بدون عنوان

للرجوع الي صفحة سامسونج Galaxy Note 3 الرئيسية اضغط هنا

merokhaled

2014-02-05 (06:36:26AM)

لو سمحتو عايزة اعرف محلات تكون كويسة و مضمونة تبيع ال 4G غير smile و الهندسية علشان سألت و ملقتش عندهم الايام دي ... انا شوفت هنا ان في ناس جابت الموبايل من محلات في طلعت حرب .. يا ريت اعرف اسم المحل بالضبط و عنوانه و السعر علشان نازلة اجيبة النهاردة ان شاء الله
thanks in advance

hardtime

2014-02-05 (07:09:58AM)

merokhaled
بصى يا ستى مبروك مقدما وربنا يباركلك فية
المحلات اللى فى طلعت حرب عند العبد اذكر منها محل اسموا سلامة وفى غيروا ودول
ناس محترمة اوى فى ناس هنا جابوا من هناك وبيشكروا فيهم
وعندك دريم2000 فى عين شمس فى شارع العشرين
وعندك التوب بتاعهم سيلكت(فى كارفور المعادى )
بس بلاش السراج مول اسعار كويسة بس لو طلع الموبيل فية حاجة خلال ال 14 يوم
سورى(هيطلعوا عينك علشان يخدوا الموبيل)
موضوع السعر هيكون متراوح ما بين 4800 الى 5100
خدى فلوس بزيادة علشان لو عجبك جراب معين او اسكرينة معينة وان كانت افضل ليكى
تجيبى واحدة buff ضد الخدش والكسرب 50جنية
بال التوفيق تقبلى تحياتى.......

merokhaled

2014-02-05 (07:18:48AM)

hardtme
ميرسي جداا لذوقك

walleking

2014-02-05 (09:00:16AM)

بصي حضرتك في مجل اسمو الباشا في شارع عبد العزيز دة بيبيع الفور جي ب4900 ودة احسن محل بالشارع دة ﻻن الباقي كلو نصابين اﻻ القليل اللي عندهم ضمير بس دة افضل محل في المعاملة وحظو وحش انو واقع في الشارع دة وهتلاقي عندو جميع انواع الموبيلات فورجي وسري جي وبضمان ومن غير ضمان ومحل مضمون مية المية هو بجوار راديو طلعت في اول شارع عبدالعزيز ومن يومين سالت علي فور جي بمجل بشارع طلعت حرب ﻻقيتو ب4850 فيتنامي المحل دة الحقيقة ماعرف اسمو بس هو في شارع ضيق امام العبد في حوالي 6محلات دة اولهم علي الشمال وممكن لو ضغطي علية تاخدية ب4800ومبروك مقدما بس نصيحة اخيرة هاتي من دريم 2000 اوسيلكت زي ماهارد باشا قالك ﻻنو دول افضل بس اغلي ب50 او 100 جنية بس هتاخدي الموبيل وانتي مطمنة

تلك الخدمة مخصصة للأعضاء فقط