سعر و مواصفات Samsung Galaxy Note 3
-
Android
Android OS, v4.3 (Jelly Bean) -
1080 x 1920 pixels, 5.7 inches (~386 ppi pixel density)
-
4G
2G / 3G / 4G -
13 MP, 4...
-
GB RAM
32/64 GB storage, 3 GB RAM
غير متاح
تقييم المنتج
(2263 تقييم)
مواصفات Samsung Galaxy Note 3
| المواصفات الاساسية | |
|---|---|
| الحجم | 151.2 x 79.2 x 8.3 mm (5.95 x 3.12 x 0.33 in) |
| الوزن | 168 جرام |
| الألوان بالأسواق | اسود,ابيض,بمبي |
| الشاشة | |
|---|---|
| نوع الشاشة | Super AMOLED capacitive touchscreen, 16M colors |
| مساحة الشاشة | 1080 x 1920 pixels, 5.7 inches (~386 ppi pixel density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | نعم |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | نعم |
| الاتصال | |
|---|---|
| دعم WLAN | Wi-Fi 802.11 a/b/g/n/ac, dual-band, DLNA, Wi-Fi Direct, Wi-Fi hotspot |
| دعم بلوتوث | v4.0 with A2DP, LE, EDR |
| GPS دعم | نعم |
| NFC دعم | نعم |
| دعم راديو Fm | لا |
| دعم USB | نعم |
| معلومات عن الكاميرا | |
|---|---|
| دعم الكاميرا | 13 MP, 4128 x 3096 pixels, autofocus, LED flash |
| دعم فلاش | نعم |
| كاميرا امامية | نعم |
| مساحة الذاكرة | |
|---|---|
| الذاكرة الخارجية | microSD, up to 64 GB |
| الذاكرة الداخلية | 32/64 GB storage, 3 GB RAM |
| نظام التشغيل | |
|---|---|
| نظام التشغيل | Android OS, v4.3 (Jelly Bean) |
| نوع نظام التشغيل | Android |
| CPU | Quad-core 2.3 GHz Krait 400 (LTE model)/ Quad-core 1.9 GHz Cortex-A15 & quad-core 1.3 GHz Cortex-A7 (3G model) |
| معلومات أخري | |
|---|---|
| الرسائل | SMS(threaded view), MMS, Email, Push Mail, IM, RSS |
| المتصفح | HTML5 |
| الخصائص | |
|---|---|
| دعم شرحتين | لا |
| الشريحة | Micro-SIM |
| نوع النغمات | MP3, WAV |
| مخرج صوت 3.5mm jack | نعم |
| الاهتزاز | نعم |
| دعم انفراريد | نعم |
| حماية بالبصمة Fingerprint | لا |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
مميزات و عيوب Samsung Galaxy Note 3
مميزات سامسونج Galaxy Note 3
- الجهاز يتميز بالسرعة العالية بسبب ان الرمات بتاعتوا 3 جيجا
- الجهاز الكاميرا فية ممتازة بالنهار وبالليل
- صوت الموبيل فى المكالمات عالى ونقى جدا
- بطارية الجهاز بصراحة تحفة
عيوب سامسونج Galaxy Note 3
- لا يوجد بية راديوا
أحدث موبايلات من سامسونج
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع مميزة عن موبايل Samsung Galaxy Note 3
nagla2
rozena
loda9005
SarahReda
Mahmoud Samir
speedy
hardtime
tamer2015
hardtime
hardtime
ArchieDeacon
Mahmoud Samir
Mahmoud Samir
tamer2015
AshrafAshry
tamer2015
hardtime
HishamElmasry
hardtime
Alihafez
Mahmoud Samir
مواضيع و اراء عن Samsung Galaxy Note 3
speedy
2014-01-21 (04:48:15AM)
تجربتى السيئه مع النوت 3 : يرجى القرأه للأخر حتى لا تقع فى نفس مشكلتى :
طبعا الحمد لله على كل حال , انا طبعا قرأت كتير من التعليقات هنا وسألت من يومين الاستاذ هارد المحترم على مكان فى السراج اجيب منه نوت 3 ويكون مضمون والراجل كتر خيره قالى على سيليكت فى كارفور المعادى بس انا مسمعتش كلامه واستسهلت ورحت السراج لواحد معرفه والمفروض انه محل ثقه للأسف ,دخلت المحل سلمت عليه وسألت عن نوت 3 4جى وهنا بدأت المرمطه , جابلى جهاز الكرتونه مش متبرشمه والاستيكرات مقطوعه يعنى بالعربى العلبه اتفتحت قبل كده فا قلتله انا عايز واحد متبرشم قالى والله ده جديد وجالى من السعوديه وكنت وانا الى فاتح العلبه عشان اتأكد ان الجهاز تمام . قلتله ماشى على اساس ان فى ثقه , الموبايل اخدته ب 4900 المهم فعلا الجهاز لسه زيرو وباين عليه كده , المهم روحت البيت وبدأت اسوأ ليله من هنا , لاحظت ان محدش اتصل بيا خالص بقالى فتره , المهم قلت اتصل بواحد صاحبى اضغط اتصال يفضل كأنه بيتصل ويقعد كتير وبعدين يفصل المهم قلت تهييس شبكه , وبعدين الاقى ناس كتير تكلمنى على رقمى التانى تقولى انت قافل موبايلك ليه , طبعا انا هتجنن , المهم كلمت فودافون وسألتهم قالى يا فندم ده عايز تنشيط يدوى , المهم عملتها وعمل نفس الموضوع تانى المشكله ان ابراج الشبكه فى الموبايل ما بتقعش ولا اى حاجه يفصل مره واحده ويقعد شويه ويرجع تانى طبعا فضلت اجرب طول الليل اتصل عليه من موبايلى التانى اوقات يجمع واوقات لا , المهم تانى يوم رحت للراجل شرحتله قالى ده عيب الشريحه بتاعتك المهم قالى جرب خط تانى ولو عمل كده تانى تعالى , المهم جربت خط اخويا نفس الموضوع وخط والدى نفس الموضوع قلت مش ممكن كل الخطوط دى فيها مشكله , المهم قالى هاتلى الموبايل رحتله قالى سيبهولى الليله دى اجربه لو كده هرجعهولك , طبعا الى حصل توقعه , رحتله تانى يوم قالى الموبايل زى الفل ومفيهوش اى حاجه من كتر ما انا هتجنن اتعصبت عليه وقلتله على الطلاق من مراتى فيه مشكله , طبعا انا كان فاضلى ثانيه واقتله , المهم واضح من كلامه انه مش عايز يرجعه , المهم من هنا لهنا رضى بالعافيه ياخد 200 جنيه كمان ويدينى واحد متبرشم بالكامل ومعاه كرت الضمان من السعوديه , الغريب بقى انى لقيت ان شاحن الجديد مختلف وكمان القديم كان متحدثله اخر تحديثين , يعنى معناه انه كان مع حد ومش جديد !! انا قلت اضحى ب 200 جنيه واستعوض ربنا فيهم احسن ما البس جهاز ب 5000 جنيه على الفاضى , والحمد لله رب العالمين الجهاز الجديد تمام وزى الفل ومفيش مشكله وده دليل على ان التانى كان بايظ , الى عايز اقوله اوى تشترى اى موبايل مهما كان مش متبرشم حتى لو من اخوك وربنا ما يوريكم اليومين الى انا شفتهم
طبعا الحمد لله على كل حال , انا طبعا قرأت كتير من التعليقات هنا وسألت من يومين الاستاذ هارد المحترم على مكان فى السراج اجيب منه نوت 3 ويكون مضمون والراجل كتر خيره قالى على سيليكت فى كارفور المعادى بس انا مسمعتش كلامه واستسهلت ورحت السراج لواحد معرفه والمفروض انه محل ثقه للأسف ,دخلت المحل سلمت عليه وسألت عن نوت 3 4جى وهنا بدأت المرمطه , جابلى جهاز الكرتونه مش متبرشمه والاستيكرات مقطوعه يعنى بالعربى العلبه اتفتحت قبل كده فا قلتله انا عايز واحد متبرشم قالى والله ده جديد وجالى من السعوديه وكنت وانا الى فاتح العلبه عشان اتأكد ان الجهاز تمام . قلتله ماشى على اساس ان فى ثقه , الموبايل اخدته ب 4900 المهم فعلا الجهاز لسه زيرو وباين عليه كده , المهم روحت البيت وبدأت اسوأ ليله من هنا , لاحظت ان محدش اتصل بيا خالص بقالى فتره , المهم قلت اتصل بواحد صاحبى اضغط اتصال يفضل كأنه بيتصل ويقعد كتير وبعدين يفصل المهم قلت تهييس شبكه , وبعدين الاقى ناس كتير تكلمنى على رقمى التانى تقولى انت قافل موبايلك ليه , طبعا انا هتجنن , المهم كلمت فودافون وسألتهم قالى يا فندم ده عايز تنشيط يدوى , المهم عملتها وعمل نفس الموضوع تانى المشكله ان ابراج الشبكه فى الموبايل ما بتقعش ولا اى حاجه يفصل مره واحده ويقعد شويه ويرجع تانى طبعا فضلت اجرب طول الليل اتصل عليه من موبايلى التانى اوقات يجمع واوقات لا , المهم تانى يوم رحت للراجل شرحتله قالى ده عيب الشريحه بتاعتك المهم قالى جرب خط تانى ولو عمل كده تانى تعالى , المهم جربت خط اخويا نفس الموضوع وخط والدى نفس الموضوع قلت مش ممكن كل الخطوط دى فيها مشكله , المهم قالى هاتلى الموبايل رحتله قالى سيبهولى الليله دى اجربه لو كده هرجعهولك , طبعا الى حصل توقعه , رحتله تانى يوم قالى الموبايل زى الفل ومفيهوش اى حاجه من كتر ما انا هتجنن اتعصبت عليه وقلتله على الطلاق من مراتى فيه مشكله , طبعا انا كان فاضلى ثانيه واقتله , المهم واضح من كلامه انه مش عايز يرجعه , المهم من هنا لهنا رضى بالعافيه ياخد 200 جنيه كمان ويدينى واحد متبرشم بالكامل ومعاه كرت الضمان من السعوديه , الغريب بقى انى لقيت ان شاحن الجديد مختلف وكمان القديم كان متحدثله اخر تحديثين , يعنى معناه انه كان مع حد ومش جديد !! انا قلت اضحى ب 200 جنيه واستعوض ربنا فيهم احسن ما البس جهاز ب 5000 جنيه على الفاضى , والحمد لله رب العالمين الجهاز الجديد تمام وزى الفل ومفيش مشكله وده دليل على ان التانى كان بايظ , الى عايز اقوله اوى تشترى اى موبايل مهما كان مش متبرشم حتى لو من اخوك وربنا ما يوريكم اليومين الى انا شفتهم
hardtime
2014-01-21 (05:23:16AM)
speedy
ااولا الف مبروك وربنا يعوض عليك فى 200 جنية (بس توعدنى بعد كدة تنفذ المقولة اللى بتقول لا خاب من استشار)
ثانيا:احكيلك انا بختصار الاخ hommos حصل معاة نفس مشكلتك والله بالظبط من موضوع الكرتونة مش متبرشمة واللموبيل خارج برة الكرتونة وملفوف بالبلاستيك طبعا اتصل بى قولت لة لا متخدهوش
تانى محل الشريحة بتفصل شبكة او مش عايزة تشتغل قولت لة بردوا متخدهوش
تالت محل وكان الهندسية الموبيل كان متبرشم وتمام التمام والحمد الله اشتراة
بختصار يا صحبى الحمد الله انها جيت على قد كدة ومتزعلشى نفسك خالص
ومبروك كمان مرة
ااولا الف مبروك وربنا يعوض عليك فى 200 جنية (بس توعدنى بعد كدة تنفذ المقولة اللى بتقول لا خاب من استشار)
ثانيا:احكيلك انا بختصار الاخ hommos حصل معاة نفس مشكلتك والله بالظبط من موضوع الكرتونة مش متبرشمة واللموبيل خارج برة الكرتونة وملفوف بالبلاستيك طبعا اتصل بى قولت لة لا متخدهوش
تانى محل الشريحة بتفصل شبكة او مش عايزة تشتغل قولت لة بردوا متخدهوش
تالت محل وكان الهندسية الموبيل كان متبرشم وتمام التمام والحمد الله اشتراة
بختصار يا صحبى الحمد الله انها جيت على قد كدة ومتزعلشى نفسك خالص
ومبروك كمان مرة
speedy
2014-01-21 (05:32:03AM)
والله يا هارد انا بقول الحمد لله , ومكنتش متخيل ان الشخص ده بالذات يعمل كده , وفعلا انا غلطان انى قاوحتك ومسمعتش كلامك من الاول بس الحمد لله ان جت على قد كده , اقسم بالله انا فرحتى ان الكرتونه متبرشمه اكتر من فرحتى بالموبايل بعد الليله الى انا شفتها دى , بس الحمد لله على كل حال , ومش عارف اقولك ايه على نصايحك والله
hardtime
2014-01-21 (05:34:04AM)
متقولشى حاجة ياباشا احنا اخوات
قول بس الحمد الله قدر الله وماشاء فعل
قول بس الحمد الله قدر الله وماشاء فعل
hisham3100
2014-01-21 (09:42:24AM)
معلش صاحبك ده طلع زبالة اوى بس للاسف بقى في ناس كتير اوى زيه
يوجد المزيد من الردود, شاهد
جميع الردود
hamotop
2014-01-21 (01:21:41AM)
عايز اعرف مين افضل note3 _lumia 1520_xperia z1
Mahmoud Samir
2014-01-21 (02:26:06AM)
سيبك من السوني المقارنه تبقي بين لوميا ونوت وهاتلاقي مقارنه بين النظامين ف صفحه اللوميا
hommos
2014-01-20 (10:55:11PM)
الحمد لله والشكر لله وبعد عنااااااااااااء اخيرا اشتريت النوت ثري الفورجي وتوكلت على الله ربنا يباركلي فية واحب اشكر اخويا هارد تايم بصراحة تاعبتة معايا جدا وانا بشترية ربنا يخلية والله فعلا اخ ومثال يحتذي به .. بس دلوقتي انا طبعا او يوم اندرويد بالنسبة ليا ومش فاهم قوي بس انا في كام حاجة كدة لاحظتها مبدايا النور بتاع الفلاش مش بينور وانا مش عارف انورة منين او اقفلة منين او هو كدة في مشكلة تاني حاجة انا مش عارف فين الجوجال بلاي وكل اما ادخل على حاجة يقولي تسجيل حالي ولا جديد وكل اما ادخل الميل بتاع الفيس بالباص ورد مش بيرضي يعمل حاجة ممكن لو سمحتو تفيدوني من فضلوكوا بس وشكرا جدا انا عارف اني هاتعبكوا معايا جدا وخصوصا هارد تايم طبعا بس احنا اخوات بردة
hardtime
2014-01-20 (11:57:40PM)
hommos
اولا يا عم محمد الف مبروك وربنا يحمية ليك ويباركلك فية
ثانيا خش على اليوتيوب يا محمد واتفرج شوية على فيدوهات تخص نظام الاندوريد
وصدقنى هتبقى جينيس فى فترة قصيرة جدا ولو قبلك اى مشكلة انا تحت امرك يا صحبى
اولا يا عم محمد الف مبروك وربنا يحمية ليك ويباركلك فية
ثانيا خش على اليوتيوب يا محمد واتفرج شوية على فيدوهات تخص نظام الاندوريد
وصدقنى هتبقى جينيس فى فترة قصيرة جدا ولو قبلك اى مشكلة انا تحت امرك يا صحبى
teto331984
2014-01-21 (12:23:53AM)
اولا الف مبروك اخي hommos ممكن تقولي جيبتو منين وبكام وبضمان ولا .....
ahmedshlademo
2014-01-21 (01:23:34AM)
الف مبروك الموبيل الجديد وربنا يباركلك فيه بس قولنا جبته منين و بكام عشان نستفيد من تجربتك و الف مبروك تاني
MohabGamal
2014-01-20 (07:54:54PM)
لو سمحت يا أستاذ هارد عندى مشكلة مش عارف حضرتك و الأعضاء ممكن يساعدونى ولا لأ.
دلوقتى أنا عندى فى البيت Wifi فى الراوتر و عندى كمان جهاز Access Point, المشكلة بقى ان الاتنين بيشتغلوا كويس أوى لما بأشغل الواى فاى على اللاب توب, لكن على أى موبايل فى البيت مش شغالين ( مرة آه و عشرة لأ ) الموبايل بيبقى لاقط إشارة قوية جداً بس النت نفسو مش شغال....أنا متأكد أن العيب مش فى الموبايل لأن فى البيت 3 موبايلات و ال 3 نفس المشكلة, مش عارف بقى ده ممكن يبقى حاجة فى Setup Wifi or Router.
أسف على الإطالة و شكراً ليكوا.
دلوقتى أنا عندى فى البيت Wifi فى الراوتر و عندى كمان جهاز Access Point, المشكلة بقى ان الاتنين بيشتغلوا كويس أوى لما بأشغل الواى فاى على اللاب توب, لكن على أى موبايل فى البيت مش شغالين ( مرة آه و عشرة لأ ) الموبايل بيبقى لاقط إشارة قوية جداً بس النت نفسو مش شغال....أنا متأكد أن العيب مش فى الموبايل لأن فى البيت 3 موبايلات و ال 3 نفس المشكلة, مش عارف بقى ده ممكن يبقى حاجة فى Setup Wifi or Router.
أسف على الإطالة و شكراً ليكوا.
tamer2015
2014-01-20 (10:18:40PM)
كلم خدمة العملاء بتاعت الشركة اللى مشترك فيها وقولهم يظبطولك اعدات الروتر تانى او تعمل ريستور وتكلمهم بردو يعمولولك الاعدادات وهما معاك على التليفون
hardtime
2014-01-21 (12:01:45AM)
MohabGamal
tamer2015
بص ياباشا انا هكلمك عن تجربة شخصية انا المشكلة دى بتقبلنى كل يوم ودة بسبب ان الاجهزىة اللى عندك بتاخد نفس الايبى فبيحصل دنفلكت وبتالى واحد يشتغل والتانى لا
فانا عن نفسى بعمل ديسكنكت للنت على للاب توب
وبعدين اشغل الواى فاى للموبيل يشتغل تمام وبعدين ارجع للاب اعمل كونكت يروح هو كمان عامل كونكت...دة حل
الحل التانى تثبت ماك بتاع كل جهاز على الروتير وساعتها مش هتقبلك المشكلة دى تانى خالص
تمام كدة
tamer2015
بص ياباشا انا هكلمك عن تجربة شخصية انا المشكلة دى بتقبلنى كل يوم ودة بسبب ان الاجهزىة اللى عندك بتاخد نفس الايبى فبيحصل دنفلكت وبتالى واحد يشتغل والتانى لا
فانا عن نفسى بعمل ديسكنكت للنت على للاب توب
وبعدين اشغل الواى فاى للموبيل يشتغل تمام وبعدين ارجع للاب اعمل كونكت يروح هو كمان عامل كونكت...دة حل
الحل التانى تثبت ماك بتاع كل جهاز على الروتير وساعتها مش هتقبلك المشكلة دى تانى خالص
تمام كدة
meshmesha1
2014-01-20 (07:43:10PM)
شكرا يا باشا نورت المحكمة
hardtime
2014-01-21 (12:03:11AM)
tamer2015
الله يعزك يا meshmesha1
بس انا مدخلتش قبل كدة قسم هدخلينى محكمة مرة واحدة :((
الله يعزك يا meshmesha1
بس انا مدخلتش قبل كدة قسم هدخلينى محكمة مرة واحدة :((
meshmesha1
2014-01-20 (07:18:46PM)
ان شاء الله هاخد بالي بس انا مش فاهمة ايه هو موضوع الروت ده ياريت من فضلك تفهمني
hardtime
2014-01-20 (07:29:33PM)
meshmesha1
الموضوع بسيط خالص حضرتك
كل الموضوع ان العضو اللى كان عندوا المشكلة اشترى الموبيل مستعمل وكان معمول لة روت
اما ما هوا الروت هو انك بتغيرى الاندوريد اللى بيبقى جاى من الشركة وتحطى روت متعدل على الموبيل
ومن خلال الروت دة تقدرى تغيرى فى الاندوريد برحتك بس طبعا بتخسرى ان موبيلك يجيلوا اى تحديث من سامسونج
النهاية طالما حضرتك هتشرى فون جديد والكرتونة متبرشمة يبقى متقلقيش وشلى الموضوع
من دماغك تمام كدة .........
الموضوع بسيط خالص حضرتك
كل الموضوع ان العضو اللى كان عندوا المشكلة اشترى الموبيل مستعمل وكان معمول لة روت
اما ما هوا الروت هو انك بتغيرى الاندوريد اللى بيبقى جاى من الشركة وتحطى روت متعدل على الموبيل
ومن خلال الروت دة تقدرى تغيرى فى الاندوريد برحتك بس طبعا بتخسرى ان موبيلك يجيلوا اى تحديث من سامسونج
النهاية طالما حضرتك هتشرى فون جديد والكرتونة متبرشمة يبقى متقلقيش وشلى الموضوع
من دماغك تمام كدة .........
hardtime
2014-01-20 (05:31:05PM)
تنبية:-
بخصوص imei
طبعا اللى كان متبع علشان تتاكد ان موبيلك اصلى مش هاى كوبى وان الكرتونة بتاعتوا
كنا بنعمل حاجة بسيطة وهى اننا نضرب الكود دة #06#* وساعتها لبيطلع لينا رقم على الشاشة المفروض انوا بيبقى نفس الرقم اللى على الكرتونة تمام لحد كدة
الجديد بقى ان سامسونج منزلة دلوقتى موبيلات ال imei اللى تحت البطارية هو نفسوا اللى موجود على الكرتونة وان الرقم اللى بيظهر لينا على الشاشة غيروا
احب اطمنكم الاتنين واحد مفيش حد يقلق خالص
وصلت......
بخصوص imei
طبعا اللى كان متبع علشان تتاكد ان موبيلك اصلى مش هاى كوبى وان الكرتونة بتاعتوا
كنا بنعمل حاجة بسيطة وهى اننا نضرب الكود دة #06#* وساعتها لبيطلع لينا رقم على الشاشة المفروض انوا بيبقى نفس الرقم اللى على الكرتونة تمام لحد كدة
الجديد بقى ان سامسونج منزلة دلوقتى موبيلات ال imei اللى تحت البطارية هو نفسوا اللى موجود على الكرتونة وان الرقم اللى بيظهر لينا على الشاشة غيروا
احب اطمنكم الاتنين واحد مفيش حد يقلق خالص
وصلت......
tamer2015
2014-01-20 (10:19:40PM)
وصلت يا معلم
themechanic
2014-10-15 (11:08:46PM)
معلش ممكن توضيح أكتر
noorbaghdad
2014-10-18 (11:11:28AM)
معلومة حلوة زي كاتبها . بالعراقي ممنون
AKASEM
2014-11-30 (11:04:20PM)
مفيش حاجه كده خالص تبقى خارجه من المصنع ده حاجه من 3 يا تليفون كان مستخدم وباظ ورجع المصنع اتعمله إعادة تصنيع ونزل السوق مره تانيه يا تليفون متغيرله بورده يا تليفون اتسرق بره وعندهم لو بلغت بيوقفوا السريال فبقى في طريقة الحراميه بيعملوها انها تغير السريال انما التليفون يخرج من المصنع كده جديد استحاله
يوجد المزيد من الردود, شاهد
جميع الردود
year183
2014-01-20 (05:16:55PM)
السلام عليكم
ممكن اعرف اقارن رقم imei الظاهر باي رقم بالظبط علي الكرتونه ؟ هل الرقم علي الاستيكر الابيض ؟ ولا رقم تاني ؟
ممكن اعرف الموبايل اتعمل له روت قبل كده ازاي ؟ ازاي ادخل علي الابديت من الجهاز
ممكن اعرف اقارن رقم imei الظاهر باي رقم بالظبط علي الكرتونه ؟ هل الرقم علي الاستيكر الابيض ؟ ولا رقم تاني ؟
ممكن اعرف الموبايل اتعمل له روت قبل كده ازاي ؟ ازاي ادخل علي الابديت من الجهاز
hardtime
2014-01-20 (05:25:10PM)
year183
وعليكم السلام
بص ياباشا هتلاقى رقم على الاستيكر الابيض مكون من 15 رقم هو دة imei
---ازاى تعرف انوا اتعمل لة روت انك لما تيجى تعمل لة ابديت تظهر ليك الرسالة دىyour device has been modified software updates are not available
--ازاى تدخل على الابديت اتبع الخطوات دى
الضبط ----العام---حول الجهاز--تحديث البرنامج--تحديث
تمام كدة.......
وعليكم السلام
بص ياباشا هتلاقى رقم على الاستيكر الابيض مكون من 15 رقم هو دة imei
---ازاى تعرف انوا اتعمل لة روت انك لما تيجى تعمل لة ابديت تظهر ليك الرسالة دىyour device has been modified software updates are not available
--ازاى تدخل على الابديت اتبع الخطوات دى
الضبط ----العام---حول الجهاز--تحديث البرنامج--تحديث
تمام كدة.......
year183
2014-01-20 (05:39:55PM)
شكرا استاذ هارد علي التجاوب
بالنسبة للتحديث انا دخلت زي ما حضرتك قلت
وظهر لي الرساله انه محدث وفق اخر تحديث نزل
نصها
the lastest updates have already been installed
المشكله ان رقم imei الظاهر عندي مختلف عن الرقم الموجود علي الاستيكر الابيض
ايه رايك
بالنسبة للتحديث انا دخلت زي ما حضرتك قلت
وظهر لي الرساله انه محدث وفق اخر تحديث نزل
نصها
the lastest updates have already been installed
المشكله ان رقم imei الظاهر عندي مختلف عن الرقم الموجود علي الاستيكر الابيض
ايه رايك
hardtime
2014-01-20 (06:40:06PM)
year183
تابع البوست اللى فوق ياباشا
تابع البوست اللى فوق ياباشا
enghanyomar
2014-01-21 (09:19:33AM)
انا فعلا الموبايل بتاعى ظهرت فيه الرساله دى بس انا جايبه متبرشم وايه هو حل الرساله دى وبالنسبه لرقم imei هو هو اللى على الكرتونه اعمل ايه دلوقتى فى مشكله الرووت هو فور جى
ahmedshlademo
2014-01-20 (04:19:57PM)
السلام عليكم استاذ هارد انا ان شاء الله مسافر السعوديه في عمره في شهر فبراير وكنت ناوي اشتري نوت3 من هناك وانا عرفت طبعا ان سعره زاد هناك اكتر من 200 ريال وانا ناوي علي نسخه 4 جي تفتكر هيكون السعر نزل شويه في نص شهر فبراير و لا اجيبه من هنا و خلاص و شكرا علي مجهودك في الموقع
hardtime
2014-01-20 (04:56:09PM)
ahmedshlademo
وعليكم السلام ورحمة الله وبركاتوا
ربنا يتقبل منك يا اخى ان شاء الله
السعر ياباشا مش هينزل الا فى اخر شهر اتنين مع الكشف عن اس 5
الا ازا كان هناك فى عرض نازل وساعتها تقدر
تشترية من هناك غير كدة انا انصحك تجيبوا من مصر
تمام كدة............
وعليكم السلام ورحمة الله وبركاتوا
ربنا يتقبل منك يا اخى ان شاء الله
السعر ياباشا مش هينزل الا فى اخر شهر اتنين مع الكشف عن اس 5
الا ازا كان هناك فى عرض نازل وساعتها تقدر
تشترية من هناك غير كدة انا انصحك تجيبوا من مصر
تمام كدة............
ahmedshlademo
2014-01-21 (01:26:42AM)
شكرا علي الرد يا استاذ هارد بس ليا استفسار معلش ليه بتقولي يفضل تجيبه من مصر مع ان انا لو جبته من هناك ممكن يكون في فرق في السعر ممكن التوضيح و شكرا ليك
hardtime
2014-01-21 (05:27:57AM)
ahmedshlademo
بص ياباشا دلوقتى حضرتك هتسافر والمفروض ان سعروا هيبقى 2350 ريال يعنى بالمصرى كدة
4700
وهو فى مصر هنا ومعاة ضمان 14 يوم 4800 او 4900 وباتالى انا شايف ان مصر افضل لان الفرق مش كبير علشان حضرتك تستنى شهر كامل علشان200 جنية ولا حضرتك شايف كلامى غلط....
بص ياباشا دلوقتى حضرتك هتسافر والمفروض ان سعروا هيبقى 2350 ريال يعنى بالمصرى كدة
4700
وهو فى مصر هنا ومعاة ضمان 14 يوم 4800 او 4900 وباتالى انا شايف ان مصر افضل لان الفرق مش كبير علشان حضرتك تستنى شهر كامل علشان200 جنية ولا حضرتك شايف كلامى غلط....
ahmedshlademo
2014-01-21 (09:10:05AM)
عندك حق صح كلامك ان كده هيكون فرق السعر مش كبير انا كان عندي امل انه ممكن سعره ينزل و استفيد من نزول سعره ده و انا في السعوديه لكن طالما سعره مش هينزل يبقي هنا افضل طبعا بس سؤال اخير معلش الاقيه فين هنا مضمون و متبرشم و بالسعر اللي انت قولت عليه ده لاني انا في الهرم و عندنا محل اسمه الباشا و قالي ان سعره 5100
mohamedhashem
2014-01-20 (02:59:21PM)
كل ماعمل تحديث يقولى your device has been modified software updates are not available
ليه الرساله دى واعمل ايه علشان ارجعه تانى
ليه الرساله دى واعمل ايه علشان ارجعه تانى
hardtime
2014-01-20 (04:53:27PM)
mohamedhashem
بص ياباشا معنى الرسالة اللى بتظهر ليك ان الجهاز بتاع حضرتك اتفتح قبل ما تشترية
واتعمل لة ووووت وبالتالى مش هينفع تحدثوا ولا عن طريق الواى فاى ولا عن طريق سامسونج كيز
فلوا حضرتك شرية من محل ومعاك الضمان بتاعوا رجعوا للمحل وخدا فون تانى او خود فلوسك
اما اذا كنت شرية مستعمل يبقى خلاص ياباشا مش ادامك الا انك اى تحديث بعد كدة
تحدثوا عن طريق التوكيل او من خلال برنامج الاودين (الطريقة اليدوية)
تمام كدة
بص ياباشا معنى الرسالة اللى بتظهر ليك ان الجهاز بتاع حضرتك اتفتح قبل ما تشترية
واتعمل لة ووووت وبالتالى مش هينفع تحدثوا ولا عن طريق الواى فاى ولا عن طريق سامسونج كيز
فلوا حضرتك شرية من محل ومعاك الضمان بتاعوا رجعوا للمحل وخدا فون تانى او خود فلوسك
اما اذا كنت شرية مستعمل يبقى خلاص ياباشا مش ادامك الا انك اى تحديث بعد كدة
تحدثوا عن طريق التوكيل او من خلال برنامج الاودين (الطريقة اليدوية)
تمام كدة
mohamedhashem
2014-01-20 (06:38:56PM)
الجهاز اتفتح صيانه قصدك ولا روت
mohamedhashem
2014-01-20 (06:50:35PM)
انا شاريه مستعمل فلو قصدك انه مفتوح صيانه ارجعه لانى معايا ضمان اخره النهارده ولو روت بس اخليه
hardtime
2014-01-20 (06:55:01PM)
لا ياباشا اقصد روووت
يوجد المزيد من الردود, شاهد
جميع الردود