نصيحة لمُلاكْ النوت 3 ,

للرجوع الي صفحة سامسونج Galaxy Note 3 الرئيسية اضغط هنا

BlackCrow

2014-09-03 (06:23:49PM)

إللي عندوا النوت 3 نصيحة لا يُقدم على شراء النوت 4 لأنه الفروقات جدآ ضئيلة بينهم , دقة الشاشة أعلى بشئ بسيط , إطار من الألمونيوم , بطارية زودوا فيها 20 ملي أبير فقط !!! الكاميرا 16 ميجا بيكسل , كاميرا أمامية 3.7 ميجا بيكسل .. مواصفات في الهارد وير بسيطة لن يلاحظ فرقها المستخدم في الواقع العملي ,

الموبايل جاء صدمة لمنتظرين النوت 4 , شاحن ال USB في النوت 4 خلوه v2.0 !!! التصميم محبط شبه الإس 5 , لا يوجد بصمة , ليس ضد المياة والغبار كما هو متوقع له ,

أغلب المواقع العربية والأجنبية تتفق مع الرأي سالف الذكر ,

ملاك النوت 3 العملاق إنتظروا النوت 5 ,

مقارنة بين النوت 4 والنوت 3 عشان إللي بيفكر يغير جهازه يكون على علم بالفروقات بينهم ,

BlackCrow

2014-09-03 (06:53:35PM)

سيطرح النوت 4 للبيع عالميآ في شهر 10 , ومن المتوقع أن يصل إلى مصر في نهاية شهر 10 سعره هيكون تقريبآ في حدود 5000 - 5300 على حسب كل بائع طبعآ .

youssefshabana

2014-09-04 (11:15:32AM)

فعلاً عندك حق اللي معاه النوت 3 ميشتريش النوت 4 ﻷنه مش هيحس بالفرق الفظيع بينهم لكن اللي معاه اقل من النوت 3 هو اللي غير للنوت 4

لكن بصراحة انا شايف انه حرام الواحد يغير النوت 3 عشان يجيب النوت 4

الجهاز امكانياته قوية جداً مفيش كلام بس الفرق مش هيكون محسوس يعني snapdragon 805 من snapdragon 800 مش فارقة كتير وكذلك adreno 420 من adreno 330 والرامات هي هي

النوت 3 لغاية دلوقتي يقدر يشغل اقوي الالعاب من غير اي مشاكل او تهنيج

هي الاختلافات اللي هيحسها المستخدم بين النوت 4 والنوت 3 ضئيلة جداً يعني مثلا هيحس ان الكاميرا افضل شوية وكذلك الشاشة باقي الاضافات كلها ملهاش لازمة خالص بالنسبالي انا

وكمان الاضافات بتاعت القلم ممكن في المستقبل تضاف للنوت 3 واللانشر كله اصلا يبقي زي النوت 4 بالظبط وساعتها مش هيكون في فرق بينهم اطلاقا

وبالنسبة للتصميم انا اتفق معاك فيها تصميمه شبه الاس 5 جدا وكل الناس تقريباً اشتكت من الموضوع ده في الاس 5 وللاسف سامسونج لم تحسن التصميم والنوت 3 بالنسبالي شكله افخم

بس للعلم النوت 4 فيه خاصية البصمة زي الاس 5 بالظبط لكن فعلاً مش مقاوم للمياه والتراب زي ما كنا متوقعين

BlackCrow

2014-09-04 (08:18:44PM)

والله يا يوسف بيه أتفق مع حضرتكْ في كل حرف ذكرته , فرق السعر هيكون لصالح النوت 3 , شكله أفخم من النوت 4 , الوزن الخفيف لصالح النوت 3 , يا فندم كفاية إنه ال USB في النوت 3 v3.0 ده بيكون أسرع في الشحن وفي سرعة نقل البيانات من وإلى الهاتف ,

أنا كنت مستني النوت 4 لكن بعد ما شفته , هشتري النوت 3 وأنا مرتاح البال ,

ممكن سامسونج تنزل تحديث جديد للنوت 3 هيكون فيه خصائص القلم واللانشر بتاع النوت 4 ,

دايمآ بنستفيد من أرآئكْ وخبرتكْ أخي الكريم يوسف ,

youssefshabana

2014-09-04 (09:11:40PM)

شكراً ليك يا باشا وانا متفق معاك تماماً بس في نقطة صغيرة احب اوضحها ان شاحن ال USB v2.0 دي مش مشكلة خالص ﻷن سامسونج اضافت خاصية جديدة في النوت 4 وهي Adaptive Fast Charging ودي بتخلي الجهاز يشحن من 0% إلى 50% في 30 دقيقة بس وده يعتبر وقت قياسي وهيكون اسرع من النوت 3 في الشحن بس بردو ده مش معناه ان النوت 3 بيتأخر في الشحن ابدا لكن النوت 4 هيكون اسرع + ان البطارية علي حسب كلام سامسونج هتكون افضل من النوت 3 بنسبة 7.5% واصلا بطارية النوت 3 قوية يبقي علي كدة بطارية النوت 4 هتكون جبارة