بدون عنوان

للرجوع الي صفحة سامسونج Galaxy Note 3 الرئيسية اضغط هنا

moslim

2013-12-17 (11:11:28AM)

يجماعة انا نزلت اجيب النسخة ال3G من اسكندرية لقيت اقل سعر عندنا 4900 جنيه ولما دورت علي الاسعار فالايمارات واسعودية لقيتها اقل من كده بكتير اوي
يعني لقيت السعر للنسخة 9005 الفور جي لقيتها ب2199 درهم ايماراتي يعني بالمصري تقريبا 4220 جنيه وفالسعودية كذلك في تقريبا 700 جنيه فرق بينهم وبين مصر كتير اوي اصراحة وبعدين البيشتري جهاز مش زي البيشتري 10مثلا يعني السعر عليهم اقل من كده وعبال مايوصل مصر مش حيتكلف 150 جنيه علي كل جهاز مثلا يعني سعره تقريبا حيبقى 4370 جنيه يعني لو اتباع مثلا ب4500 جنيه يبقي حلال اوي كده
ولا انا غلطان
انا عندي فكرة لو حد نازل اليومين دول من ايمارات او سعودية ممكن يشوف لو في حد من الصفحة هنا محتاج جهاز يجبلنا كذا واحد معاه ويكسب فيهم برده ويبقى خدمنا فحكاية السعر
وكان فيه واحد جاي من السعودية كان بيقول انه حايجيب معاه اجهزة ب4500 جنيه بس للاسف كان من الجيزة تقريبا فانا مكنتش حقدر اتواصل معاه
ياريت لو حد يعرف يجبلنا ويكون فاسكندرية
وده لينك الاسعار هناك فالايمارات فموقع سوق واعتقد انه من المواقع الغالية يعني ممكن يكون في محلات سعرها اقل من كده كمان

يعني احنا فمصر بيتنصب علينا مالاخر
التاجر عاوز يكسب فالجهاز 700 او 800 جنيه

hardtime

2013-12-17 (01:35:53PM)

moslim
سورى ياباشا علشان بس اتكلمنا فى الموضوع دة اكتر من مرة
اتمنى بلاش تكرر البوست بتاعك
وعلى فكرة كلنا مقتنعين ان الاسعار برة ارخص من مصر ودة بسبب
1-الجمارك
2-الضرايب
3-جشع التجار عندنا
فا كبر دماغك ولول انتا تقدر تجيبوا من برة هاتوا

Mahmoud Samir

2013-12-17 (04:34:52PM)

لو حضرتك هاتجيب ثري جي يبقي معلش ادفع هنا اكتر مش مهم بس هايبقي معاك ضمان محلي لو ف اي حاجة ف الجهاز وانت مطمن هاتوديه الضمان لكن لو لقدر الله ف حاجة وضمان دولي وتوديه برا هاتصرف

AshrafAshry

2013-12-17 (05:15:29PM)

الضمان المحلى افضل مليون مرة من ضمان دولى اشترى دماغك بال 500 جنيه دول

moslim

2013-12-17 (06:58:09PM)

كلامكم صح الضمان المحلي افضل طبعا
لكن لما شوفت اسعار الفور جي برة رخيصة اوي كده بصراحة طمعت عشان الامكانيات والبروسيسور الكوالكم اكيد افضل
دي الفكرة يجماعة

AshrafAshry

2013-12-17 (07:01:18PM)

ولو لقدر الله ظهر الموت المفاجىء او الشبح الازرق زي ما ناس بيسموها وقتها هتندم :D

mohamed4me

2013-12-18 (10:42:46AM)

فعلا عندك حق الفرق كبير اوى حرام مش كفاية الجنيه بقى فى الارض والمرتبات زفت والاسعار نار البلد دى هتفوق امتى من الهموم دى كلها ولو فعلا حد يخدمنا وهو جاى من السعودية يجبلنا معاه وشكرا

تلك الخدمة مخصصة للأعضاء فقط