بدون عنوان

للرجوع الي صفحة سامسونج Galaxy Note 3 الرئيسية اضغط هنا

أحمد محمد

2013-11-18 (12:27:39AM)

السلام عليكم

أولا بلاش الكلام الفاضي اللي بتقولوه على بعض زي واخد فلوس من المحلات و دلال !!!
و اللي خدوها نكتة و تريقة و يقولوا لبعض أنا إدوني 100 جنيه و إنت خدت 30 جنيه .. !!
عيب يا جماعة الكلام ده .... ده مش كلام ناس كبار و عاقلين .. متفرجوش الناس عليكو

ثانيا :
عشان نوصل لحل وسط و كل واحد يثبت إنه صادق
كل واحد يجيب screenshot تثبت كل كلمة قالها و الأرقام اللي قالها على البطارية

و اللي مش هيجيب إثبات لكلامه يبقى ببساطة محدش يصدقه تاني لحد ما يثبت اللي قاله
و بكده في إحتمال كبير نكشف الحقيقة للي مجربش الجهاز
الحقيقة .. إما الجهاز بطاريته قوية و عملية ... و إما ضعيفة و أقل من المتوقع

المطلوب 2 screenshot .... واحدة من صفحة البطارية زي دي

و دي هتبين طبيعة الإستخدام و إذا كان إستخدام شديد جدا ولا متوسط ... ولا خفيف

و كمان لقطة للرسم البياني زي دي

و دي هتبين تفاصيل تشغيل الواي فاي و الشاشة و نشاط الجهاز و إذا كان إتشحن شوية في النص كده
و دي حاجات مش هتبينها اللقطة الأولى
و عشان تفتح صفحة الرسم البياني دي إضغط على الرسم الصغير فوق في صفحة البطارية الأولى

و ياريت اللقتطين دول يبقو ورا بعض بالضبط عشان النتائج تبقى صحيحة
يعني القتطين اللي أنا جبتهم كانو بتوقيت 10:42 هما ال 2
برضو اللي هيجيب لقطات للبطارية لازم تبقى بتوقيت واحد
و على فكرة اللقتطين اللي فاتو من جهازي أنا مش النوت 3 ... عشان محدش ياخد بيهم

و اللي قال إن الجهاز بيسخن لدرجة مش قادر يمسكه
يجيب لقطة شاشة فيها أعلى درجة حرارة الجهاز بيوصلها معاه
و ممكن يجيبها من البرنامج ده

أو ده

و اللي قال الرام بتفضى خالص و بيبقى متاح منها 200 أو 300 ميجا
يجيب لقطة شاشة للرام من ال task manager زي دي

و أي حد عاوز يقول حاجة تاني .... يقول الدليل عليها قبل ما يقولها .... أو ميقولش حاجة خالص طالما مفيش دليل

و ده موقع بسيط و سهل لتحميل الصور

هتحط الصور و تنسخ الرابط اللي هيديهولك في البوست هنا

و العضو mktns مش لازم يجيب اللقطات دي لأنه رفعها بالفعل في الصفحة الي فاتت
و دي الصور بتاعته

اللي مش هيجيب دليل على كلامه .... يبقى ميتكلمش تاني .... مع إحترامي للجميع
بس أعتقد إن الموضوع يستاهل ....... كفاية فتي يا جدعان :)

Sonmez

2013-11-18 (03:57:17AM)

بصراحة والله العظيم انا مش لاقي اى كلمة اقولها بعد كلامك . ولا كلمة واحدة تتقال بعد اللي انت قولتة . مش حقول غير ربنا يجزيك خير انك بتقول كلمة الحق لان عندنا في القانون قاعدة قانونية بتقول ( البينة علي من ادعي واليمين علي من انكر ) يبقي فعلا ودة كان رأيي من الاول لازم يكون فية دليل ع الكلام ودة اللي قايلة المشرف فوق ف اعلي الصفحة

جزاك الله الف خير وجعل ما في نيتك في ميزان حسناتك لانك قاصد افادة الناس فعلا .........

أحمد محمد

2013-11-18 (01:36:51PM)

أشكرك جدا يا أستاذ Sonmez على كلامك الجميل ده
و أنا والله ما يفرق معايا أي حاجة من الموضوع ده ولا عاوز أعرف حاجة
انا بس شايل هم الناس اللي عاوزة تشتري الجهاز و جاية تستفيد من موقعنا
و بصراحة الجهاز غالي و لا يحتمل المجازفة
ف حبيت أحط حد للي بيحصل في الصفحة هنا
عموما لحد دلوقتي محدش رد غير أستاذ pureman1 ..... و بيقول إنه باع الموبايل !
و بصراحة أهم رد كنت مستنيه منه هو .... لأنه هو الوحيد اللي قال إنه بيشحن الجهاز 3 مرات في اليوم و بيسخن لدرجة مش قادر يمسكه و الرام بتفضى خالص !!
بجد كنت مستني رده أوي
يلا بقى .... ربنا شايفه
و حسبنا الله هو نعم الوكيل فيه لو كان بيكدب علينا

ياريت باقي الناس ترد .......... إختفيتوا ليه ؟؟!!!!

hardtimee

2013-11-18 (03:22:14PM)

مش اختفينا يا احمد انا بس فى الشغل وهروح على المغرب
وهبعت ليك كل اللى انتا عايزوا
الباقى والدور على اللى مش معاة الفون وبيقول هو معاة ومبعتشى اى اسكرين

returnoo

2013-11-18 (04:16:09PM)

بص يا باشا انتا عارف انى بقدرك لكن انتا فاكر ان كان فيه كام عضو طلبوا كام اسكرين
الشوية اياهم الى بيسوقوا لبيع الجهاز وبعتلهم الى عاوزينه وزيادة منهم واحد كان بيقول
حعتذر لو انا بعت وانا قولتله مش عاوزك تعتذر ولا حاجة
مش كدة وبس دنا حلفتلهم عشان خاطرك وانا مبحبش احلف لكن العملية مش ازلال بقا
انا بحاول ااقدم نصيحة وعلى رأى زميلنا الى عاوز يصدق يصدق والى مش عاوز براحته
كمان فيه كلام انا بتكلم عن نفسى مش محتاج اثبات والناس كلها بقت عارفاه زى ان البطارية
ااقل من الى كان متوقع
انما احنا مش فى تحقيق نيابة ولا فى محكمة عشان ااقدم اثباتات وبراهينده موقع تواصل عن طريق الكلام عن الموبيلات
انتا راجل شلت موبيلات وعارف ان كلامى منطقى وعارف ان فيه ناس مش بتدى معلومة ﻷ دول بيعملوا دعايا وبيبالغوا فى المدح دنا الى بدأت أشك فى انهم معاهم الجهاز اصلا
اما بالنسبة للدلالين فده مش كلام فاضى شركة سامسونج كانت مأجرة طلبة يهاجموا الشركات التانية على المواقع باﻷجر ده على اسلوب موسع
مستغرب ليه ان المحلات الى على الموقع تعملها على صغير وتأجر كام واحد يسوقوا للبيع
كل واحد حسب الصفحة الى فيها وطبعا الاميل معروف
كمان حاجة الى بيمدحوا طبعا مش كلهم ااقصد المبالغين هما الى محتاجين يثبتوا كلامهم
مش الى كلامه منطقى ومعقول
لما انا ااقولك البطارية غير المتوقع واتأنا قبل مل تغير النوت 2 حثبتلك اي ولما واحد يقولك
البطارية 36 ساعة شغل طحن وواحد يقولك النوت 2 فيات والنوت 3 هامر
مين الى يثبت بالزمة
احنا بنحترمك فبلاش تقلنا مع شوية من الزملاء الاعضاء ما يستهلوش النقاش اسف
الى عاوز يصدق يصدق مش عاوز براحته انما سمعونا كلام ملوش لازمة هات دليل ممعكش الجهاز الرأى امانة حتروح النار هو انا بفسرلك اية ولا انتى بتسأل عن دواء
حتكفرونا عشان بنتكلم عن موبايل ناقص عضو يقول محدش يغتابه انتوا فاهمين غلط يا رب المبالغين يفهموا كلامى
انتا راجل محترم بلاش تنساق وراء ضلالات

returnoo

2013-11-18 (04:19:41PM)

فضفضة من ريترن لأحمد محمد

rozena

2013-11-18 (05:18:37PM)

ميرسى ليك جدا يا استاذ احمد وده فعلا الحل الاصح وانا فى انتظار الردود مش كل واحد يشكك ويقول وحش او حلو من غير دليل يعن هارد مره قال كلام وجابلى دليل عليه اخدت بكلامو فالدليل خير شهيد يارب الكل يرد

mob4me

2013-11-20 (08:44:29PM)

اخ returnoo
مع احترامي لوجه نظرك في البطارية ... اعتقد انك بتشكك في اي حد علي شان تثبت ان كلامك صح
واعتقد انك لو عاوز تثبت انك صح ياريت تصور فيديو و ترفعة علي اليتيوب وتحط الرابط هنا ... في النهاية الاختلاف في الرئ امر صحي

تلك الخدمة مخصصة للأعضاء فقط