بدون عنوان

للرجوع الي صفحة سامسونج Galaxy mini 2 S6500 الرئيسية اضغط هنا

hishamahmed

2013-06-02 (11:59:41AM)

اولا مبروك للاستاذ سيزون والاستاذ احمد على صفحتهم الجديده .حتى اول مادخلت على الصفحه لقيت المقارنه اللى كنت بسأل عليها على طول بتاعت الاس ثرى مينى والاكسبريا بى .بس انا كان ليا اسئله لانى جاهل شويه.يعنى ايه كثافة البيكسلات .ويعنى ايه بطاريه اس ثرى قابله للازاله .وحضرتك قولت ان المعالج من نفس الشركه ولا يوجد اختلاف بينهم .ورجعت قولت ان الاكسبريا المعالج بتاعه اعلى .بس يعد اذن حضرتك هو الفرق فى المعالج بين الاتنين كبير .وايه فايدة المعاج فى الموبايل وشكرا .ارجو الرد

ahmedaliyossef2010

2013-06-02 (12:15:07PM)

كثافة البكسلات معناها عدد البكسلات فى كل بوصة من الشاشة يعنى كل ما زاد عددها كل أما يصعب انك تشوف المربعات الصغيرة اللى فى الشاشة و ده أكيد أحسن

البطارية قابلة للازالة يعنى ظهر الموبايل ممكن يتفتح و يعنى تقدر تشيل البطارية من مكانها زى الموبايلات النوكيا كدة و غير قابلة للازالة يعنى متقدرش تشيلها و لا تغيرها
مزايا انك تقدر تشيلها انك ممكن تشتريله بطارية بسعة أكبر من برة لو لقيتها متوفرة

المعالج من نفس الشركة فعلا بس المقصود المجمل من النتائج اللى ظهرت فى اختبار الأداء
و الأداء مش بيعتمد بس على المعالج لأن السوفت وير " نظام التشغيل " لو مش متحسن يبقى المعالج مش هيشتغل كويس و على العموم الفرق بينهم بسيط و ممكن متلاقيهوش

فائدة المعالج انه هو اللى يعتبر بيسير الموبايل كله بمعنى انه هو اللى بيقوم بنقل البيانات فى الموبايل و كل ما بيزيد التردد بيزيد الأداء و كل ما بتزيد الأنوية بيقل الضغط على كل نواة و بكدة بيقلل مشاكل السخونية و بيزيد الأداء برضه

hishamahmed

2013-06-02 (01:04:59PM)

اولا شكراااا على ردك
ثانيا بس لما دخلت على صفحة 4xhd وهو موبايل رباعى النواه المفروض ما يسخنش جامد ولكن الموبايل بيسخن جامد وممكن حضرتك وياريت تعمل كده ان حضرتك تخش هلى صفحة الموبايل 4x hd وتشوف تعليق الاستاذ احمد وتجربته مع الموبايل ده وتفسرلى ازاى الموبايل يسخن للدرجة اللى الاساذ احمد ذكرها.انا بقول كده لان حضرتك قلت كل ما عدد الانويه زاد كل لما الموبايا بيقل الضغط وتقل السخونة
واخر سؤال ايه رأيك فى موبايل lg l9 وايه الفرق بينه وبين s3 mini

ahmedaliyossef2010

2013-06-02 (01:57:07PM)

تمام لكن السخونية مش بتبقى بالأنوية بس

المعالج الموجود فى 4x hd بتقنية 40 nm و دى تعتبر قديمة شوية بالنسبة لموبايل حديث
و بتأثر على عمر البطارية و ده اللى احنا لاحظناه و ممكن تأثر على السخونة و بقولك ممكن لسبب

فى نقطة السخونة دى المواد اللى بيتصنع منها الموبايل ممكن تتفادى بيها السخونة و كمان فيه طرق تانية علشان موضوع السخونة

الخلاصة روح جرب بنفسك الموبايل و أول ما تجربه حاول تشغل لعبة تقيلة علشان تعرف بيسخن بسرعة و لا لأ لو سخن بعد فترة دى مش مشكلة كل الموبايلات بتسخن لكن لو على طول ممكن تبقى مشكلة

رأيى فى موبايل lg l9 موبايل كويس جدا يفرق عن الاس 3 مينى فى
1-حجم الشاشة 4.7 بوصة فى مقابل بوصة
2-يفرق فى الكاميرا 8 ميجا فى مقابل 5 ميجا
3- يفرق فى تصوير الفيديو بيصور فيديو بدقة 1080p فى مقابل 720p
دى أهم الفروقات
الاس 3 مينى يعتبر أفضل فى
1-الذاكرة الداخلية 8 جيجا فى مقابل 4 جيجا
2-نسخة البلوتوث أحدث 4.0 فى مقابل 3.0
3-جاى بنسخة الجيلى بين مش انت اللى هتحدث
4- و أخيرا الدعم و الاكسسوارات أكيد سامسونج أفضل

تلك الخدمة مخصصة للأعضاء فقط