بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

ArchieDeacon

2013-12-11 (09:41:22PM)

يا جمــــــــــاعة أنا لسة شايف التعليقات اللى حصلت تحت دلوقتى .. ومينفعش كدة :

الى أصحاب الأس ثرى مينى .. الى كل الأعضاء هنا فى الصفحة .، والى كل زوارها ..

أى حد فاكر أن هنا مكان للأستهزاء بالآخرين وللأستخفاف خلف شاشات الكمبيوتر .. يبقى غلطان
يا جماعة المنتدى ده .. للفائدة العامة لجميع الناس .. أنت لما تدخل تعيب فى موبايل .، وللا تقلل منه .، وللا حتى تمدح فيه أكتر من اللازم .. أنا مش واخد منك ولا من الموبايل ولا من الشركة حاجة
ياعنى المصلحة صفر بالنسبالى .. ولا أنا ولا أستاذ أشرف ولا أستاذ أحمد جمال واخدين حاجة من حد ولا مستانين حاجة من حد .. ياعنى بنعمل ده محبة وأخوة .، وبنفرح أننا أتعرفنا ببعض وأتصحبنا وبقينا أخوات وأفدنا بعض وأتناقشنا وخرجنا من الهم اللى أحنا شايفينه ومن حال البلد الواقف ده

فليه كدة ؟ وليه يبقا أسلوبنا كدة ... ياعنى شخص زى ahmed4me أستفدت أيه لما قولت كلام صعب لواحد محترم زى أستاذ أشرف .. تاعب نفسه ليل ونهار ومابيتأخرش عن أى حد بيدخل هنا وبيرد على كل الأستفسارات والبوستات .. يبقى ليه كدة أستفادت أيه لما عملت كدة .. أديك أتوقفت وأتحذفت تعليقاتك ...

يا جماعة من فضلكم الألتزام بآداب الحديث .، وحفظ الأحترام بعضنا لبعض .. لأن أحنا بنكلم بعض بكل حب وماحدش فينا يعرف حاجة عن حد ولا شافه حتى .. ياعنى أنت ممكن لما تعيب فى حد وتغلط فيه .. يطلع أكبر منك سنا .. فيبقى أيه وضعك وشكللك ساعتها ..

نلتزم .. نحافظ .. نحترم .. نفيد .. نستفيد .، هو ده شعار المنتدى هنا .، وعلى أساسه قبلت التسجيل هنا كأخ للجميع .. وكخادم للكل .. وأصغر الكل ..

تقبلوا مرورى .،

أخوتى وأحبائى .. تحياتى .،

ArchieDeacon

2013-12-11 (09:43:34PM)

أستاذ أشرف .. معلش أنت صاحب وأخ .، متزعلش وعدى الأمور مش أول مرة الموقف ده يحصل وأنت فاكر .. أنا بعتذرلك نيابة عن أى حد أخطا فى حقك ..

AshrafAshry

2013-12-11 (10:44:44PM)

شرف ليا يا صحبى والله وربنا يديم المحبه بيني وبينك انا اقسم بالله سبب دخولى هنا علشان صداقتك انته و استاذ احمد جمال و الناس اللى ممكن يكونوا محتاجين مساعدة وبنحاول نساعد ونسعى فى الخير عشان محدش يتضحك عليه ويبقى دي جزتها الحمدلله على كل حال و المشرف شاف اللى حصل و حكم صح يلا ربنا يخليك يارب ويديم محبتنا كلنا لبعض ومهما حصل من اشخاص خسارة يتقال عليهم اشخاص بردة هنبقى اقوى جروب هنا وهنساعد كل الناس ومش مستنين غير الدعاء لاى شخص يستفاد من كلامنا

تلك الخدمة مخصصة للأعضاء فقط