بدون عنوان

للرجوع الي صفحة سامسونج Galaxy S III I9300 الرئيسية اضغط هنا

mira2008

2013-12-14 (03:12:36PM)

انا عايزة رايكم
لما رحت اشترى الموبايل داه صاحب المحل قال لى انه لما بيجيب الموبايل من التوكيل لازم يفتح العلبة علشان يتاكد من ان محتويات العلبة مظبوطة علشان كدا كل العلب اللى عنده مش متبرشمه
ايه رايكم اشتريه ولا لاء

manshy2

2013-12-14 (06:07:29PM)

لآء نصيحة خدى علبتك متبرشمة وانتى اللى تتطلبى تفتحيها انا مش بشكك فى المحل ده اللى تقصديه بس الأفضل المضمون
ياعالم يكون الموبيل اللى هيبوعه كان مرتجع من زبون
او مغير اكسسورات
المهم خليكى فى المضمون

mira2008

2013-12-14 (06:14:39PM)

يعنى اطنش المحل داه و اروح لحد تانى
اصل عندنا محلات الموبايلات كلها جانب بعض
كمل جميلك و قولى لما يبدا صاحب المحل يشغله اخلى بالى من ايه علشان يعرف انى صاحية معاه ومش يقلبنى و خلاص

manshy2

2013-12-14 (11:02:53PM)

اول حاججه امسكى الموبيل انتى
ودخلى رقم بالشكل ده
#7353#*
هتلاقى فيها اختيارات حلوة اوى هقولك
عددهم
و
ترتيبهم
و
وظيفة كل واحدة فيهم ايه
الرقم ده Chekup على كل حاجه فى الجهاز
ركزى كويس فى كل سطر هيتم كتابته مع نهايته اوك :
بسم الله الرحمن الرحيم
Melody
بتعمل او من خلالها بتجربى سماعة المكالمات اوك
Vibration
واضحة بيتهيئلى يعنى بتجربى بيها ايه
Speaker
بتجربى بيها السماعات اللى فى الظهر او سماعات الأغانى او ما يطلق عليه فى مجال الموبيلات الجرس يعنى
Dimming
الأضاءة تجربة للأضاءة فى الوضع العالى والوضع الخافت
Camera
تجربة الكاميرا الخلفية ولما تفتحيه جربى سرعتها فى اللقط مع الفلاش ظبطى الفلاش وجربيه خليه لضرب فلاش حتى لو فيه نور اعمليه فى وضع الـ ON
VT Camera
كاميرا امامية
Buletooth
واضح طبعا واعملى كونكت بينوه وبين اى جهاز وارسال واستقبال
TSP Dot Mode
ده بيظهرلكى شاشة بيضاء اللون لتجربة كافة اماكن الشاشة من حيث اللمس وكمان حلو اوى انو يبينلك لو فيه بيكسل محروق او مطفى فى الشاشة
TSP Grid Mode
جامد جدا بيظهرلك شاشة فيه مربعات اهم حاجه فى المربعات ديه تجربى المربعات اللى على الطرف من كل ناحية علشان ديه بتبينلك اللمس شغال فى كل الأماكن والحواف والأطراف ولا لاء
Acceleromter Senesor
واضح بتاعه ايه خاص بسينسور الحركة فى الموبيل هتلاقيه جايبلك سهم كل اللى مطلوب من تعوجى الجهاز شمال يمين فوق تحت السهم اتحرك معاكى فى الأتجهات يبقا السينسور شغال تمام سورى على كلمة " تعوجى "
Proximity sensor
هتلاقى نقطتين جنب الكاميرا حطى صباعك عليهم هيكبلتك فى Working فى شاشة زرق بعد ما كانت سودا ومكتوب فيها Release ممكن تعدى ايديكى من فوق النقطتين دول مش لازم تثبتى صباعك
Ligth Sensor
نفس اللى فات ومن اسموه واضح انوه حساس خاصة بالأضاءة تعملى نفس اللى عملتيه فى اللى فات
بعد ما تخلصى القايمة الحلوة ديه والجامدة ديه هتلاقى فى حاجه واحدة انتى مش جربيته وهى الواى فاى او الوايرالس
تخشى من جوه تجربيه شوفيه بس بيعمل بحث عن الشبكات وشايفها ديه اهم حاجه
اظن كده تمام طبعا هتتاكى من سلامة الجهاز فى الشكل فى الشاشة تبوصى فيها كويس وخاصة دققى فيها اوى وفى كل بيكسل وحاولى تحطى صورة غامقة علشان يبنلك اذا كان فى بيكسل بايظ او محروق
طبعا تجربى شاحن و سماعة
محتويات العلبة
شاحن
سماعة
مع الـ Earphones اللى هى مقاسات الجلد اللى بتركب فى الودن
كابل اليو اس بى
الكاتلوجات
ورقة الضمان
البطارية
اخيرا الموبيل
تبوصى كويس على سيريال نمبر الموبيل هو هو نفسوه اللى فى العلبة وهو هو نفسوه اللى فى ورقة الضمان وهو هو نفسه فى الـ 3 لزقات اللى بيجيوا مكتوب عليهم السيريال نمبر علشان يتلزقوا على الفاتورة
اتمنى اكون وفيت وشرحت كويس واقولت كل حاجه ومش تكون فى حاجه فاتتنى او وقتعت منى وبالتوفيق مقدما
واسف على الأطالة♥

mira2008

2013-12-15 (03:20:20PM)

معلش على تاخر الرد اصلى بذاكر اللى حضرتك كاتبه علشان ابقى كدا واثقة من نفسى ادام صاحب المحل
هههههههه

mira2008

2013-12-15 (07:47:24PM)

كله تمام يا باشا وراك رجاله
انا طلعت عين صاحب المحل
بس فى الاخر كلامى هو اللى مشى
وحسيت براحة نفسية
ههههههههههه

manshy2

2013-12-16 (01:04:29AM)

الف مبروووووووووووووك
وهو الصح انك تتطلعى عينى
برافو
وده حقك انتى مش بترمى فلوسك فى الأرض
وبعدين ده مبلغ كبير واراهن انك اكيد تعبانة فيه يعنى مش موبيل رخيص
وقصدك ايه بكلامك اللى مشى على الراجل
واتمنى فعلا ان الكلام الدش بتاعى اللى اتكتب نفعك فعلا

mira2008

2013-12-16 (02:08:59PM)

ابدا صاحب المحل كان مستغرب انى اطلب الزق السيريال على الفاتورة بس انا غتت عليه جامد و قلتله بعد ما فتح العلبة يا اما ينفذلى اللى انا عايزاه يا اما مش اخدا الموبايل
وكمان سمعت كلامك و دخلت الكود #7353#* و جربت كل حاجة فى الموبايل حتى الشاحن
مش بقولك طلعت عينه

تلك الخدمة مخصصة للأعضاء فقط