بدون عنوان

للرجوع الي صفحة سامسونج Galaxy Note 3 الرئيسية اضغط هنا

Sonmez

2013-10-31 (04:54:44AM)

أرجوكم يا اخوانا بدل متتعاركو وتتخانقو وتحطو تعليقات كل واحد يغلط التانى فيها ويقولو انت مبتفهمش بلييييييز حطوا معلومات تفيد الناس

- انا من اسكندرية وبجد عاوز اجيب النوت 3 وسألت في المحلات قالولى مفيش نوت بيدعم 4g مع انى لاقيتهم كاتبين علي الموبايل اصدار N9000 ودخلت ع النت لاقيتة بيدعم ال 4g دي حاجة

- وبعدين اية حكايه الرامات اللى بتخدم النظام بس يعني الجهاز بيكون تقيل وحيسخن منى بسرعة ؟

- وبعدين في اخ هما مش فاكر مين بيقول ان الاس 5 حينزل شهر واحد المعلومة دى اكيدة ولا استني ع الفاضي ؟

بلييييييييييييييييز حد يرد ويجاوب علي اسئلتى كلها لاني بجد محتار ومش عارف اعمل اية انا عجبني النوت 3 امكانياتة كويسة وقررت اجيبة الشهر الجاي وبعدين ييجي واحد يقولى الاس 5 نازل دى معلومات اكيدة ولا اية وبحس من كلام الاعضاء انى حرمى فلوسي ع الارض لو جبت النوت 3
حد يرد افااااااااااااااااااااااااااااادكم الله

Sonmez

2013-10-31 (05:08:46AM)

حد يرد علي اسئلتي بلييييييييييييييييييييييييييييييز السابقة كلها بلييييييز ويضيف عليهم
انا حيكون معايا اخر الشهر الجاي 5400 جنية
النوت 2 / النوت 3 / ولا استنيزي الاخ مبيقول الاس 5 وياررب ميكونش كلامو فطشة واستني ع الفاضي

return

2013-10-31 (05:10:39AM)

انا شفت مقطع لنوت 3 فور جى والظهر ما علهوش لا فور حى ولا إل تى إى
لكن خليك فى المضمون وهات الى مكتوب عليه
اما الموديل فهو 9005 وبارده خليك فى اﻷضمن
اما النوت فلا يقرن باﻷس واطمن النوت بينزل احدث من
الاس الى قابله وصامد مع الاس الى بعده فما تخافش
زى النوت 2 احدث من الاس 3 وشادد مع الاس4

hardtimee

2013-10-31 (05:28:16AM)

Sonmez
بص يا صحبى انا هرد على كلامك واحدة واحدة عنيى ليك
1-اى نوت من نوت 1 الىنوت 3 فى منوا اصدرات بدعم الفور جى تمام بس اكيد انتا تقصد النوت 3 هل فى نسخة منوا بدعم الفور جى هقولك اة وموجودة فى مصر بس اكيد لازم تسال النسخة دى اسمها n9005 تمام كدة
2- اى رمات فى الدينا حتى لو بتاعت لاب اكيد الجهاز بياخد منها جزء علشان النظام
فرمات النوت3 جيجا فمستحيل يكون النوت تقيل معاك او بيهنج
اما موضوع السخونية انا والله النوت معاى بقالوا يجى شهر ولا سخن ولا اى حاجة بالعكس الالعاب ونت وتصوير ومفيش اى حاجة سخنت واى كلام تسمعوا من اى حد اتاكد انوا معاة الجهاز علشان مش يكرهك فية
3- ايوة بنسبة كبيرة الاس5 هينول فى شهر واحد وفى كلام كتير عنوا بس مش اكيد لسة بس نصيحة من اخ مش ينفع تقارن النوت مهما كان هو اية بالاس وانتا ومزاجك حابب تشيل فون او نوت
4- فى الاخر يا صحبى والله ما بضلك او اضل غيرك انا جربت النوت فى كل حاجة بطارية مشاء الله كاميرا تمام سرعة زى الفل
كارت النت اللى فية خرافة
مش بيسخن و...........
بس كدة
ياريت الناس كلها تقرى البوست واللى معاة الجهاز ومختلف معاى فى حاجة يكلمنى وانا صاحى وهرد على اللى محتاج حاجة
والسلام عليكم

mktns

2013-10-31 (05:31:01AM)

انا من اسكندريه برضه بس انا جبت النسخه ال3 جي مش ال4 جي
النسخه ال3 جي هي النسخه N9000 او حتلاقي على ضهر العلبه مكتوب SM-N900
لكن النسخه الفور جي هي N9005
بالنسبه لأن الموبايل بيسخن ده ملوش دعوة بالرامات ده بيرجع لقوه البروسيسور بس الميزة في النسخه ال3 جي انها مش بتسخن زي النسخه ال4 جي عشان فيها 8 كور للبروسيسور 4 كبار و4 صغيرين لو بتحمل على الموبايل جامد ال4 كور الكبار حيشتغلوا وبكده يسخن منك لكن لو فاتح النت او مشغل فيديو او بتتفرج على صور حاجات خفيفه يعني ال4 كور الصغيرين هما اللي حيشتغلوا ومش حتحس بسخونيه خالص
لكن النسخه ال4 جي البروسيسور بتاعها 4 كور كلهم كبار يعني سواء بتحمل كتير او خفيف لمده طويله الموبايل حيسخن منك
بالنسبه لأن الاس5 حينزل قريب المعلومه دي صحيحه اعتقد تقريبا حينزل على شهر 1 واعتقد انه حيكون اقوى من النوت 3 بس مش حيكون فرق كبير عشان النوت 3 بجد جبار عن تجربه وكمان الميزة في النوت انه شاشته كبيرة ومعاه قلم لو بتحب الحاجات دي يبقى هات النوت وفكك من الاس 5 لكن لو مش عايز موبايل كبير ومش فارق القلم معاك يبقى استنى شوف الاس5 حيكون عامل ازاي
القرار قرارك في الاول والاخر
سوري لو طولت في الكلام

hardtimee

2013-10-31 (05:41:16AM)

mktns
بص يا صحبى انا اتقث معاك فى كل كلامكفى البوست اللى فات الا موضوع البرسيسور لان انا معاى
النسخة الفور جىn9005
,ومش بحس باى سخونة والله انتا ممكن يكون معاك النسخة الثرى جى وشغالة معاك تمام وانا معاى الفور جى وشغالة زى الفل
بس بصراحة انتا جربت الاتنين ولا انتا سمعت من حد بيفتى وبيقول ان النسخة الفور جى بتسخن؟

mktns

2013-10-31 (05:47:57AM)

لا انا مجربتش النسخه ال4 جي بس انا قريت في موقع اجنبي عن المعلومه دي وكانو حاطين صور برامج بتقيس التحميل على البروسيسور
في الصور النسخه الفور جي سواء حملت كتير او شويه سرعه البروسيسور بتوصل للاخر يعني 2.3
لكن النسخه ال3 جي لو حملت شويه حتلاقي سرعته 1.3 مش حتوصل ل1.9 عشان انت مش محتاج القوة الكامله للبروسيسور
حدورلك على الموقع ده لو لقيته حبعتلك اللينك بس مفتكرش الاقيه عشان انا شوفت الموضوع ده من قبل العيد قبل ما اشتري الموبايل بتاعي وعلى الاساس ده قولت للراجل عايز النسخه ال3 جي

mktns

2013-10-31 (05:49:57AM)

جرب على موبايلك لعب تقيله وشوف حيسخن ولا لأ زي لعبه real racing 3
اكيد حيسخن
اي بروسيسور بالقوة دي لازم يسخن ومفتكرش ده عيب في الموبايل ده طبيعي

Sonmez

2013-10-31 (05:54:39AM)

احب اشكر الاخ hardtimee و الاخ mktns جدااااااا وجعل الله ما قلتوة في ميزان حسناتكم لان الدين النصيحة.
وانا بشكركم جدا وانا فعلا كما قال الاخ mktns حابب موبايل بشاشة كبيرة وبصراحة اول مرة اجرب موضوع القلم دة وحاسس انة حاجة كويسة واكيد انتو الاتنين مجربين الموبايل وعارفين انة ميزاتة كويسة بس بجد ممكن الاخ hardtimee انت النسخة اللى معاك 9005 دى ممكن اجيبها منين من اسكندرية علما زي مقولت ان اللى معايا اخر الشهر الجاى 5500 جنية

hardtimee

2013-10-31 (06:17:45AM)

الشكر للة يا صحبى على اية بس انا اسف مش هقدر افيدك فى موضوع اسكندرية
لان انا فى بنها
تقدر تشوف حد من اليكس هنا وتتواصل معاة وتشوف انى محلات عندها النسخة الفور جى

sherif2090

2013-10-31 (07:28:06AM)

تقدر تجيب النسخة دى او غيرها من محل تقريبا اسمة سيلكلت موبيل

الاس 5 كل الاخبار والاشعات بتقول انة هينزل فى شهر 1

الافضل النوت 3 نسخة ال4 جى ( وجة نظرى لانى لا افضل معالجات ساسونج )

موضوع الرمات ( المقصود من ان الرمات لخدمة النظام , ان فى الاجهزة السابقة مثلا الاس4 كان الرام 2 جيجا ولكن المتبقى منها باكتير كان بيوصل 800 ميجا او 900 بالكتير اوى ومع فتح برامج وتطبيقات كان المتبقى قليل جداااااااااااااااااا ودة كان بياثر على سرعة واداء الجهاز , علشان كدة هما زودا الرمات فى النوت3 علشان نظام سام التتاش ويز اصلا تقيل وبيستهلك من الرام لوجدة مساحة كبيرة والمتبقى بيكون قليل فا لما زودوا الرام مثلا المستخدم 1.2 جيجا مثلا بدون برامج فا يبقا فاضل حوالى 1.3 جيجا تقريبا لما تستخدم برامج مش هيتملوا كلهم وهيتبقا شوية اكبر من اللى بيتبقا فى الاس4 فا بالتلى الجهاز مش هيتقل معاك او السرعة بتعتة تقل او يهنج والكلام دة )
اتمنى تكون وصلت

نقطة اخيرة انتا بتقول ان الفلوس هتبقا معاك اخر الشهر الجاى تمن الجهاز يعنى على اول 12
انا راى من اول 12 لحد اول 1 مش كتير كلها شهر
استنا لحد شهر 1 يوم 5 هيكون الاعلان عن الاس5 او يوم 8 فى المعرض فا مش كتير
وتشوف امكنيات الاتنين وتقرر هيكون افضل ليك
لقيت وقتها ان الاس5 مش حلو او مش اللى انتا متخيلة هتكون مخسرتش حاجة وجيب النوت ومنها يكون تمنة رخص شوية