بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

MEDOO2013

2013-08-01 (10:58:45AM)

السلام عليكم و رحمة الله والله ربنا يباركلكو عل الموقع دة و يكون في تقدم دايما ان شاء الله الصراحة انا كنت محتار بين 3 تليفونات(motorola razr xt910-galaxy s2-galaxys3mini) بس المشكلة اني جهزت ميزانية اخرها 2000 جنية ولو زادو 100 مفيش مشاكل وكنت و مازلت بحلم بs2 علي الرغم من اني قلت مش هجيب الا جيلي بيين عشان يكون اخر اصدار علي ما اعتقد المهم عشان مطولش عليكو انا انبهرت لما نزلنا عبد العزيز و خدنا الgalaxy s4 ب5000 بالضمان ام تي اي تقريبا مع ان اقل سعر ليه علي النت لا يقل عن 5300 تقريبا فانا طمنت نفسي من هذا المبدأ و قلت يمكن علي كدة الs2 ممكن الاقيه هناك اقصي حاجة ب2200 ودة اخري بجد بس الصراحة لما سمعت اخت هنا بتقول بعد مشترت الجهاز طلع مش جديد خفت أوي وقلت لحسن اقع في المقلب دة انا كمان اصل الصراحة انا عاوز أفضل حاجة بأرخص سعر وانا كنت بحلم بs3 mini بس لما شفت الs2 انبهرت بأمكنياته اكتر لو في حدود ميزانيتي في ياريت تنصحوني في اسرع وقت عشان كنت ناوي انزل اخلص من الموضوع دة بعد الفطار فربنا يباركلكو تنصحوني بأية و شكرا جزيلا و آسف جدا علي الإطالة

A7medGamal

2013-08-02 (12:49:57AM)

نصيحه يا صاحبي بلاش شارع عبد العزيز
لان معظم المحلات ومش كلهم طبعا بيعملوا نظام التلاجه
وعامتا الميني فرق بسيط بينه وبين الاس 2
وطبعا اهم شيء ان حضرتك تكون مقتنع بحاجه
وطالما انك مقتنع بالاس2
حاول تصبر شويه وتجمع تمنه وتجيبه جديد من محل محترم
انا عملت كده صبرت شويه بدل ما اجيب موبيل مستعمل استعمال نضيف او بدون ضمان
وبعدها جبته زيرو بضمان
وربنا يوفقك ان شاء الله

newworld

2013-08-04 (04:46:28AM)

لم تجيب من محل تجيبه من محل مضمون ده احسن بدل ماتجيبه ارخص 200 - 300 جنيه ويطلع مستعمل
وكمان تتاكد ان الموبايل متبرشم والعلبة متبرشمة والحاجا بيكون ليها نظام معين ادخل على يوتيوب وشوفه
وعلى فكرة انا كان معايا تمن الموبايلين ورغم كده اشتريت اس 3 مينى علشان لقيت انه جيلى بين وكمان بيكسلات الشاشة اعلى وجودة الشاشة اعلى

ولم اشتريته قارنت كاميرته مع كاميرة اس 2 بتاع صاحبى لقيت ان جودة الاس 3 مينى احسن وانا رجحت ان ده يكون بسبب ان الشاشة بتاعتى انقى حطيت الصور على الكمبيوتر لقيت الاس 3 مينى احسن
فبكده هايكون الميزة الوحيد لموبايل اس 2 انه زيادة بـ 0.2 فى البروسيسور وانا معتبرش 0,2 دول حاجة اصلا لانهم مش هايفرقم معايا طالما الموبايل بيشغل كل الى انا عايزه منغير مايهنج ولا ييتقل

ArchieDeacon

2013-08-04 (12:44:58PM)

زى ما قال أستاذ Newworld بالظبط .. كلامه ممتاز وبعدين الأس ثرى مينى ده موبايل .. جمييييل جدااااا .. فى كل ما تحتاجه .. ونصيحة بلاش الأجهزة اللى سوقها مش شغال فى مصر زى ال Motorola والحاجات دى

تلك الخدمة مخصصة للأعضاء فقط