بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

alibaba0100

2013-07-30 (06:19:09PM)

يا جماعه اشترى الموبيل ده ولا فيه عيب حد يقولى اشترى ولا لا ولو فى حاجه فى نفس السعر ده تكون كويسه سواء نوكيا او بلاك بيرى الخ...... ارجو الرد وشكرآ

alibaba0100

2013-07-30 (06:21:38PM)

استفسار تانى اعرف ازى الموبيل اصلى ولا مش اصلى ؟؟؟؟

MuhammadSaied

2013-07-31 (12:04:59AM)

أتوكل على الله وأشتريه الموبيل ده ناس كتير اوى حاولت تلاقي عيب ومعرفتش الشاشة سوبر امولد ودى من احسن الشاشات البطارية رهيبة فى الكومنتات الى فاتت انا حاطط لها صورة قعدت معايا اربع أيام متواصلة " بس برده على حسب الاستخدام " الصوت نقى ورائع خاصية القلم فظييعه كل يوم بلاقى ليها ميزة جديدة الرامات عاليه مبتخليش الجهاز يسخن ولا يعلق البروسيسور 1.7 وده تقريبا ترتيبه تانى أو تالت أعلى بروسيسور فى الموبيلات الكاميرا جامدة جدا والاوبشن بتاعها حتلاقى فيه حاجات متتخيلهاش استهلاكه للانترنت ولا أروع والله مش عارف أقولك ايه ولا ايه من كتر مميزاته.
بس للأمانه فيه عيبين الاول حجمه كبير " دى بالنسبالى مقبوله بس ممكن لغيرى تكون عيب بس مع الوقت حتتعود عليه ومش حتعرف تتعامل مع موبيل غيره أصغر فى الحجم
العيب التانى وده بجد عيب الشاشه ما عليهاش طبقة جوريلا للحماية من الخدش وده بتتحل بانك تحط سكرين بروتكت بـ 30 جنيه حيبقى فل أوى.
بالنسبة للمقارنه او موبيلات فى نفس السعر أحب أقولك ان الموبيل ده برقبة الــ البلاك بيرى زد 10 والنوكيا بجميع موديلاتها والاتش تى سى وموبيلات قليله جدا تتفوق عليه وطبعا دى وجهه نظرى وكل واحد حر عشان محدش يقول انى بظلم الموبيلات التانية فى المقارنة.

alibaba0100

2013-07-31 (12:12:44AM)

شكرآ يا برنس والله انت فنان

tragab

2013-07-31 (03:12:35AM)

مين اللي قالك ان مفيهوش جوريلا جلاس
انا الحهاز معايا بقالوا 7شهور ونن غير اي لصقه ومفيش خربوش
الجوريلاجلاس في كل شاشات السوبر املويد

3ashry

2013-07-31 (04:24:08AM)

بجدكلام ممتاز يا استاذ محمد .... بس بختلف معاك فى نقطه واحده وهى من عيوب النوت 2 اولا حجم االشاشه بالنسبه لى كان مخيف فى الول لاكن من اول يوم اتعملت معاه مش قادر اتعامل على شاسه اصغر بجد والله فدي ميزه بس بعد التجربه ......وبالنسبه للعيب الثانى فى عدم وجود واقى الخدوش فااحب اطمنك ان الشلشه ضدد الخدش لاكن ليست ضد الكسر وده رابط يوتيوب بيوضح كلامى وتقبل تحياتى

MuhammadSaied

2013-07-31 (12:35:01PM)

alibaba0100 شكراً على ايه بس احنا أخوات وبنساعد بعضنا ولو فى اى حاجه واقفه معاك أسال واحنا موجودين.
tragab موقع جى ام اس ارينا فى مواصفات الجهاز مفيهوش جوريلا جلاس وده الرابط

ده بالاضافى الى انى سالت أكتر من مكان لما كنت عايز اشتريه قالولى نفس الكلام وفى الاخر جبته من عند الشناوى وافتكرت ان فى نسخ فيها ونسخ لا طلع كله نفس الموضوع وده على كلام أكتر من محل موبيلات كبير زى الشناوى والغانم و i2 وبرده الله أعلم.
3ashry ربنا يخليك ده من ذوقك ومعاك مليون حق فى موضوع الحجم ده فعلا فى الاول كان مشكلة دلوقتى حاسس ان موبيلى انا هو اللى حجمه طبيعى والباقى أقزام.

تلك الخدمة مخصصة للأعضاء فقط