بدون عنوان

للرجوع الي صفحة سامسونج Galaxy Note 3 الرئيسية اضغط هنا

jecko

2013-10-07 (02:35:03PM)

ياريت يا جماعه اللي هيشتري الموبايل النهاردة او اشتراه من قبل كده يكتبلنا انطباعه عنه ايه ومميزاته وعيوبة واذا كانت النسخة ال 3 جي او ال 4 جي ..

بالنسبة للموقع بتاع buy and earn انا دخلت عليه لاقيته كاتب sold out شكل الكمية اللي عندة خلصت .
لو اي حد يعرف مكان تاني بيبيع نسخة ال 4 جي ياريت لو يقولنا

asmoon

2013-10-07 (05:36:05PM)

حاسس موضوع الشركه دي نصب
اشمعنا دي الشركه الوحيده اللي تجيبه و بسعر 5600
لو بجد كانو خلوه 6000 او 6200
او هيطلع النسخه الثري جي في الاخر

jecko

2013-10-07 (06:02:11PM)

لا على فكرة هو المفروض يبقى تمنه اقل من النسخة ال 3 جي عشان هيبقى من غير ضمان والاتنين عالميا سعرهم واحد . الاس 4 النسخة الثري جي بالضمان لما كانت ب 5200 كانت نسخة ال 4 جي ضمان دولي بـــ 4600 فالطبيعي انها تبقى اقل . والمحلات اللي هنا لو جابتها من برا وباعتها هنا ضمان دولي سعرها مش هيزيد عن 5000 او 5200 بالكتير

asmoon

2013-10-07 (06:08:08PM)

كلام منطقي برضو
و يا ريت الاخوه اللي جابوه النهارده يفيدونا باخر الاخبار

hardtime

2013-10-07 (06:12:30PM)

انت قاعدين تقورا بس وشكلنا هنروح مش هلاقى ولا جاهز ممكن تهمدوا شوية بقى خلينا ربنا يسترها ونلاقى الموبيل بكرة

jecko

2013-10-07 (06:17:19PM)

hardtime على فكرة ده مش اسلوب في الكلام . ياريت تحسن اسلوبك وتخليه افضل من كده .

hardtime

2013-10-07 (06:18:47PM)

وانا مش غلط فيك يا عم يبتاع قمر. عموما ممكن بجد نهدى واحنا انشاء الله لو ربنا كتب لينا نجيب الفون دة مش هنبخل عنكم باى معلومة

jecko

2013-10-07 (06:22:07PM)

هو ايه ده اللي بتاع قمر ؟؟ مش فاهمك .. على فكرة انت بأسلوبك ده يبقى خلي معلوماتك لنفسك مش عايزين نعرف منك حاجة

hardtime

2013-10-07 (06:24:22PM)

وانا يا عم لما بحط اى معلومة فى السيت مش مهم تكون ليك انتا مش عايزة وانتا ميل جيبسون دى حاجة بتاعتك اما فى ناس مستنية اى معلومة واحنا مش هنبخل بحاجة عن حد يا نجم وابقى لما تشوف منى اى بوست كبر دماغك واعمل نفسك مش شيفوا

jecko

2013-10-07 (06:27:44PM)

ما كنت كبرت دماغك انت يا نجم وعملت نفسك مش شايف البوست بتاعي . عمال تقول اهدوا اهدوا واحنا كنا واقفين فوق راسك . مش عاجبك تعليق متردش عليه محدش قالك انك رئيس الموقع وتدخل نفسك في كل التعليقات

hardtime

2013-10-07 (06:31:00PM)

على اساس انى انا اللى حكتها فيك من الاول ولا انتا من امبارح وانتا مش عارف مليان حقد من نحيتى لية بالرغم انك مش عارفنى

jecko

2013-10-07 (06:35:47PM)

انت مجنون ياض ولا ايه مين ده اللي بيحكها انا اتكلمت معاك امتى اصلن . انت شارب حاجة يابني ولا اية .. على فكرة انا لغاية دلوقتي عامل احترام للموقع عشان قلة الادب مفيش اسهل منها

hardtime

2013-10-07 (06:40:06PM)

ابنك ؟ تصدق بالله انتا اقل منى انى ارد على عيل زيك بيتكلم من ورا شاشة
غور ياض وقتك خلص

jecko

2013-10-07 (06:42:42PM)

قسما بالله انت لو كنت قدامي لكنت عرفتك تتكلم ازاي بأدب مع الناس . عشان عيل زيك شكلة ميعرفش حاجة عن الادب

thelord

2013-10-08 (12:00:01AM)

asmoon الشركه كاتبه علي الموب بضمان

DJTaL

2013-10-10 (07:55:11AM)

انا جبته من التوكيل بـ 6000 جنيه نسخة الثري جي .. الجهاز جبار ماشاء الله سريع جدا .. الشاشة ابهار .. وضوح كبير جدا .. الصوت اتحسن كتير لان السماعه مكانها اتغير .. الجهاز مريح في ايدك لان الحجم اتضبط كتير .. كمان الوزن اخف .. الودجت كله بئا افضل .. القلم امكانياته ممتازة ورائعه .. ظهر الجهاز اشيك كتير .. التصوير فوق الممتاز .. الكاميرا الأماميه جبارة بمعنى الكلمة وضوح ونقاء شديدين جدا .. عملت تجربة على النسخه الفور جي .. تقريبا مافيش فرق لا في التصفح ولا في سرعة الجهاز مع التطبيقات .. لكن الملاحظ ان الكاميرا الأماميه في الثري جي افضل واوضح من الفور جي .. الفور جي بيسخن كتير وبصورة ملحوظة في نفس الوقت اللي الثري جي لا تشعر بيه ابدا .. سحب البطارية كان اعلى يعني في خلال نص ساعه تشغيل للجهازين مع بعض كان سحب بطارية الفور جي ضعف سحب بطارية الثري جي .. باختصار الفروقات بسيطة لكن في صالح الثري جي .. ده من وجهة نظري ... طبعا المقارنة البسيطة دي انا عملتها على النسختين قبل ما اشتري اي واحدة منهم

تلك الخدمة مخصصة للأعضاء فقط