بدون عنوان

للرجوع الي صفحة سامسونج Galaxy Note 3 الرئيسية اضغط هنا

AliAfify

2013-10-27 (07:07:14PM)

برجاء أخذ الموضوع على محمل الجدية .. بجد أنا إحترت بين النسخة الثرى جى والنسخة الفور جى , ولازم أخد قرار وأشترى فى أقرب وقت , علشان الحيرة دى بجد متعبة .
بس يا ريت اللى يفضل أى نسخة من الاتنين يقول مبرراته , ويا ريت بعد ما يكون شاف الصفحة دى

والصفحة

.
والفكرة إن النوت 2 مش معايا مؤخرا , وكده كده أشترى نوت جديد .. فقلت أشترى نوت 3 وخلاص !
بصراحة لو كان النوت 2 لسه معايا مكنتش هفضل أغير للنوت 3 .. على الأقل دلوقتى ... النوت 3 مواصفاته جميلة جدا بس أنا مستبوخ شكله وشايف النوت 2 والميجا 6.3 أشيك من النوت 3 ( ودى أذواق طبعا ) [ جايز علشان أخدت على شكل النوت 2 , وجايز إنى كنت متوقع حاجه أجمل من كده ] !!

hardtimee

2013-10-27 (07:10:37PM)

على تقدر تراجع كل الكومنتات فى الصفحة
وانتا هتعرف كل اللى انتا عايزوا واكتر شوية
لان بجد احنا غلبنا فى انننا نشرح الفرق بين الثرى جى والفور جى

return

2013-10-27 (07:17:45PM)

AliAfify
انا شايف 4جى افضل لانه المستقبل وفى التكنولوجيا الاحدث هو الافضل
لكن المشكلة انتا كاره شكله وده يخليك كاره قبل ما تشتريه
حاول تشوفه مع حد زميلك الاول واتعامل معاه اذا فضلت كاره
شكله خلاص ما تجبوش

AliAfify

2013-10-27 (07:22:26PM)

ما هو يا باشا من كتر الكومنتات إتحيرت
يعنى مثلا أنا ميال للنسخة الفور جى ( علشان تصوير الفور كى والبروسيسور بس ) يعنى مش فارق معايا الفور جى لأنه لسه مش هيشتغل دلوقتى ولما يشتغل أكيد هيغطى اماكن معينة بس فى الأول وأنا مقيم فى البحيرة يعنى ممكن مثلا على ما النوت 5 ينزل إن شاء الله كده يكونوا غطوا مصر كلها ! وبعدين هيكون برسوم أغلى , ومش هيكون مؤثر جدا لأن الجهاز مواصفاته عاليه والثرى جى جميل جدا .. أنا بسافر أمريكا كتير وهناك مش كل الشركات بتبيع وتغطى الخدمة دى , ومعظم الناس هناك إذا إستخدمت بتستخدم الثرى جى فقط [ لأن كل الأماكن تقريبا فيها واى فاى ] .
بس بصراحة قلقت لما شفت الصفحات اللى أرسلتها فوق لما بينت الصفحات دى ان النسخة الثرى جى أفضل فى حماية الشاشة وفى التصوير والصوت وتقريبا أداء البطارية !!
يعنى الخلاصة أنا عايز أعلى أداء فى كل حاجه سواء تصوير أو صوت أو بطارية أو بالنسبة للحماية !
وصلتك كده يا باشا ؟

return

2013-10-27 (07:30:07PM)

AliAfify
انا والله فاهمك كلنا وقعنا فى الحيرة دى قبلك
بس مش غارقة هيا فارقها مش كتير بس انتا ميال اكتر
للثرى جى هاته واتكل على الله طالما عاجبك كتر يبقى الافضل
فى نظرك وده الاهم

AliAfify

2013-10-27 (07:37:04PM)

return
يعنى فعلا الثرى جى تتفوق عن الفور جى فى التصوير والصوت وأداء البطارية وطبقة الحماية ؟
على فكرة اللى خلانى أتردد جدا من أمبارح لما شفت نقاشك مع SkyWarrior ومش فاكر مين فيكم اللى حط اللينك ده

واللينك ده

AliAfify

2013-10-27 (07:38:07PM)

هى طبعا مش غارقة بس طالما فى إيدى الإختيار دلوقتى يبقى أحسن الإختيار وخلاص !

hardtimee

2013-10-27 (08:24:36PM)

بص يا على من الاخر انا معاى الفور جى وشايف انها نسخة جامدة
وفى ناس معاها الثرى جى وهما كمان بيقولوا عليها تحفة
يبقى كدة الخلاصة الاتنين زى بعض
يبقى اللى يفرق معاك حجتين الا وهما الضمان وان الفون يشتغل فور جى
لو يفرق معاك موضوع الضمان هات الثرى جى من هنا علشان الضمان
ولو يفرق معاك موضوع الفور جى والنت وكدة يبقى هات الفور جى
خلص الكلام

return

2013-10-27 (08:46:47PM)

AliAfify
انا شايف انك متردد فالاحسن التأنى شوية لحد ما تتأكد والغامض النهارده واضح بكرة
ولو مستعجل على فون اوى هات نوت 2 مستعمل ولما تكون رأى بيعه مش حتخسر فيه لأنه دخل فى مرحلة الثبات
والاستقرار فى السعر واشترى النوت 3 الى يريحك ساعتها
بس انا يلى بعيد عنك شايفك ميال اكتر للنوت 3 ال 3جى

DJTaL

2013-10-28 (01:56:17AM)

استاذ علي .. الفرق بين النسختين فرق وهمي .. فرق ليس عليه العمل في مصر .. يبئا في الحقيقة مافيش فرق .... لكن سبب الحيره انك عاوز تمتلك اعلى امكانيات .. فريح نفسك وهات الفور جي .. لانك في الحقيقة مش مقتنع بالثري جي ومش مقتنع ان مافيش فرق .. يا عزيزي الفرق لا يوجد .. مش هتشعر به ابدا حتى لو كان موجود .. هنا سناب دراجون وهنا اتنين بروسيسور واحد عند الحمل الخفيف والتاني للحمل الثقيل .. وبيعمل بكفائة عاليه جدا مش هتشعر باي فرق ... وده سبب الحيرة اللي عندك انك مش مقتنع ان مافيش فرق .. انا علشان اخرج من الحيرة دي قبل ما اشتري مسكت النسختين في ايدي واشتغلت بيهم شغل حرق ... ولذلك انا مجرب وبتكلم كلام تحدي عند العمل الفعلي لن تشعر بأي فرق واتحدى ... ولانك مش مقتنع بعدم وجود هذا الفرق يبئا هات الفور جي وريح نفسك . دي نصيحة اخ من الاخر .

SkyWarrior

2013-10-28 (09:34:53AM)

إستاذ علي بعد إذنك هاديك رأيي الشخصي بنظرة شمولية مش متحيزة بكل أمانة

الفور كي حاجة جميلة إنها نزلت وإن الإتش دي يبقى ×4
لكن في كام نقطة أحب أوضحهالك

إن لو جيت تشغل مقطع فور كي على كمبيوتر عادي إنسى لأن الدقة حاجة تشيب وللأسف ده طلع حاجة سلبية إن مش كل الاجهزة هاتشغلك الدقة دي + تصويرها بيبقى غير مستقر للأسف وهتلاقي هزة مزعجة في التصوير

حاجة كمان ،، الكاميرتين فرقهم الفور كي يمكن لكن أعتقد إن فرق التصوير هايوقع للنسخة الثري جي في ناحية النقاء الي ممكن يتلاحظ على السما او المباني الإسمنتية أو التفاصيل الي محتاجة (نظافة) في التصوير إلخ....

المعالج السناب دراجون محدش يقدر ينكر قوته وإنه فمواقف معينة بيرجح الكفة جامد لأنه عملاق لكن الأكزينيوس ثماني النواة وبيأدي الي عليه عملياً وهو فأيدك

أنا قريت كتير عنهم وعن المعالجات وعن الحياة العملية وأقدر أقولك معلومات مش رأي شخصي

~>بالنسبة للبطارية هتلاقي في الغالب النسخة الثري جي بسبب تعدد الأنوية وده أيجابي
~>بالنسبة للمعالج الرسومي في الثري جي وصل 600 ميجا هرتز !! بينما الفور جي للأسف 450 ميجا هرتز فقط
~>بالنسبة لتقنية الإتصال للجيل الرابع إنت عارف الي فيها (وفي الغالب بنسبة 90% معيار إختيارك للهاتف المناسب لك هو نية إستخدام الخدمة أم لا)

عندك نية للإستفادة من خدمات الجيل الرابع للإتصالات ؟ الفور جي نسختك
معندكش نية للإستفاد من خدمات الجيل الرابع للإتصالات ؟ الثري جي نسختك

ده معيار الأختيار عشان كده نزلت سامسون نسخة ثري جي وفور جي

الجلاكسي اس 4 ثري جي للأسف كان فيه تهنيج جامد وشوية عيوب مش حميدة بخصوص الأداء وده الي خلى كتير ناس يحاولو يهربو للفور جي بأي طريقة
لكن كتير ناس فرشو عفشهم في النوت 3 الثري جي وشغالين زي الفل :) مفيهوش المشاكل السابقة

بعد كل الكلام ده تأنى شوية لحد ماتطلع معلومات أكتر عنه ده لسة نازل من 20 يوم ولا حاجة

وبالنسبة للنسخ لو عايز تسأل أكتر عن ملاحظات عندك الأخ hardtimee معاه النسخة الفور جي وما أظنش هايقصر معاك فمعلومة

وعندك الأخ DJTaL معاه النسخة الثري جي

إن شاء الله موفق في الأختيار وتستريح مع إختيارك لأنه فكل الأحوال قطعة فنية مبهرة

تلك الخدمة مخصصة للأعضاء فقط