بدون عنوان

للرجوع الي صفحة سامسونج Galaxy Note 3 الرئيسية اضغط هنا

Sonmez

2013-11-23 (09:56:20PM)

ارجو من كل الاعضاء الرد لمن لدية معلومة

الاخ SkyWarrior بيقول ان الشاشة Amoled مصنوعة من مواد عضوية وليها عمر افتراضي سنتين . سؤالى الاهم هنا لكل الاعضاء لو حنفترض ان الكلام دة صح هل يكون ليها تصليح بعد الالوان متبوظ ولا ساعتها ارمي الموبايل ف الزبالة . حد يرد عليا بلييييييييييييييييييييييز

اية حل المشكلة دى ؟؟؟؟؟؟؟؟؟؟؟حد يرد ممن لدية معلومات

returnoo

2013-11-23 (10:04:08PM)

Sonmez
الاعمار بيدى الله
بس حاول تطول العمر الافتراضى
1ما تخليش الجهاز يزيد وزنه
2ما تخلهوش يدخن ولا يشرب خمرة طبعا
3لعبه رياضة
4متخلهوش يسهر
بكدة حطول العمر الافتراضى وتحافظ على المواد العضوية من التحلل بسرعة

Sonmez

2013-11-23 (10:12:31PM)

بتمنى ان اللي يرد يكون عندة معلومات مفيدة خصوصا انى كاتب ف السؤال بتاعي ( لمن لدية معلومة )

اعتقد ان الموضوع مش مستحمل تريقة ولا خفة دم خصوصا لما الموضوع يكون بيتعلق بشيء جوهرى مش ثانوي زي الشاشة

( من كان يؤمن بالله واليوم الاخر فليقل خيرا او ليصمت ) ياريت اللي يرد يكون لدية معلومة اكيدة بكررها تانى وشكرااااااااااااااااااا

returnoo

2013-11-23 (10:40:27PM)

احنا لو طبقنا الحديث الشريف
صدقنى محدش حيقول كلمة فى الصفحة
دى دعابة لكسر الصمت

Sonmez

2013-11-23 (10:46:06PM)

اعتقد ان انت كمان معانا في المشكلة دى يعني لو معرفناش الصح وحل المشكلة دى اية يبقي حنرمي الموبايل بعد سنتين . واظن انت كمان حترمية ولا انت مش معانا ومش حتخسر فلوسك بعد سنتين

يعني كلنا في الهوا سوا

returnoo

2013-11-23 (10:55:09PM)

استخدم الجهاز دلوقت
والمشاكل والعيوب حيظهرلها حلول من غير ما تدور
خليك فى المشاكل الحالية مش المستقبلية
بس دى الفكرة

AliAfify

2013-11-24 (12:24:06AM)

Sonmez : إقرأ تعليقى على SkyWarrior , وبإذن الله متقلقش ! وإستمتع بالجهاز :)

SkyWarrior

2013-11-24 (01:29:13AM)

الأستاذ علي عفيفي ساب تعليق فعلاً ،، بس مرجعش لتعليقي الأخير الي حددتله فين في الفيديو تم ذكر الي أنا قلت عليه

Active Matrix Organic Light Emitting Diode = AMOLED
اكتيف ماتريكس اورجانيك ،، مصفوفات الإنارة النشطة "العضوية"
وبكلام الخبراء LED's do burnout eventually .

المهم ياغالي ،، ده الفيديو

إبتداء من دقيقة 10 لحد دقيقة 21 يعني 11 دقيقة تقريباً للي عايز يعرف أكتر عن الموضوع

أستاذ علي عفيفي إنت قلت كحد اقصى 51 الف ساعة يعني مايساوي 5.7 سنين ،، الكلام ده معناه ان وصولا للعمر ده مع إستخدام "عادي" وربما اكثر من عادي لانه تجارب مبنحصلش أكتر من النتيجة دي

يعني التغير الملحوظ بيبدأ من سنتين فعلياً زي ماقالت الأنسة في الفيديو مع إستخدام تقيل للتكست ،، وبالنسبة لخط الحرق ممكن تلاحظه فاسبوعين او شهر لو هاتستخدم تكستينج كتير + العاب

أنا مش قاعد أزيط ولا أهول ،، أنا عايز حد يتكلم معايا نقطة نقطة ويشوف كلامي زي مابشوف كلامه بالضبط .

AliAfify

2013-11-24 (07:32:36AM)

SkyWarrior :
أعتقد أنا قلت لك إن موضوع ( كحد اقصى 51 الف ساعة يعني مايساوي 5.7 سنين ) ده كان بالنسبة للأموليد بس , يعنى مش للسوبر أموليد , ورقم الإستخدام ده كمان بيكون بالنسبة للشغل التقيل مش المتوسط ... وبعدين لو الموضوع بالخطورة اللى سعادتك بتحاول توصلها لنا بالشكل ده مكنتش شركات كتيرة كبيرة عملت هواتف بشاشات أموليد .. يعنى بلاش سامسونج يا سيدى , خلينا فى سلسلة لوميا من نوكيا تقريبا معظم إنتاجها الحديث كله اموليد !!