موبايلى فيه حاجات غريبة

للرجوع الي صفحة سامسونج Galaxy Note 3 الرئيسية اضغط هنا

hummerh2

2014-04-18 (10:27:31AM)

السلام عليكم
انا اشتريت جهاز 4G من 9 ايام وكان متبرشم ومقفول وكل حاجة , بس العلبة مكتوب عليها فرنساوى , المهم مكانش فيه اى حاجة غريبة بالنسبالى بس بعد كدة لاحظت اكتر من حتجة غريبة عاوز حد يفهمهالى

1_ التليفون وهو بيفتح بيكتب سامسونج نوت 3 ومش بيكتب الموديل ( SM-9005 ) بيكتب كلمة Custom وجنبها قفل مفتوح

2_ ايقونة التحديث مش موجودة فى الجهاز خالص , يعنى بخش على الضبط , عام , حول الجهاز , اول خيار بيطلعلى هو الحالة ومفيش تحديث البرنامج

3_ التليفون متسطب عليه برنامج( Super Su ) واللى عرفت بعد كدة انه برنامج روووت

4_ اخيراً اكتشفت ان رقم اصدار النطاق الاساسى للجهاز بتاعى مختلف عن تليفون واحد زميلى جايبه من السعودية وهى كالتالى
تليفونى
رقم الطراز SM-N9005
اصدار النطاق الاساسى A900AUCUBMJ5

تليفون زميلى
رقم الطراز SM-N9005
اصدار النطاق الاساسى N9005XXUDMJ7

فياريت حد يفهمنى تليفونى فيه ايه الغريب , واعرف اصلحه ازاى , اسف على الاطالة , ولكم جزيل الشكر

hardtime

2014-04-18 (10:40:03AM)

حلك جهازك بسيط جدا يابشا
هنزل نسخة رسمية الكيت كات
وكل مشاكلك دى هتنحل فى خمس دقايق كلمنى على الفون يباشا
رقمى على الخاص

sherif2090

2014-04-19 (09:24:21AM)

ياهارد باشا بيقولك جايب الجهاز جديد متبرشم
ولما فتحة لقا علية برنامج روت
يبقا الجهاز مستخدم واللى بعه لية ضحك علية

انا بقول انك تروح للمكان اللى جيبة منة وترمية فى وش الراجل وتعملة هليلة وتاخد جهاز تانى وتتاكد منة يا اما انك تاخد الفلوس قل لا اعمل شكوا فى جهاز حماية المستهلك وهددة بكدة لو قلك لا
هيجيب ورا على طول
انا حصلت معايا فى لاب توب كنت جبتة ب 5000 جنية وكان فية مشكلة بسيطة فى الهارد بس الصراحة انا مكنتش عيزة وكنت عايز موديل تانى ولما روحت للمحل اغيرة قلى لا نشوف المشكلة الاول قلتة لا انا مش عايز الجهاز يا تدينى فلوسى يا تجبلى جهازى قلى بس نشوف الجهاز الاول
المهم قعد سعتين يعمل فى الجهاز وبعدها قلى اهوا بص بقا تمام اشتغل وزى الفل قلتلة طيب انا بردك مش عيزة قعد يهرتل وانا بقلى سعتين بصلح فية وانا وانا وكلام كتير قلتلة من الاخر يا الفلوس يا الجهاز اللى عيزة تجيبة قلى مش عندى ( الجهاز اللى كنت عيزة ) قلتلة خلاص الفلوس قلى لا مش هينفع قلتلة خلاص انا هتصل بجهاز حماية المستهلك وهعملك شكوا ومحضر فى القسم وانتا حر جاب ورا على طول طيب معلش والكلام اتغير وانا هعمل اية ومش هعرف ابيعة تانى وترضا ليا الخسار والكلام دة قلتلة ميخصنيش وفعلا خدت فلوسى الا 50 جنية بمزاجى ال اية لتصتيب النسخة ....
فا اعمل زى ما بقولك روح ارمية فى وشة وياتخد واحد جديد يا تاخد الفلوس وروح معاك 2 و 3 اصحابك كدة عزوة

hummerh2

2014-04-19 (08:57:26PM)

موضوع جهاز حماية المستهلك ده بيكون فى حالة انك جايب الجهاز بفاتورة , انما فى حالتى وان التليفون اصلا جاى تهريب فمش هعرف استفيد منها فى حاجة

وكمان انا لقيت صاحبى اللى جايب التليفون من السعودية متبرشم برضو الروت مفتوح عنده برضو

hardtime

2014-04-20 (12:55:24AM)

sherif2090
شريف انا اسف انى اقولك كل كلامك غلط
ومفيش حاجة اسمها ان الموبيل لو معمول لة روت يبقى مستعمل
اللى قال ليك كدة قولوا هارد بيقولك انتا متعرفشى حاجة

sherif2090

2014-04-20 (02:10:16AM)

هادر باشا .
انتا بتقول ان كل كلامى غلط ...
.............
لو بخصوص جهاز حماية المستهلك اسمحلى اقولك لا مش غلط
ودة عن تجربة شخصية
...............................ز
اما لو بخصوص الاجهزة اللى معملولها روت فا دى وجة نظرى

معلش انا بالنسبة ليا طلما الجهاز اتفتح بقا مستعمل
مبالك اتفتح واتعملة روت ؟
معلش يعنى هشترى جهاز من الشركة والقية معمولة روت وميبقاش مستعمل ( فى الحالة اللى بقولك عليها)
اما ان الجهاز بيبقا وارد برة ومعمولة روت علشان يشتغل علشان اللوك اللىشركة عمالة , انا افضل انى انا اللى اعملة بنفسى او لو مبعرفش الرجال اللى بجيب منة يقولى الوضع كدة ومش هيشتغل الا لما تعملة روت لو وفت يعملة ليا وانا واقف انما اخدة على اساس انى انا اول واحد اشغلة وابص القية فية روت .
كمان الافضل من الروت معلش التاجر يقدر يجيب شريحة للدولة اللى الجهاز صادر منها ويشغل الجهاز ويعمل اى مكلمة بيها على الجهاز 5 دقايق ويشلها واخدة انا افضل من الروت بالسبة ليا واضمن
....................................

تلك الخدمة مخصصة للأعضاء فقط