معلومة لضمان حقوق المستهلك عن تجربة

للرجوع الي صفحة سامسونج Galaxy Note 3 الرئيسية اضغط هنا

sherif2090

2014-04-19 (09:43:43AM)

يارجلة فى مشكال كتير فى موضوع شراء اجهزة سامسونج حليا دة غير الاجهزة التقليد
قريت كام شمكلة على مواقع عربية ومنتديات.

والمشكلة ان الجهاز ناس بتشترية على جديد وتيجى تفتح الجهاز تلقى علية برنامج (روت )
يعنى من الاخر الجهاز مستعمل وبيتباع على اساس انة جديد وبالبرشامة
و اوقات بتواجة فى مشاكل فى السوفت الجهاز تقيل بيهنج الكلام دة ,
المهم ناس كتير مبتعرفش تتصرف وتعمل اية , وبيحولو ينزلو سوفت من الاول للجهاز وحوارت كتير.
طيب لية اعمل كدة وانا ليا حق:

اولا انتا كا مستهلك او كازبون ليك حقوق ودى يمكن الحاجة الوحيدة اللى يمكن شغلة فى البلد.
جهاز حماية المستهلك بيدى حق ليك فى استرجاع او استبدال اى منتج قمت بشرائة فى خلال 14 يوم
بشرط الجهاز الجهاز يكون سليم يعنى متكسرش والكلام دة .

ودة لاى سبب كان سواء عيب مصنعى او غيرة او ان الجهاز غير ما كنت متوقعة من الاخر ( معجبكش )

ناس كتير هتقول دة كلام على ورق والكلام دة.
ولكن اوكد لكم لا .
انتا بمجرد ما تجيب سيرة جهاز حماية المستهلك للمحل اللى اشتريت منة وطلع فى الجهاز اى عيب هتلقية يجيب ورا ,( الكلام دة حتا بعد الثورة ).

فا انتا ليك حق انك تروح ترمى الجهاز فى وشة وتاخد فلوسك متنقصيش مليم واحد او تبدلة بجهاز اخر بدالة نفس الموديل او موديل اخر يوازى نفس السعر او اكتر مع دفع الفرق .

ودى تجربة واقعية حصلت معايا السنة اللى فاتت .......

انا حصلت معايا فى لاب توب كنت جبتة ب 5000 جنية وكان فية مشكلة فى الهارد بس الصراحة انا مكنتش عيزة بسبب اولا تعريفات الجهاز 5000 تعريف وقرف ,,,, ثانيا من الاساس كنت عايز موديل تانى ولكن مكنش موجود وصاحب المحل قلى دة زى الفل وميفرقش كتير , المهم لما روحت للمحل اغيرة قلى لا نشوف المشكلة الاول قلتة لا انا مش عايز الجهاز يا تدينى فلوسى يا تجبلى الجهاز اللى انا عيزة ( موديل تانى ) قلى بس نشوف الجهاز الاول .

المهم قعد سعتين يعمل فى الجهاز وبعدها قلى اهوا بص بقا تمام اشتغل وزى الفل قلتلة طيب انا بردك مش عيزة قعد يهرتل وانا بقلى سعتين بصلح فية وانا وانا وكلام كتير قلتلة من الاخر يا الفلوس يا الجهاز اللى انا عيزة تجيبة قلى مش عندى ( الجهاز اللى كنت عيزة ) قلتلة خلاص هاتة من محل تانى وهديك انا مكسبك قلى لا قلتلة طيب هات الفلوس قلى لا مش هينفع , قلتلة خلاص انا هتصل بجهاز حماية المستهلك وهعملك شكوا ومحضر فى القسم وانتا حر جاب ورا على طول طيب معلش والكلام اتغير وانا هعمل اية ومش هعرف ابيعة تانى وترضا ليا الخسار والكلام دة قلتلة ميخصنيش ( هوا اصلا هيرجعة للشركة وياخد واحد بدلة بسبب مشكلة الهارد وحتا لو مش هيرجعة مش مشكلتى معلش يعنى ) , وفعلا خدت فلوسى الا 50 جنية بمزاجى ال اية لتصتيب النسخة ....

فا اى حد يواجة المشكلة دى يعمل نفس الكلام يروح يرمية فى وشة وياتخد واحد جديد يا تاخد الفلوس ولما تيجى تروح تاخدو معاكم 2 و 3 اصحابك كدة عزوة .......

ارجوا ان حد يستفاد من الكلام دة وينصح كل اصحابة واللى يعرفهم او اى حد تواجهة مشكلة زى كدة فى اى جهاز سواء موبيل او لاب او اى جهاز...

أحمد محمد

2014-04-19 (01:17:30PM)

كلام مظبوط جدا و صحيح
و انا فعلا سمعت كذا موقف في الموقع هنا عن جهاز حماية المستهلك

بس الاجهزة اللي معمولها روت بيقولو انها بتبقى جديدة فعلا و جاية كده لانها ضمان دولي
و الروت عشان تبقى شغالة في مصر

انا سمعت حد بيقول كده .... تقريبا كان هارد