بدون عنوان

للرجوع الي صفحة سامسونج Galaxy Note 3 الرئيسية اضغط هنا

joeation

2013-11-07 (11:42:09PM)

أنا كان ليا استفسار ،،، كنت حابب أعرف ايه الفرق بين النسخة ال3g و ال4g فى الامكانيات و السعر،،،،، شكرا

menarenoo

2013-11-08 (12:10:16AM)

الفرق لصالح ال 4g

1- البروسيسور Qualcomm Snapdragon 800
2- تصوير 4k
3 كارت الشاشه Adreno 330

طبعا في اعضاء هنا معاهم الفون النسخه ال 4g هما يفدوك اكتر لاني لسه ماجبتش الفون

SkyWarrior

2013-11-08 (05:56:33AM)

بص ياغالي

النسخة الفور جي متفوقة فحاجتين بس ،، الأولى البروسيسور السناب دراجون 2.3 جيجا هرتز والتصوير الفور كي "وده مش هاتستفاد بيه بسبب جودته الي صعب على معظم الأجهزة تشغله" أعتقد إنه مجرد رفاهية زيادة ومش جايبة همها

أما النسخة الثري جي صحيح إنها 1.9 جيجا هرتز للبروسيسور لكنه رباعي النواة وبيوفر الطاقة للبطارية ،، وسامسونج دلوقتي بتحاول تلاقي طريقة تشغل ال8 كور مع بعض

وكارت الشاشة "المعالج الرسومي" في الفور جي بما يعادل 350 ميجا هرتز ،، أما في الثري جي 600 ميجا هرتز

المعيار الوحيد لأختيارك من بين الجهازين هو إستخدامك للفور جي أو لا ،

لو ليك نية تدفع مقابل خدمات الفور جي لما ينزل مصر هات نسخة الفور جي

لو مش مهتم بالخدمة دي يبقى نسختك الثري جي بلا شك طبعاً.

returnoo

2013-11-08 (08:56:55AM)

الفور جى افضل من الثرى جى لانه يحمل معالج سناب دراجون 800 بسرعة 2.3 وهو من انتاج
كوالكوم متخصصة فى صناعة البروسيسورات والتفوق فى البروسيسور مش حاجة
قليلة الى بيفرق موبايل عن التانى الرامة والبروسيسور
والى مش عارفه البعض ان السناب دراجون 800 موفر للطاقة مش معنى انه اقوى
بيقى اسوأ فى استخدام البطارية
كمان فيه معلومة حتأكد منها وهى ان الاسناب مبيشتغلش بكل طاقته فى اى تطبيق
لا دا بيشتغل بالتدريج حسب السرعة الى محتاجها التطبيق وهو ده التميز لان كوالكوم
متخصصة فى البروسيسورات لكن سامسونج معندهاش نفس القدرة فعشان توفر طاقة
بتضطر تعما اتنين بروسيسور واحد عالى والتانى قليل واحد يشتغل والتانى يقف حسب السرعة الى تحتاجها

SkyWarrior

2013-11-08 (01:10:02PM)

returnoo

لازم تقول الأفضلية في المعالج لصالح الفور جي لكن ده ميخليش الفور جي أحسن من الثري جي

returnoo

2013-11-08 (02:35:06PM)

انتا عوز تعرف بجد ولا جدال وخلاص
طيب حديك مثال لو الثرى جى كانت رامته 4 والفور رامته 3 كان مين الاحسن
اهو كذلك السناب اعلى بمراحل من الاكسينويز يبقى الفور الى بالسناب افضل
الهاردوير مفهوش جدال هو الى بيميز جهاز عن التانى دا حتى الشركات لما يتقول جهاز
احدث بتتكلم عن الرامة والبروسيسور
ناهيك عن الفور كا ناهيك عن الفور جى وما تقوليش ملهمش استخدام عدم استخدامهم
لا يلغى وجودهم
وجودة الشاشة الافضل فى الفور جى وان كانت عبء على البطارية لكن بيتعوض فى البروسيسور
عشان كدة الافضلية فى البطارية للثرى لكن مش افضلية لدرجة التميز فرق طفيف على مدار اليوم يكاد
لا يذكر

SkyWarrior

2013-11-08 (02:55:09PM)

الفرق ده في البطارية بيوصل لغاية ساعتين إستخدام

ومن ناحية الفور كي انت مش هاتستخدمه أبداً عشان الحجم والجودة الي مش اي جهاز يشغلها وده هايسبب مشكلة بالنسبالك وبالنسبة للي هايشوف الفيديو بتاعها

المشكلة قد ماهاكلمك مش هاتقتنع بكلام وهاتفضل تتحيز للنسخة الفور جي لأنك أشتريتها وخلاص

returnoo

2013-11-08 (03:17:08PM)

ما قلتلك مش كتير ساعتين
كمان انا لا حابب الفور ولا الثرى الجهاز ااقل من المتوقع حلو بس مش مبهر
اشتريت الفور عن اقتناع انتا الى اتكشفت يا صاحبى عوز تزعلنى من الفور وخلاص ووخدها بزعل
كمان غلط تحدد وتقول ساعتين دنا حسلم بكلامك ولا حاجة باردة
لكن فى الحاجات العالية السناب افضل واوفر للطاقة وعلى العموم يا عم بلاش نزعل
كلامك بيحببنى اكتر فى السناب والله

SkyWarrior

2013-11-08 (03:47:29PM)

صل على النبي أنا مش زعلان غير من المعلومة بتوقع فطور التضليل

أكتر من عضو هنا فاهمين في الأجهزة زي الأخ ديجتال وغيره إتكلمو عن الكفائة والشغل في الأيد

انا مش زعلان ،، بس الي مضايقني أني قد مابكلمك عن ميزة وكلام تجربة ومنطق بتنكره ولا كأني قلته !

او بتقلبه بطريقة ما لصالح الفور جي ومبيكونش صحيح :D

تلك الخدمة مخصصة للأعضاء فقط