بدون عنوان

بسـم الله الرحــمن الـرحــيم

هذا الشرح مقدم منى شخصيا/ محمود سمير

السلام عليكم أصدقائي الأعزاء منورين الصفحة ويارب تنول اعجابكم دايما واحنا ف تقدم مستمر بيكم وليكم ان شاء الله.
أحببتت ان اضع بين ايدكم هذا الموضوع الذي يعتبره البعض اساسي وضروري لأي جهاز أندرويد وهوا الروت فهناك الكثير من يسأل ما هوا وما فائدتة وما اضراره وهناك من عنده خلفيه خاطئه وانه سوف يخرب الجهاز في الاجل القريب ولكن اليوم سأصحح المعلومات عند بعض الناس واتمني ان اشرح الروت بطريقه مبسطه تنال إعجابكم إن شاء الله والأن مع الشرح وسيكون بالعامية ليكون سهل وبسيط علي الجميع الجدد والقدم إن شاء الله .
*الروت هايبقي عباره عن انك بتتعمق في نظام الجهاز الاندرويد اكتر وبيديك صلاحيات أكبر من اللي الشركة مقرراها ف الروم الرسمي بتاعها ولكن خد بالك من نقطه انت هاتعمل الروت جهازك هايبقي خارج الضمان لكن دي مش مشكله لان بكل بساطة ممكن تلغيه وممكن تنزل حتي روم رسمي جديد وباذن الله انا هاعمل موضوع عن الرومات وهايعجبكم ان شاء الله وهانزل الرومات الكويسه ال انا استخدمتها شخصيا ومافهاش عيوب .
الروت صلاحياته هاتبقي انك هاتقدر تفعل الماركت الامرييكي وبكدا هاتنزل برامج مش متاحه لينا ف الشرق الأوسط للاسف زي الياهو ميوزيك والياهو راديو وبرامج تانيه كتير دا اول ميزة تاني ميزة هاتبقي انك تقدر تسطب الحاجات على الميموري وممكن تنزل برنامج Forc2to sd وبتنقل كل ال ينزل على الفون وتنقله على الموبايل وبكدا مشكله الميموري الداخليه هاتتحل باذن الله والجهاز يبقي خفيف معاك ومافيش ضغط علية.
عيوب الروت او الاخطاء ال بيقع فيها ال يعمل الروت ويستخدمة غلط وهي اول حاجة زي ماقولنا انه هايخرج الجهاز من الضمان تمام ودي قولنا ليها حل تنزل روم رسمي او تلغي الروت ببرنامج معين ودي كدا ماتبقاش مشكله نيجي للمشكله الحقيقيه بس دي بايدك انت تخليها مشكله او لا وهي ان فيه ناس بتنزل الروت وبتلعب في سرعه الرامات والبروسيسور ودا غلط جدا ياجماعة والله العظيم اكبر خطاء بتقعوا فيه لان انت هاتعلي السرعه اكبر من طاقه الجهاز وبكدا هاتحمله فوق طاقته غلط جدا مش هايعمر معاك كتير ف بلاش دي نصيحة من اخوكم.
الأن مع طريقة عمل الروت :-
1-هاتحمل البرنامج دا

2:-هاتحملوا البرنامج دا كمان :-


كدا حملتوا البرنامجين تمام اوي هاتشغل اول برنامج على الكمبيوتر او اللاب وبعديها توصل الموبايل باليو اس بي وتعرفه تمام هايقرا علي البرنامج تمام اوي هاتدوس كلمة روت وتستني لحد مايخلص خالص تمام هايطلب منك تعمل أختبار كانسل وماتعملش والجهاز عشان تتأكد ان اتعمل الروت ادخل على القايمه هاتلاقي superuserظهر تمام كدا الروت اتعمل ومبروك عليك البرنامج التاني ال حملته دا ملف apk هاتحمله على الموبايل وتسطبه ودا عباره عن برنامج اسمه force2sdودا بيخليك تنقل الحاجات من الهاتف إالي الميموري كارد وبكدا تبقي كل مشاكلك اتحلت .
يارب الشرح يكون أعجبكم ولو فيه اي خطاء كتابي اعذروني لان انا لقيت كذا شخص بيسالني ف نفس الموضوع ف عملته بسرعه عشان اقدر اساعدهم واتمني انه يكون سهل ويعجبكم ان شاء الله .
أنتظروا الشرح القادم إن شاء الله..............
مع تحياتي /محمود سمير
للتواصل :
[email protected]
stopiamatop2010@yahoo or hotmail
Stopiamatop>>Skype
01149181271/01012753792 For Whatsapp or call

طبعا ال معاه عده عاليه مش هايحتاجه اوي زي ال معاه عده عاديه واكيد النوت 3 مش محتاجه بس نزلته هنا عشان الزوار هنا كتير ف يارب اكبر عدد من الناس تستفاد