بدون عنوان

للرجوع الي صفحة سامسونج Galaxy Note 3 الرئيسية اضغط هنا

thegood

2013-10-11 (10:33:30AM)

يا جماعة كان فيه حداشترى نوت3 ثرى جى على انه فور جى وعاوز بيبيع انا جاهز
لم حيتهاون فى السعر شوية

gogo2007

2013-10-11 (01:24:27PM)

انا رجعته الشركة وهما الصراحة طلعوا محترمين جدا واخذو الجهاز ..بس لي ملاحظات علي الجهاز وهى ...اولا الجهاز تحفة في الشاشة والالوان والكاميرا والسرعة ..ثانيا ....الجهاز وعن استخدام اكثر من يوم اللي استخدم النوت 2 موش هايحس بفرق غير فى موضوع الكاميرا فقط لان النوت 2 سريع جدا وعملى ....ثالثا ..الجهاز مع بداية استخدامه لقيته بيسخن جدا وخاصة مع تنزيل التطبيقات واستخدام النت مع مراعاة ان ضهر الجهاز جلد يعنى المفروض منحسش بالسخونة ...رابعا وعن رأي شخصى تصميمﻻالجهاز رائع ولكن حجم الجهاز غير عملى على الاطلاق وكنت بشيله في جيب البنطلون الخلفى ...وهنا لو كانوا تركوا حجم الجهاز زى النوت 2 كان بقي افضل بكتير لان شكله مستفز وده بعد التجربة العملية ...خامسا ..الجهاز قنبلة بالنسبة لمن استخدم اس3 او اس2 هايحس بالفرق ...وهذا مع احترامى لاراء الجميع رأى شخصى ..لا يقلل من قيمة الجهاز

thelord

2013-10-11 (01:35:36PM)

علي فكره الجهاز نفس حجم النوت 2 بالظبط وسمكه اقل كمان

hardtimee

2013-10-11 (02:00:45PM)

على فكرة والله العظيم انا معاى النوت من امبارح ومطلع عينوا والله ما حسيت باى سخونة الله يكرمك بلاش تكرة الناس فى الفون وان كان عجبك النوت 2 خليك فية

gogo2007

2013-10-11 (09:11:20PM)

اعتقد انى وضحت ان موضوع السخونة حصل اول لما شغلت الجهاز ونزلت تطبيقات واعتقد ايضا انى وضحت رائي الشخصى فى موضوع النوت 2 والنوت 3 ان اللى هايجيب نوت 3 موش هايحس بفرق رهيب ....اكيد في فرق في الكاميرا والسرعة وتطبيقات القلم لكن النوت 2 قريب من ده وانا اكدت ان اللى هايحس بفرق هو اللى معاه اس 3 او اس2 وتانى بأكد ده رأي شخصى مع احترامى الكامل للجهاز وعلي فكرة انا جبت اس4 ...يعنى موش معايا نوت 2 ...وشكرا

DJTaL

2013-10-12 (02:32:32AM)

gogo2007 بالتأكيد فيه فرق بين النوت 2 والنوت 3 .. ممكن ما تشعرش بالفرق كتير .. بالنسبة للسخونة انا استخدمت النسختين الفور جي والثري جي لمدة نص ساعة كاملة الفور جي هو اللي سخن سخونة ملحوظة وده نتيجة ان فيه بروسيسور واحد عالي وده شيء معروف ولكن السخونة دي عادية واكيد معمول حسابها يعني الواحد ما يقلقش منها .. المقارنة بين النوت 2 والنوت 3 غير واردة على الاطلاق لان فرق البروسيسور والكام والرام والشاشه واضحه جدا .. انا بقولك كلام عملي لاني من مستخدمي النوت 1 و 2 و 3 ... النسخة الفور جي زي ما قولتلك لا تختلف عن الثري جي .. الفرق الوحيد انها فور جي ههههههه والسرعة اللي موجودة في الفور جي دي مش من امكانيات الجهاز او فرق نسخه من نسخه اخرى .. لكن دي بسبب فرق الشبكة نفسها بين الجيل 3 والجيل 4 .. وعموما برضه الفور جي مش هيشتغل في مصر الا السنه الجايه يعني لو فيه النوت اربعه هيكون نزل وشبع نزول كمان وساعتها هنجيبه فور جي بتوكيل مصري .. انما اروح ادفع فلوس بالالاف في جهاز بدون ضمان داخل مصر ؟ صعبة دي

تلك الخدمة مخصصة للأعضاء فقط