بدون عنوان

للرجوع الي صفحة سامسونج Galaxy Note 3 الرئيسية اضغط هنا

midoy

2014-02-25 (05:17:18PM)

لو سمحتم يا جماعة أنا عايز خبرة الناس اللى معاها النوت 3 3g و اللى معاها 4g و خبرة الأساتذه hardtime & tamer2015 اللى أنا بعزهم و بحترهم جدا

أولا أنا من قنا ( للأسف ) بس بنزل كل فتره القاهره و كنت نازل على نص شهر مارس كده و ناوى إن شاء الله أجيب النوت 3 ال 4g من سيليكت انا الصراحه من كلام الناس حسيت إن إمكانياته أعلى من ال 3g و أنا أصلا بميل لأنى أجيب ال 4g للمستقبل يعنى علشان سامع انه ممكن يشتغل فى مصر قريب و كنت متوقع بعد الإعلان اللى طلع صدمه لل s5 ان النوت 3 هيرخص على نص مارس حسب كلام الناس هنا بس للأسف رجعتوا و قولتوا هيغلى

فأنا قدامى كذا حل يا ريت تنصحونى أيهم أفضل :
1- لقيت نوت 3 3g فى أكبر محل موبايلات فى قنا ب 4900 جنيه ضمان سنه
2- لقيت نوت 3 3g فى توكيل سامسونج فى قنا ب 5200 جنيه ضمان سنه من سامسونج
3- أو أجيب نوت 3 4g فى نص مارس من سيليكت ب 4900 جنيه ضمان 14 يوم عيوب صناعة أو سمايل 4850 جنيه بدون ضمان و دى أسعارهم دلوقتى الله أعلم هيكون فى نص مارس كام

قولولى بقى الحل أيه مع العلم أنى بفضل 4g و برضه بقلق من موضوع الضمان ده علشان مش من القاهره و مش هعرف أتعامل معاهم بسهوله ( مش عايز أروح و أجى كل شويه )

أسف على الإطاله و شكرا مقدما

hardtime

2014-02-25 (05:27:58PM)

midoy
بص ياباشا احنا لما توقعنا الاسعار تنزل كنا متوقعين على اساس ان الاس 5
هيكون جهاز الى حدا ما فى اضافة جديدة ممكن تخلى الناس تتخلى عن النوت 3 وتروح وتشترية
وطبعا زى ما حضرتك قلت ان الاس 5 جية مخيب لامال
وبتالى نصحيتى ليك:_
1-هات الثرى جى بضمان سامسونج من عندكم
2-هات الفور جى من سيلكت لما تنزل القاهرة
الانسب ليك فى دول اعملوا
تقبل تحياتى.........

midoy

2014-02-25 (05:37:54PM)

هو أنا الأنسب ليا ال 4g بس معنى كده أنك شايف أن سيلكت مضمونه جدا و معاملتهم كويسه ممكن أتوكل على الله و أجيب منهم

tamer2015

2014-02-25 (10:20:57PM)

بص يا معلم انا شابف انك ميال اكتر للنسخة الفور جى علشان انت بتبص لقدام لبعد كدا يعنى لما تشتغل فى مصر ... فا علشان كدا نصيحة منى هات اللي انت مقتنع بية عبشان مش ترجع تقول يارتنى
هات النسخة الفور جى مت سكلت بدون اى تفكير دا لو مش فارق معاك ضمان وباذن مش هيحصلى اى شئ متقلقش وكمان هتاخد 14 يوم معاة اكيد هتعرف فية حاجة وﻻ ﻻ وبعدين انت مش بتشترى من اى محل دا سلكت هما ناس محترمين وكويسين ... والف مبروك عليك مقدما

midoy

2014-02-26 (01:54:54AM)

متشكر جدا يا رجاله أنتوا فعلا طمنتونى جدا لسليكت لدرجة أنى أفتكرتكم شغالين هناك :) :)

و أنا بثق فى كلامكم جدا و إن شاء الله ناوى أجيب ال 4g من هناك بس أدعو ميزيدش لما أروح D:

تلك الخدمة مخصصة للأعضاء فقط