بدون عنوان

للرجوع الي صفحة سامسونج Galaxy Note 3 الرئيسية اضغط هنا

loda9005

2013-12-23 (11:54:12PM)

لو سمحت عايز رد على سؤالى
كتير باسمع من الاصدقاء كلمة " روت " فما معنى جملة " انا ممكن اعمل روت للنوت 3 مثلا "
ثانيا لو هاشترى النوت 3 نسخة الفور جى فياريت د يقولى المحلات المضمونة بالترتيب من الاكثر ضمانا الى الاقل ضمانا وشكرا لحضراتكم

walleking

2013-12-24 (12:37:04AM)

في محل سالت علية اليوم علي النوت 3 في الدقي ب4650
والور جي 4950 في محطة المتر و الدقي

walleking

2013-12-24 (12:41:49AM)

واحلي محلات بشارع طلعت حرب محلات مضمونة بجوار العبد زي سلامة وزي سيتي سنتر وياريت تجيب من سلامة انا جايب بتاعي من هناك من شهر ونص بصراحة محل مضمون وهاتو من غير ضمان عادي ووفر فلوسك وهات سري جي لان مافي شيكة فور جي بمصر وهات سري جي

mahmoudkmeg

2013-12-24 (06:50:03AM)

يا أستاذ walleking انا سألت يوم الأحد عند سلامة على النوت 3 لقيته بيبيعه بمبلغ 5000 جنيه للنسختين الثرى جى والفور جى بس الثرى جى بضمان محلى والفور جى من غير ضمان وسيتى سنتر كان عنده الثرى جى عامل 4850 جنيه بالضمان يعنى أرخص من سلامة بمبلغ 150 جنيه مع إنهم فى وش بعض (على فكرة أنا سألت فى سيتى سنتر اللى قصاد سلامة مش اللى جنبه بعد العبد) .

menarenoo

2013-12-24 (10:21:52AM)

loda9005

الروت هو ان تقدر تكسر حمايه الهاتف الي الشركه عملها ويبقي معاك صلاحيات انك تعمل حجات اكتر علي الجهاز مثلا زي ممكن تمسح برنامج اساسي علي التليفون وفي برامج في الماركت مش بتشتغل علي الموب غير لما يكون معموله روت بس نصيحه متحولش تعمل روت لاي جهاز لانه وارد جدا ان الجهاز ده يحصله تلف في البورده ويموت نهائيا

hardtime

2013-12-24 (11:30:18AM)

loda9005
بص ياباشا الروت زى ما قال ليك مينا هو عبارة عن سوفت زى اللى بيبقى جاى معا الموبيل
بس كل الموضوع لما بتنزلوا بتقدر تمسح اى برنامج جاى معا الموبيل انتا شايف انوا ملهوش لازمة وتانى حاجة تقدر تنزل اى برنامج وميقولشى ليك كلمة مثلا غير مدعوم فى بلدك
بس لازم تاخد بالك
اولا علشان تنزل روت لازم تبقى متمكن والا موبيل ب 5000 هيطير منك
ثانيا معنى انك تنزل روت على موبيلك يعنى انتا كدة برة الضمان حتى ولو لسة شارى النوت امبارح
ثالثا اشترى النوت الاول ولو فى حاجة فيها مشكلة قبلتك تستدعى انك تنزل روت احنا هنا هنحاول نحلها ليك من غير ما تطير الضمان منك
تمام كدة يا صحبى

legend88

2013-12-24 (01:30:28PM)

عندك سمايل وسعر الفور جى كان عامل 4850
وفى دريم 2000 انا شارى منه الفور جى ب 4875
وفى 888 كان السعر واصل عنده 4900 للفور جى

loda9005

2013-12-24 (02:55:57PM)

متشكر ليكم جدا يا جماعة على التعاون walleking / menarenoo / hardtime / legend88
بس ليا استفسار معين وهو أكثر المحلات ضمانا اقدر اشترى منه الفورجى عشان لا قدر الله لو حصل اى مشكلة فى الجهاز اقدر ارجعله عشان صيانة الجهاز
ولا صيانة الجهاز مش مرتبطة بالمكان اللى انا اشتريت منه
وشكرا

hardtime

2013-12-24 (03:01:23PM)

loda9005
بص ياباشا انتا نويت تجيب الفور جى فركز معاى
افضل المحلات اللى ممكن تجيب منها من وجهة نظرى طبعا
سيلكت
اسمايل
الهندسية
دريم2000
ودول بيدوك 14 يوم ضمان المحل علشان الموبيل لو كان فية اى عيب صناعة بتقدر ترجعوا وتاخد فلوسك او موبيل تانى
بعد ال 14 يوم لو الموبيل حصل لة اى حاجة ملكشى دعوة بالمحل وهتروح التوكيل كدة تمام

loda9005

2013-12-24 (03:16:13PM)

شكرا يا هارد على التواصل والرد السريع بس انا سألت سيليكت على موضوع الصيانة وده كان رده عليا
" لو فى عيوب تصنيع حضرتك ببتواصل مع مركز الصيانه اما بيكون فى صيانه او استبدال للجهاز حسب العيب اللى بيكون موجود"
يعنى هما اللى بيحددوا العيب طب أنا بقى ايش ضمنى ان نفس العيب ده او عيب اخر ظهر بعد ال 14 يوم فدى حاجة تقلق
ياريت اسمع رأى حضرتك

تلك الخدمة مخصصة للأعضاء فقط