجه واحدة سوفت وير بس بالتوفيق ان شاء الله

akcent

2014-01-25 (11:54:00PM)

لا لا كده البطاريه تعيشي انتي البقاء لله وعلي فكره لو ملحقتيش وجبتي وحده جديده الباور هيبوظ شدي حيلك ودي نتيجه انك كنتي بتستخدميه العاااااب طحن وهو عالشاحن وحتي من غير ما تسألي لو خلعتي البطاريه وبصيتي عليها هتلاقيها منفوخه وطريه من الاجناب

Yassmine

2014-01-26 (12:24:38AM)

شكرا أ/ أشرف
انا جربت اشحنه وانا قافلاه و نفس المشكله
ماجربتش باقى النقاط
انا ضمان شركة سكاى و موجود ليها فروع
طيب ضبط المصنع دة هايضيع كل الاعدادات اللى انا عاملاها ؟؟

أ /akcent
على فكرة انا مابستخدموش العاب خاالص وهو بيشحن ممكن استخدمه نت اه لكن العاب لا

Yassmine

2014-01-26 (12:26:55AM)

اه والبطارية مش منفوخه ولا طريه خاالص

AshrafAshry

2014-01-26 (12:53:38AM)

Yassmine < هتستفادى ب التطليقات ب ايه اذا الموبايل بيفصل :D

في ملفات تجسس و فايروسات لغايه دلوقتى مش اى انتى فايرس موبايل يقرأها

اعملى ضبط مصنع افضل وجربى او اعملى سوفت وير فى الضمان افضل ليكي

وبطاريتك مفيهاش حاجه المشكلة فى الفيروسات اللى مش مخلية جهازك طبيعي

AshrafAshry

2014-01-26 (01:02:55AM)

نصيحة ياريت بسرعه لان لقدر الله ممكن يفصل باور او تحصل لقدر الله بعيد عننا جميعا الموت المفاجىء

ف الحقية فى الضمان و بلاش تستعملى الفون نهائى وهو ع الشاحن و الافضل تشحنيه وانتى نايمه وياسلام بقى لو بتشحنية يو اس بي من الاب تبقى زي الفل

Mahmoud Samir

2014-01-26 (06:05:19AM)

نزلي روم جديد لو مش هاتعرفي ودية الضمان هاينزلوا روم جديد وان شاء الله المشاكل دي تختفي معاكي

Yassmine

2014-01-26 (10:29:46AM)

شكرا ليكم جدااااااااا بجد
باذن الله النهاردة اوديه الضمان و ربنا يستر
و أكيد هارجع اقولكم قالولى ايه
ربنا يكرمكم ويجازيكم كل خير :)

akcent

2014-01-26 (02:27:28PM)

قولنا البطاريه باظت خلاص بأه ودي نتيجه سوء إستخدام يعن بتخلي التليفون بيشحن وتلعبي فيه نت او العاب المهم بتلعبي وكدا البطاريه باظت ... حاولي تشتري البطاريه الاصليه من اي مكان ب65ج اول ما هتجبيها هتخلصي الشحن ال فيها لحد ما تفضي خاااااالص وتحطيها عالشحن والموبايل قافل 8ساعات وحاولي بعد كدا انك تشحني البطاريه اما تكون خلاص قربت تخلص وتسبيها تشحن لحد ما تتملي عالاخر بدون ما تلعبي ف حاجه وبس كدا يا قمر قضي اخف من قضي المهم انك تلحقي تغيريها قبل ما تندمي

akcent

2014-01-26 (02:30:37PM)

والله كدا البطاريه باظت ومتسمعيش كلام حد الا ال جرب الحكايه دي حصلت معايا كتير هههههه دنا غيرت النوت بسببها هيا الاجهزه الاندرويد كدا بطاريتها غبيه

Yassmine

2014-01-28 (04:55:08PM)

هى فعلا طلعت مشكله بطارية
و جبت واحدة جديدة بس ب 170 مش 65
و التليفون امبارح والنهاردة اهه كويس الحمد لله ومفيش ريستارت ولا حاجة
الحمد لله انه ما باظش خالص

تلك الخدمة مخصصة للأعضاء فقط