بدون عنوان

للرجوع الي صفحة سامسونج Galaxy Note 3 الرئيسية اضغط هنا

medosd

2014-02-25 (04:43:02PM)

لو سمحتم انا جالي هدية جالاكسي نوت 3 4G نسخه اوروبا SM-N9005 ..
ال imei والسيريال مختلف عن الموجودين خلف البطاريه
ده مخلي الشبكة تشتغل على 3G بس ولو الشبكة ضعيفة و مفيش 3G ال 2G مبيجبش شبكة خالص ويقول not registered on network
الان انا 4.4.2 .. جربت اكتر من ROM واكتر من modem ومفيش فايدة
ارجو المساعده

hardtime

2014-02-25 (05:04:02PM)

medosd
بص ياباشا
موضوع السيريال كلام نهائى مش لازم التلاتة زى بعض على الاقل فى رقمين زى بعض بشرط اللى هيبقى على الكرتونة يكون ثابت معاك
اما موضوع الشبكة هل جربت تعمل رفرش للشبكة يدوى
ولوا عملت ممكن تقولى الطريقة ياباشا؟
موضوع السيريال ملهوش علاقة بالشبكة اللى لية علاقة اما هارد وير او الروم اللى على جهازك
غير كدة مينفعشى
منتظر ردك يابرو.........

medosd

2014-02-25 (05:40:37PM)

الارقام اللي على الكرتونه واللي على التلفون تحت البطاريه زي بعض .. الرقم اللي على السيستم هو اللي متغير

بقالي اسبوع بدور على حل للمشكلة وللأسف لقيتها مشكلة منتشرة جدا جدا بنفس الاعراض بالضبط ولحد الان ملهاش حل على Note 3 4G .. الموديلات اللي قبل كده كانت بتتحل بالرجوع للسوفت بتاع المنطقة ( الشرق الاوسط هنا ) بس للاسف سامسونج بنظام حمايتها الجديد المتخلف مانع ال downgrade :(

طب حضرتك ممكن ترشحلي اي مركز تصليح موبايلات محترم يبقى فاهم هو بيعمل ايه لاني كل ما اروح مكان احس اني فاهم اكتر منه واقعد اشرحله المشكلة :(

hardtime

2014-02-25 (05:51:03PM)

مردتشى على سؤالى بردوا
هل عملت رفرش للشبكة عندك يودى ولالا
لو روحت للصيانة سامسونح ومعجبكشى كلامهم
مش ادامك غير شارع عبد العزيز
ودى النهاية.........

medosd

2014-02-25 (06:02:28PM)

عملت رفرش يدوي اكتر من مرة .. المشكلة ان لما الشريحه بتلاقي اختلاف في ال IMEI الاصلي واللي على السوفتوير بتمنع الاتصال بالشبكة .. وبتطلع رسالة not registered on network

رحت سامسونج فعلا .. رفضوا يستلموا التلفون بحجة ان موديل SM-N9005 مش موجود على السيستم عنده !!!!

تلك الخدمة مخصصة للأعضاء فقط