بدون عنوان

للرجوع الي صفحة سامسونج Galaxy Note 3 الرئيسية اضغط هنا

AliAfify

2013-11-23 (06:10:42PM)

SkyWarrior :
جزء كبير من كلامك عن الشاشات Active Matrix Organic Light Emitting Diode واللى إختصارها " AMOLED " مش صح .. من فضلك لو سمحت راجع المصادر دى :

ويا ريت بعد إذنك لما تعرض موضوع على الكل يكون عندك معلومات وافيه وكافية عنه .. علشان ميحصلش اى سوء تفاهم عند اى شخص وياخد معلومة غلط !

SkyWarrior

2013-11-23 (06:46:49PM)

شكراً للإهتمام والرد أستاذ علي

للمعرفة بس ،، أنا لما طرحت البوست الي فات إختارته تحت مسمى"إستفسارات" ،، عرضته للنقاش عامة بناء على مجموعة أفكار

لب الموضوع ...

أنا شفت فيديو ريفيو "كامل" من قناة موثوق فيها في شرح الأجهزة الذكية

والشرح بطريقة إحترافية بصراحة ،، مقدرتش أطلع غلطة من الكلام

والكلام كان إن صاحبة الفيديو "Heavy Texter" يعني بتستعمل شات كتير جداً وأيميلات كتير ،، وإبتدت تشوف خطوط حرق فوق عند العلامات ،، وقالت إن المشكلة دي إتشافت من ناس برضو

والسبب فده إن الLED مصنوع من منواد عضوية وهية بتستهلك في الأخر ،، وده الجزء السلبي عن الأموليد

إتفضل الفيديو

ياريت تقولي رأيك بعد ماتشوف الجزئية بتاعت الشاشة (إبتداء من الدقيقة 10)

وشكراً جزيلاً على إهتمامك :)

AliAfify

2013-11-23 (07:15:43PM)

العفو يا باشا
أولا عايز اسأل حضرتك : انتا بتحاول تعمل بوست كبير قوى ليه كده !!؟ وخصوصا انه بيتخلله فراغات كتيره !
ثانيا مع إحترامى لحضرتك انا مش هقدر اشوف فيديو اكتر من ساعه علشان أشوف أو أسمع كلام أول مره أسمع بيه ! وشايف ان المصادر الموجوده فى البوست بتاعى وفى غيرها مصادر تانية اكتر كافيه انها تبدد الفيديو اللى حضرتك جايبه .. بالنسبة لعمر الشاشة الـ " AMOLED " زيها زى أى شئ لها عمر لو انتا شاغلك قوى موضوع العمر ده وإن كان هما قدروا عمر الشاشة الأموليد بس ( يعنى مش السوبر أموليد كمان ) بمدة عمل كحد اقصى لا تزيد عن 50 الف ساعة يعنى تقريبا 5.7 سنين !! وهوه فى برضه يا راجل جهاز موبايل هيقعد المده دى كلها !! وبعدين انتا لو دورت على الـ LCD هتلاقى لها عمر إفتراضى برضه وأكيد برضه كفائتها هتقل مع الوقت !

SkyWarrior

2013-11-23 (08:04:05PM)

معلش السطور عادة نوعاً ما
الموضوع بتاع الشاشة حضرتك في الفيديو إبتداء من الدقيقة 10 ويخلص في الدقيقة 21 يعني الي انا قصدي عليه هاتشوفه حضرتك ف11 دقيقة بس مش محتاج تشوف الفيديو كله.
مش مسألة عمر إفتراضي الي شاغلني ،، بس لو شفت ال11 دقيقة دول ممكن تفهمني بشكل أفضل إن قصدي إن المادة العضوية "Organic" ليها عمر فعلياً وبيتعب وبيستهلك بشكل ملحوظ خصوصاً مع النشاط الكتابي ،، وكمان بيتلاحظ بدرجة ملحوظة زي ماقالت الأنسة في الفيديو

تلك الخدمة مخصصة للأعضاء فقط