بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

AshrafAshry

2013-12-10 (03:26:36AM)

هاااااااااااااااااام جداااااااااااااااااااااااا للجمييييييييييع ومش هنزل البوست دة تانى

بصوا يا جماعه عشان محدش يجيي يقولنا انتوا السبب و انتوا اللى حببتونا فى الموبايل وطلع مش كويس

من الاخر هتاخدوا بالكم من كلامى دة وهتعملوا بيه إستحاله تندموا أبدا

اولا حضرتك هتشترى الموبايل من ستورز سامسونج نفسة !!! تقدر تسئل وتستفسر عن اماكن وجود و أفرع ستورز سامسونج عن طريق الاتصال ب الدليل 140 او تتصل ب الخط الساخن وده رقمهم 19759

دة رابط سامسونج مصر على الفيس بوك الصفحة الرسمية

ومن علي صفحة الفيس بوك بردة تقدر تشوف اقرب فرع ليك ولبيتك عند طريق الرابط الخاص ل سامسونج على الفيس بوك من هنا بردة

وحضرتك هناك فى سامسونج هتطلب منه الفاتورة الضريبية وهى عبارة عن ورقتين ورقة بيضة و ورقة صفرا مكتوب فيها اسمك و نوع الموبايل ولون الموبايل و الفلوس اللى حضرتك دفعتها هيبقى معاك و ورقة الضمان اللى معايا سكاى

قبل ما تمشى هتجرب تكتب الكود دة مكان ما بتتصل منه بالترتيب كده جنب بعض مش زي منا كاتب انا كاتب كده عشان مش تتلغبطوا

*
#
0
*
#

لو ظهر قائمه بيضاء يبقى الموبايل دة اصلى

خلاص جبنا الموبايل اتطمنا معانا حاجتنا كلها سليمة العلبة بتحتوى على شاحن و هاند فرى و وصلة يو اس بي عشان توصل الموبايل ب الكمبيوتر روحتوا البيت خلاص حمدلله على سلامتكم طيب نعمل ايه بقى

هتركب كارت الميمورى و الشريحة الخاصه ب الموبايل وبعدين تركب البطارية هتخلص البطارية لغايه ما تكون صفر فى الميه وتفصل منك خاااااالص بعدين هتسيبها على الشاحن من 8 ل 12 ساعه وياريت تبطلوا نكش ومتقولش فرحان ب الموبايل وابص عليه و الكلام دة عشان محدش يجيي يشتكى من البطارية بعد كده خلصنا ال12 ساعه الحمدلله !!

تمام هنبدأ نوصل الموبايل ب الواى فاى وصل تمام؟ هندخل على الضبط و هنبدأ نعمل تحديث ل الاندرويد و الكرينال بيفيد فى الاتى

- يقلل استهلاك البطارية

- يسرع النظام

- يحل مشاكل الصوت

- يقلل حرارة الجهاز

- ينظم اداء البروسسر

تمام ؟ كده الموبايل بقى زي الفل تبدأ تدخل بقى على ال جوجل بلاى وتعيش حياتك سطب Avg عشان الفيروسات وكل فترة اعمله تحديث و سكان طيب

البطارية لو شغال نت متواصل و رافع اضائه الشاشه و كفائتها ل اعلى حاجه و العاب هتاخد معاك 7 ساعات متواصله !! لو شغلك متوسط هتاخد من 12 ل 14 ساعه لو شغلك نت ومقلل اضائه الشاشه خالص هيبقى 20 ل 24 ساعه

اخر حاجه لو لقدر الله الشاحن اتقطع متروحش تجيب شاحن ب 50 جنيه عشان واحد اعرفة عمل كده بوردة الموبايل طارت يعنى اتحرق نهائى محدش يقولك اعملك روت و تنقل الالعاب و البرامج على كارت الميمورى لان الموبايل هيهنج وهيطلع برة الضمان

اعتقد كده بنسبة كبيرة قدرت الم كل الاسئله اللى بتدور فى دماغكم

الموبايل دة افضل من الجراند و الدوس و الكور و الايس و الاس تو الادفانصد يعتبر زية زي الاس سرى ميني بس الميني بيتفوق على الادفانصد فى الرام لان الاس سرى ميني 1 جيجا لكن الادفانصد 750 و اى موبايل سونى او نوكيا جنب السامسونج ملوش لزمة كده خلصنا اذا استفدت اسئلكم الدعاء فقط السلام ختام <3

A7medGamal

2013-12-10 (02:59:23PM)

تمام يا اشرف الله ينور
و

A7medGamal

2013-12-10 (03:00:02PM)

الواو اللي فوق دي معرفش جت تهبب ايه :)

ahmedryan82

2013-12-10 (03:21:40PM)

تسلم الأيادى يا أشرف

ArchieDeacon

2013-12-10 (03:30:04PM)

كده بيس يامان .. أظن كدة الكل بقت الأمر واااااااااضحة أمامه ..

الى الأمــــــام دائما .. :)

AshrafAshry

2013-12-10 (03:40:13PM)

A7medGamal < تسلم يا صحبى ربنا يكرمك

ahmedryan82 < الله يبارك فيك نورت

ArchieDeacon < تسلم يا غالى كله بتوجيهاتكم جميعا

شكرا ل مروركم الكريم جميعا يا رجاله تسلموا

ahmed4me

2013-12-10 (04:13:02PM)

تسلم ايدك يا اشرف ..بس اختلف معاك ف حكايه البطاريه ﻻنو مابيزدش عن خمس سعات نت متواصل مع اضاءه متوسطه

AshrafAshry

2013-12-10 (09:42:20PM)

ahmed4me < انا بيقعد معايا 7 ساعات و اضائه ع الاقل و نيور ورلد نفتكرلة الخير كانت بتقعد معاه بردة فى حدود 7 لان البطاريات هنا مش زي بعضها بتختلف من شخص للتانى وكمان انا مش ببقى نت متواصل انا ببقى العاب حتى لو بنام بسيب اللعبه متصلة عشان مش يجيلي ديس كونكت

AshrafAshry

2013-12-10 (10:33:43PM)

ahmed4me< و انته جي تختلف معايا فى حاجه مينفعش تختلف فيها لان البطارية أعمرها متفاوتة !! يعنى هتجيب واحد البطارية شاريها من 6 شهور زي واحد جايبها من شهر او شهرين او من سنة !!! انا كاتب نسب تقريبية يعنى فضلت 5 كويس 7 كويس 9 كويس ولا احنا لازم نختلف وبس ؟؟

ahmed4me

2013-12-11 (09:22:52AM)

ايوه ﻻزم اختلف معاك يا استاذ اشرف ﻻن كﻻمك مش كلو صح وﻻنى معايا الموبيل ميكملش خمس سعات وتيحى تقول بيقعد 12 ساعه و 22 ساعه دا الاس فور مبيكملش المده دى وﻻ النوت 3 نت متواصل وف النهايه مع احترامى ليك الصفحه مش بتاعتك لوحدك ومش اى حد يعترض معاك تكلمو بلاسلوب دا

AshrafAshry

2013-12-11 (02:09:21PM)

ahmed4me < انا اسف ليك انا شخص كداب وغير محترم وبقول كلام مش صحيح متباقش تعلق ليا فى اى بوست يخصنى تانى !!! لانى اما اقول اعمار البطارية بتختلف من شخص ل شخص تيجي انته تقولى اختلف معاك واما اقول شغل متواصل 7 ساعات تقول 5 ساعات واقولك نسبة تقريبية وبتختلف من شخص ل شخص وبردة تختلف معايا بتفكرنى ب حزب النوب اخرهم يختلفوا لكن تساعد ناس وتبنى معلومات لا انزل انته و ساعد الناس و احنا معى حضرتك و اعتقد الناس اللى أأكدت كلامى احمد جمال و ديكون ناس اكبر منى ومنك فى الخبرة ع العموم عادي لازم فى كل مكان يطلع واحد ظريف زي حضرتك و لازم احنا نحترم رأيه نورت ^^

AshrafAshry

2013-12-11 (02:16:13PM)

سؤالى ل A7med Gamal

و ArchieDeacon

الموبايل البطارية لو شغال نت متواصل و رافع اضائه الشاشه و كفائتها ل اعلى حاجه و العاب هتاخد معاك 7 ساعات متواصله !! لو شغلك متوسط هتاخد من 12 ل 14 ساعه لو شغلك نت ومقلل اضائه الشاشه خالص هيبقى 20 ل 24 ساعه

هل الموبايل بيقعد معاكم من 5 ساعات فقط زي ما ahmedryan82

وبردة قولت عمر البطارية بتختلف من شخص للتانى ومعى ذلك بيتعرض طيب ازاى اصلا :D

A7medGamal

2013-12-11 (03:38:16PM)

الموبيل عمره ما قعد 5 ساعات بس شغل متواصل
سواء كان الادفانس بتاعي او الميني بتاع اخويا
انا مثلا شغلي 8 ساعات منهم 3 ساعات مواصلات
انا طول مانا ف الطريق شغال لعب شويه على شويه اغاني على فيديوهات وهكذا
وف الشغل تقريبا بشتغل عليه كل شويه .. يعني مش بيعدي ربع ساعه الا لما يكون بعمل حاجه عليه
وف الآخر لما اروح بيكون لسه فيه من 20 ل25% شحن والله ساعات بيكون اكتر
وبدخل واي فاي او نت من الخظ عشان اوصله 5% وابدأ اشحنه تاني

انما لو 5 ساعات وبيفصل .. معلش كده عيب استخدام او عيب بطاريه
بس كده :)

A7medGamal

2013-12-11 (03:47:36PM)

ودي صوره من موبيل واحد معاه النوت3 شغل متواصل واي فاي 14 ساعه ونص

AshrafAshry

2013-12-11 (04:24:35PM)

ahmedryan82< عندك كلام تقولة بعد اللى قاله A7medGamal ؟؟

صلى ع النبى بقى وخلاص كفايه كلام ونخلى الناس تستفاد احسن

AshrafAshry

2013-12-11 (04:44:14PM)

ومن غير كلام كتير وعشان خاطر عيون أحمد جمال صورة من موبايلى حالا ب التوقيت حالا!!

عامل مكالمات شغال واى فاى !!! الكاكو تاك دة زي الفايبر بنتكلم صوت انا و اصحابى البطارية ناقصه 3 فى الميه فى ساعتين الله اكبر وقل اعوذ برب الفلق يعنى

كده انا غلطان فى حاجه يابو جمال :D A7medGamal

دة لو بطاريتي 5 ساعات يبقى مش هنشوف شغل فى حياتنا هههههههههه واديك شوفت عندى اكتر من 50 لعبه دة غير ان شغلى زيك ساعتين رايح وساعتين جي و 8 ساعات شغل وطول الشغل مشغل اغانى و عندنا واى فاى مفتوح فى الشركة ولاقط ع طول :D هنمشى بالشاحن :D :D

A7medGamal

2013-12-11 (04:56:22PM)

تسلم يا اشرف باشا .. وربنا يباركلك ف الموبيل :)

A7medGamal

2013-12-11 (05:12:07PM)

وعشان خاطرك برضه يا اشرف باشا دي سكرين طازه من الفرن :)
استخدام 4 ساعات اغاني ونت على كام مكالمه كده .. ونزل 8% من ال4 ساعات وشويه

AshrafAshry

2013-12-11 (05:23:42PM)

حبيب قلبى يابو جمال يا مولعها <3

ahmed4me

2013-12-11 (05:25:05PM)

اشرف انا مش ظريف لو حد كان ظريف يبقى حضرتك بس انا مش هرد على الهرى ال قولتو ﻻنك متستهلش ..الاخ احمد جمال ياباشا انا مش بكدبك بس كل ال بقولو عن تجربه وبردو مع صحابى عادى لو قعد اكتر من كدا معاك احنا هنحارب يعنى الموبيل معايا من شهر اتنين كتر خيرو ماشى كويس لحد دلوقت..

AshrafAshry

2013-12-11 (05:33:47PM)

ahmed4me < عندك حق انا مستهلش :D

A7medGamal < فى مذيع كره قدم اسمه فهد العتيبى اما حد بيجيب جول بيقول ايه ؟؟ حرقهم كواهم قهرهم سجل فى مرماهم الفرعون الصغير محمد صلاح :D

A7medGamal

2013-12-11 (05:35:33PM)

ahmed4me : يا صاحبي اشرف مش قصده حاجه
بس هوه كان يقصد يوصلك ان لكل واحد استخدام
واكيد البطاريه هتفرق ف استهلاكها مع مرور الوقت
واحنا كلنا هنا بنساعد بعض وبنستفيد من بعض
تصدق بالله والله انا اول استخدامي ف الاندرويد كان سوني
والله العظيم البطاريه كان كبيرها نص يوم حتى لو مجتش جنبه
بس مع الوقت وفهمت الدنيا ماشيه ازاي بدأ يزبط
وآخر حاجه وصلت مع السوني يومين وده كان انجاز بالنسبه للموبيل
وعامتا يا صاحبي كلنا هنا اخوات
تع اشرب شاي :)

AshrafAshry

2013-12-11 (05:39:03PM)

صلوا على النبى يا جماعه

عليه أفضل الصلاه و السلام <3 :)

AshrafAshry

2013-12-11 (06:54:43PM)

ahmed4m < اقسم بالله انى قادر اشتم وارد بس مش هرد لسبب واحد انك اثبت انته ايه كويس وانا ايه كويس

A7medGamal << واخد بالك من الكلام دة !! انا احترمتك وسكت وشايف رد فعله وكلامة !!

ArchieDeacon << ايه رأيك !!؟؟

A7medGamal

2013-12-11 (07:19:52PM)

لا كده بحد عيب .. يعني انا بعتلك ع الخاص وقولتلك ان اشرف مش قاصد انه يقل منك او من كلامك
واتأسفتلك بالنيابه عنه .. وتيجي ف الآخر تقول كلامه نسوان وبتاع وحك وغيره
هوه الواحد عشان بيتكلم ويقول رايه يكون ده جزاؤه ..
والله بناقص الصفحه اللي تقل من قيمه البني آدم
واذا كنا بنقول رٱينا .. فده عشان نفيد اللي عايز يستفاد
انما هندخل ف شغل الكلام الفارغ ده ... يبقى بلاها الاستفاده
ويا اشرف انا بتٱسف ليك انت .. حقك فوق راسي .. واعتبر الشتيمه دي ليا انا
وياريت لو حد من الاشراف يحط حد للتصرفات دي
احنا مش عيال صغيره عشان يتقلل مننا كده

AshrafAshry

2013-12-11 (07:28:11PM)

A7med Gamal

على كده احنا حككاكين الجيل كلة يا صحبى واما كنا بنساعد بنات كتير فى الصفحات اللى فاتت دحنا طلعنا زباله اوى واما بنساعد شباب كمان يا صحبى بقينا ش*** منا قولتلك يا احمد الاحترام وقولت صلى على النبى حتى استكبر يصلى ع النبى هى غلطتنا من الاول اننا قدرنا شخص زي دة غلطنا و عاند معانا صورنا موبايلاتنا و ب الدليل واما مش لاقى رد و اتكسف بقى بيتكلم ويشتم ويجيب سيرة اعضاء بنات ومعى ذلك اتأسفتلة عشان نقفل الموضوع ومعى ذلك بيغلط وبردة يا احمد هحترمك انته و ديكون واذا المشرفين مش هيقدروا يحطوا حدود ل شغل الاطفال و قله الاحترام يبقى بلاها الموقع و الصفحة على رأيك لكن توصل اننا نعاند ومعى ذلك نثبت كلامنا بالصور نتشتم وكمان يجيب سيرة بنات ممكن تكون امه او اخته فى يوم من الايام يبقى كده وصلنا للاسف ولا بلاش اقول ايه غير حسبى الله ونعم الوكيل

تلك الخدمة مخصصة للأعضاء فقط