معايا 5000 ج وعاوز موبايل hardtime

للرجوع الي صفحة سامسونج Galaxy Note 3 الرئيسية اضغط هنا

moftakesegy

2014-04-20 (02:33:40PM)

السلام عليكم و رحمه الله و بركاته

أخى hardtime ياريت ترد عليا

معايا 5000 جنية و محتاج أشترى موبايل و محتار و مش عاوز موبايل فية مشاكل تهنيج او سخونة لأن ال 5000 حوشتهم فى فترة كبيرة علشان الموبايل و مش عاوز ألبس فالحيط بموبايل فية عيوب

عاوز الشاشة تكون اكبر من 5 انش فة حدود 5.5 انش
و يكون نوعها جيد علشان البطارية مثل Super AMOLED
يكون فية اضافة ميمورى
و يكون مساحتة الداخلية 16 جيجا
و الرامات 2 جيجا او اكبر
الكاميرا تكون مناسبة 8 ميجا بيكسل او اكثر و فيها فلاش LED
يكون فية اصدار اندرويد مناسب و سريع
يكون فية بروسيسور كواد كور مناسب و سريع
البطارية تكون مناسبة و سريعة على الأقل 2500 أمبير او اعلى

فأية الموبايلات المرشحة لأنى كل م أرسى على موديل ألاقى فية عيوب
كنت بفكر فى نوت 2 و نوت 3 و g2

ahmedelshamy78

2014-04-20 (03:43:51PM)

السلام عليكم أخي أنا جربت تليفونات كتير ومعايا دلوقتي نوت 3 نيو خط واحد لو مش فارق معاك خط واحد ولا اتنين توكل على الله وجيبوا على فكرة تليفون رائع وست انوية مش اربعة زي النسخة اللي بخطين ورامات 2 وعلى فكرة هو هو النوت 3 في كل حاجة في الأوبشن والفرق ان النوت 3 ثمان انوية ورامات 3 وكاميرا 13 و3 نيو كاميرا 8 بس رائعة وهواقوى من النسخة اللي بخطين وعلى فكرة البطارية جبارة 3100 والقلم s pen قمة في الروعة والعملية انا لسة اخر حاجة مغيرها الكاتيل هيرو وعلى فكرة تليفون رائع وسيبك من اي حوادث فردية حصلت مع حد طالما التليفون بضمان ولا يهمك ونصيحة انا اتعملت مع lg في تليفونين vu و g pro لايت والتاني g pro احسن بكتير من vu ولكن بجد شركةlg مش بنفس قوة سامسونج عن تجارب وكل شركة وليها اللي بيميزها ولو عايز اغلى من نوت 3 نيو خليك بقى في نوت 3 ومش هتندم تليفون رائع وان كان الفروق بينه وبين النسخة النيو اللي بخط واحد مش مؤثرة قوي عمليا واللي جرب رامات 2 ورامات 3 يقولك الفرق غير ملحوظ واللي الفرق بين الشت انوية والتمانية لن تشعر به

walleking

2014-04-20 (04:01:53PM)

وعليكم السلام بص ياغالي انصحك بموبيل سوني اكسريا زد 2 هينزل اخر الشهر دة ب5300 دة موبيل من الاخر او htc 8m دول افضل اوتنتظر لشهر 9 وتجيب نوت 4 هيكون موبيل جامد جدا غير دول مانصحكش هو النوت 3 حلو بس نزل موبيلات جديدة ولو جبتو شغال مش وحش بس هتمل منو لان في جديد نزل بعدية هات زد 2 او htc 8m

hardtime

2014-04-20 (06:22:14PM)

طيب بما ان حضرتك داخل موجة السؤال لهارد تايم
فهارد بيقولك روح ياباشا هات النوت 3 النسخة الفور جى بى 4600 من سيلكت
ولو كلمتنى فون هتعرف لية انا بقولك النوت 3 افضل
تقبل تحياتى .............

al3bd

2014-04-21 (08:52:53AM)

والله انا عندي راي تاني مع اني عارف ان السؤال ده موجه للاخ الخلوق والمحترم والمتعاون والمحب لاعضاء الموقع الاخ هارد تيم ....واللي يشرفني اتعرف عليه .....ولكن مجرد نصيحة ....طالما ان 5000 ج دول تحويشة عمرك عشان تشتري موبيل حديث... ممكن توفر جزء منهم وتشتري ال جي 2 جهاز محترم جدا وفي افكار جديدة انه بدون ازرار ويكاد يكون بدون حواف ومفيش تهنيج وممكن تراجع الصفحة بتاعته ......اما لو عايز تلفون زي النوت 2 بل احسن منه بمراحل ويخليك توفر اكتر واكتر ويبقى معاك تلفون محترم جدا و2 شريحة كمان فعليك ب ال جي برولايت جهاز رائع جدا وممكن تزور الصفحة وتشوف اراء الاعضاء عليه وكمان فيه تقرير يوضح مزايا وعيوب الجهاز باسم (مرحبا ال جي ).....وفي النهاية كلها وجهات نظر قد تصيب وقد تخطا ....المهم ان تفكر كويس جدا وتبحث وتسال .....وطبعا تستخير ربنا......وتكون مقتنع جدا بالجهاز اللي انت هتشتريه ...
وربنا يقدر ليك الخير