بدون عنوان

للرجوع الي صفحة سامسونج Galaxy Note 3 الرئيسية اضغط هنا

jecko

2013-10-20 (04:25:57AM)

مقارنة النسختين ال 3 جي وال 4 جي

يا جماعة النسختين ادائهم زي بعض لأن زي ما ال 3 جي جاب ارقام اعلى في بعض الاختبارات , ال 4 جي برده كان اعلى في اختبارات تانية . واصلا الفروقات بسيطة .. واللي كان بيشرح الفيديو نفسة بيقول في اخر الفيديو لو انت في بلدك متوافر عندك النسختين يبقى تشتري نسخة ال 4 جي لانها بتتمير بشبكة ال 4 جي وتصوير ال 4k ، ولو في بلدك مش متوافر غير نسخة ال 3 جي اشتريها لأنها متقلش اي شئ عن النسخة الأخرى سوى تلك الخاصيتين فقط . ولا يوجد فرق يذكر في الاداء او شئ اخر

يعني من الاخر يا جماعة يعتبر مفيش فرق بين النسختين في السرعة .
ومفيش نسخة بتسخن أكتر من التانية الاتنين زي بعض وكانو مسجلين نفس درجة الحرارة .
و عمر البطارية في النسختين زي بعض .

اللي بيميز نسخة ال 4 جي شبكة ال4 جي ( الله اعلم هتشتغل امتى بس هتبقى ميزة قوية لو اشتغلت في مصر قريب وهترفع من سعر الهواتف اللي فيها الخاصية دي ) + تصوير ال 4k ميزته انه ممكن تعمل زووم للفيديو ويفضل واضح جدا ، وعيبة انه بياخد مساحة كبيرة جدا ال 3 دقائق وشوية بتاخد مساحة 1 جيجا وذلك عن تجربة في النسخة المعروضة في توكيل سامسونج .

اللي بيميز نسخة ال 3 جي الضمان المحلي ، و السعر الاقل للضمان الدولي ( حاليا ب 5100 )

لكن غير كدة مفيييييش اي فرق بين النسختين ،

واي حد عايز يشتري الموبايل لازم يبقى عارف ان النسختين زي بعض بالظبط ويحدد بقى هو عايز الضمان المحلي ( نسخة ال 3 جي ) ، ولا عايز ال 4 جي وال 4k ( نسخة ال 4 جي )

يارب يكون كلامي افاد ناس كانت محتارة بين النسختين ، وتقدر تحدد متطلباتها ايه وتشتري على اساسها .

DJTaL

2013-10-20 (11:20:19AM)

ممتاز جدا ..

jecko

2013-10-21 (01:20:13PM)

شكرا ديجيتال

tarekelmasry64

2013-11-17 (03:39:37AM)

انا سمعت اني ممكن تصوير 4k في نسخة الفور جي تنزل في تحديث للنسخة الثري جي لاني الاتنين بيتمتعوا بخصائص كاميرا واحدة تفتكر صح الكلام دا ولا استحالة حدوثه

تلك الخدمة مخصصة للأعضاء فقط