بدون عنوان

للرجوع الي صفحة سامسونج Galaxy Note 3 الرئيسية اضغط هنا

MohammedHashish

2014-03-10 (12:42:00AM)

ندى استفسار انا هشترى تليفون من الامارات
ايه افضل النوت تو ولا الاكسبريا زد ؟؟

AshrafAshry

2014-03-10 (12:44:44AM)

لو حضرتك ليك فى الالعاب مهتم بيه نت كويس شاشه قوية جميلة خليك فى سامسونج النوت تو موبايل محترم جدا

عايز موبايل شيك حجم صغير تصفح سريع بطارية قوية يبقى الاكسبريا زد

تحياتى ليك

MohammedHashish

2014-03-10 (12:48:50AM)

طيب ايه المشكال اللى فى الاتنين
ولو جبت التليفون اى واحد فيهم وحصل فيه مشكله هل هينفع اصلحه فى الضمان

zman2yahob

2014-03-10 (12:54:34AM)

شوف اخى الكريم ....

الفرق مابينهم كبير شويه ويلخبط لكن خليني اقول

شاشه النوت2 سوبر اموليد بس بيبكسلات قليله اوى باللنسبه لـz الى بيكسلاته 441 وتكنولوجيا برافيا بتدى قيمه لشاشه الـz وهتفضلها على النوت رغم انها tft
الـz ضد المياه والغبار والاتربه .. النوت2 لآ

الـz انحف 7.9 مقابل 9.4 وده فرق كبير

تصميم الـz راقى جدا مقابل تصميم النوت2 اقل منه

الكاميرا الخلفيه للـz 13 ميجا بيكسل وبتقنيه الـhdr المذهله بتدى نتائج جامده جدا فى تصوير الفيديو

الاتنين هيوصلهم الكيت كات .. معالج الـz من كوالكم بسرعه 1.5 رباعى والنوت2 1.6 رباعى من سامسونج ومعالجها اكسينوس

البطاريه جيده فى الجهازين ..
الاتنين سعرهم مقارب جدا تقريبا 3500

اختار ماشئت اخى الكريم .. مبروك مقدما ايا ماكان اختيارك

MohammedHashish

2014-03-10 (12:59:36AM)

النوت تو ب 2650
الزد ب 2520
فى الامارات

MohammedHashish

2014-03-10 (01:00:51AM)

ده الزد

وده النوت تو

drizzyman

2014-03-10 (01:02:58AM)

برافو عليك أستاذ زمان ردك وتحليلك أكثر إفاده ووضوحا ......وع فكره الموبايلين ف الألعاب تمام مش فارقه بس إلا نص بوصه ف حجم الشاشه ......وبطاريه النوت هى أكيد إللى أفضل مع ميزه إنها ريموفابل

MohammedHashish

2014-03-10 (01:07:49AM)

انا اسف اخى الكريم هذه اول تجربه شراء لى من الخارج فأنا متخوف بعض الشى قرأت بعض التقييمات على الموقع بالنسبه اللزد ان الكاميرا ليست جيده فى الليل وتصويير الفيديو والصوت اضعف فيه ايضا فهل هذا صحيح ؟؟

omyoussef

2014-03-10 (02:41:36AM)

بالاضافه لكلام الاخوه احب اوضح لحضرتك نقطه مهمة
ان صوت السماعات في الزد واطي جدا ولا يقارن بالنوت 2
وكاميرا الزد باليل وفي الاضاءة الضعيفة وحشة جدا
انا بتكلم من منطلق تجربة للاتين لان انا كان معايا نوت 2 و زوجي معاه زد
كمان السوفت وير في السوني عموما مش غني زي السامسونج بس ده مش معناه ان السوني وحش
هو بيتميز بشياكه و خامات تصنيع احسن وطبعا ضد المايه انما عيوبه زي ما وضحت لحضرتك
صوت واطي
كاميرا ضعيفة بالليل
افتقار لبعض المميزات في السوفت وير

MohammedHashish

2014-03-10 (08:33:23AM)

omyoussef
أنا متشكر جدا انا كنت محتاج حد جرب الجهازين خلاص انا هشترى النوت تو باذن الله
ومتشكر جدا لكل اللى افادنى فى الراى

AshrafAshry

2014-03-10 (10:31:32AM)

لو حضرتك بتحافظ على موبايلك اشترية ضمان دولى بس يكون من مكان ثقة طبعا لو عندك اطفال مثلا هيمسكوا الموبايل او شغلك بيتطلب حركة كتير وممكن يتعرض الموبايل لقدر الله للصدمات يبقى اشترية ضمان محلى و مافيش مقارنة بين الاكسبريا و سامسونج و انا من وجهه نظرى سامسونج بتتفوق بنسبة كبيرة على اكسبريا فى نقط عديدة وضحها ليك استاذ زمان تحياتى ليك

تلك الخدمة مخصصة للأعضاء فقط