بدون عنوان

السلام عليكم و رحمة الله و بركاته


الموضوع النهارده هيتكلم عن انواع البطاريات المستخدمه
في الاجهزه الالكترونيه و بالاخص الهواتف و اللوحيات

ايه نوع بطارية موبيلك
يمكن اغلب الناس مسألتش نفسها السؤال دا ....
لكن مش يمكن نوع البطاريه دا
هو اللي بيخلي اجهزه عمر بطاريتها اطول من اجهزه تانيه

بشكل عام انواع البطاريات ثلاثه انواع ...
هديك شويه معلومات عنهم بأختصار

اولا .. بطاريات النيكل كادميوم
(Ni-Cd)
سوني استخدمت البطاريات دي ف اجهزتها
(دا زماان قبل الموبيلات)

و البطاريات دي سببت خساره كبيره لسوني
لانها كانت السبب في سحب جزء كبير من اجهزتها في السوق

عموما البطاريات دي انقرضت خالص
و استخدامها حاليا يادوب بيبقي ف اللاسيلكيات القديمه و لعب الاطفال

و مازالت البطاريات دي غير امنه بنسب بسيطه
رغم التطوير اللي اتعمل عليها ...


ثانيا .. بطاريات الليثيوم ايون
Lithium-Ion Battery

كيف تعرف نوع بطارية جهازك 2OdVV.jpg

النوع دا من البطاريات تم تطويره سنه 1912
الا انه لم ينتشر الا بعد ما اعتمدته سوني سنه 1991
النوع دا ليه كثافه طاقه عاليه (امبير)
و تكلفتها مش كبيره
الا ان البطاريات دي بتتلف مع مرور الوقت
و خصوصا في حاله عدم الاستخدام

معلومات الاداء


درجه حراره التشغيل : من -20 الي 60 سيلسزيوس

الفولتيه بتاعتها : 3.6

عدد دورات الشحن : من 300 الي 400 دوره

درجه حراره الشحن : من صفر الي 60 سيليزيوس

قدره البطاريه علي التخزين : بتفقد 1. % شهريا

درجه حراره تخزين الطاقه : من -20 الي 60 سيليزيوس

الشكل و الخصائص : يجب ان تكون مربعه او مستطيله ولا يمكن ان تكون مرنه

كثافه الطاقه (امبير) : اكثر من بوليمر ليثيوم ايوم

الوزن : اخف من بطاريات النيكل كادميوم واكثر من البوليمر ليثيوم ايون

التكلفه : اعلي من النيكل كادميوم و اقل من بوليمر ليثيوم ايون

العمر : في حاله الاستخدام العادي تصل الي 3 سنوات

مدة الشحن الكامل : اقل من بوليمر ليثيون ايون

الامان : امنه و لكن البوليمر ليثيوم ايون اعلي في معدل الامان



ثالثا .. بطاريات بوليمر ليثيوم ايون
Lithium-Polymer Battery

كيف تعرف نوع بطارية جهازك iphone4_battery__22555_zoom.png

نوع البطاريات دا تم تطويره سنه 1970
و مواد تكوينها من جوه مختلفه عن الليثيوم ايون
لانها بتتكون من طبقات عامله زي فيلم الكاميرا كدا (الكتروليد)
و دا بيخليها رقيقه جدا
لدرجه ان ممكن وضعها في cridet card
دا غير انها خفيفه جدا و معدل الامان فيها افضل
بس مشكلتها ان تكلفتها عاليه علي المصنعين
وكثافه الطاقه بتاعتها منخفضه



معلومات الاداء


درجه حراره التشغيل : مش مقيده بدرجه حراره معينه

الفولتيه بتاعتها : 3.6

عدد دورات الشحن : من 300 الي 400 دوره

درجه حراره الشحن : من صفر الي 60 سيليزيوس

قدره البطاريه علي التخزين: بتفقد 1. % شهريا

درجه حراره تخزين الطاقه : من -20 الي 60 سيليزيوس

الشكل و الخصائص : غير مقيده و يمكن تشكيلها بأشكال مختلفه و يمكن تصنيعها بشكل مرن

كثافه الطاقه (امبير) : اقل من الليثيوم ايوم

الوزن : اخف من بطاريات النيكل كادميوم و بطاريات الليثيوم ايون

التكلفه : اعلي من النيكل كادميوم و الليثيوم ايون

العمر : في حاله الاستخدام العادي تصل الي 5 سنوات

مدة الشحن الكامل : اكثر من الليثيوم ايون

الامان : امنه اكثر من الليثيوم ايون


كيف تعرف نوع بطارية جهازك MOa2a.png


بعد ما عرفت خصائص و مميزات و عيوب كل نوع ...
طيب الشركه المصنعه بتقرر ازاي تستخدم اي نوع فيهم

علي سبيل المثال

حالات استخدام البوليمر ليثيوم ايون

لو البطاريه غير قابله للازاله زي التابليتس .. بتستخدم البوليمر لان عمرها 5 سنين و الليثيوم ايون 3 بس
لو جهاز من الاصدارات العاليه و سمكه قليل جدا تستخدم البوليمر
لو الشركه عاوزه تقلل من وزن الجهاز تستخدم البوليمر


حالات استخدام الليثيوم ايون العاديه

لو الجهاز ممكن يتبدل بطاريته عادي بيستخدم النوع دا .. لانه ارخص من البوليمر
لو جهاز امكانياته عاليه جدا محتاجه بطاريه قويه بيستخدم النوع دا لان كثافه الطاقه بتاعته اعلي
لو الشركه عاوزه تقلل من التكلفه