تقييم

للرجوع الي صفحة سامسونج Galaxy Grand 2 الرئيسية اضغط هنا

egymas

2014-09-03 (03:49:44PM)

ربنا يبارك للي جاب التليفون واللي لسه بيفكر يقرأ الكلام دا الأول .. انا اشتريت التليفون دا من شهر نهاية شهر مارس اللي فات وبعد شهرين ظهر بيه عيب تسقيط شبكة رحت الضمان قالو هنصلحه قلتلهم لازم يتغير لانه جديد ومعايه ضمان وفاتورة ودا عيب صناعة وانا مليش ذنب .. قالو الاستبدال خلال 14 يوم .. قلت امري لله دخلته الصيانة يتصلح وللاسف الشديد العيب ظهر ثاني .. مطولش عليكو التليفون دخل الصيانة دي رابع مرة بنفس العيب وهو تسقيط شبكة. وللاسف الشديد صيانة سامسونج مش عاوزه تعترف انها فشلت في تصليحه ولحد دلوقتي رافع شكوى لسامسونج علشان يستبدلوا التليفون. الله أعلم دا سوء حظ اني وقعت في التليفون دا والا التليفون اصلا مش كويس دا بالإضافة إلى سوء خدمة عملا سامسونج وسوء معاملتهم للعملاء. موبايلات سامسونج بقت رديئة جداً واكبر دليل روح مركز الصيانة بتاعهم 50 شارع الحجاز واقعد نص ساعة وشوف كمية التليفون الجديدة اللي فيها عيوب صناعة، ولو حد عاوز أي تفاصيل انا تحت امره.

starstar2

2014-09-03 (05:18:39PM)

شوف يا كبير جهازك كده في عيب والمفروض بعد التصليح لو العيب ظهر تاني يتبدل فورا مادام الضمان مغطية قدامك حللين الاول انك اسف في اللفظ انك تبقي غتييت معاهم واوعي تكون محترم ولكن في حدود والتاني انك تقدم شكوي رسمية لجهاز حماية المستهلك واتصل بيهم علي الرقم 19588 او قدم شكواك عن طريق الرابط ده

...متزعلش نفسك وقدر الله ما شاء فعل وقول الحمد لله ...بالتوفيق

abdo20112

2014-09-04 (02:10:32AM)

الاول اي ضمان في مصر ممكن تقول عليهم نصابين بس انا عمري ما روحت ضمان الا واتلككوا عشان يطلعوني انا الغلطان فربنا يعينك اما حكايه الشبكه فانا اضن ان المشكله ديه عامه انا عندي في البيت اغلب الوقت كل التليفونات عندنا بتكون مسقطه شبكه و انا اسمع انهم بيعملوا تصليحات بس مش متاكد

egymas

2014-09-04 (09:07:23AM)

شكرا ليكم يا جماعة .. أنا مقدم فعلا شكوى في حماية المستهلك في انتظار التحقيقات .. اما موضوع تسقيط الشبكة فالتليفونات الثانية اللي عندي كلها شغالة زي الفل في كل مكان والشرائح اللي همه طلبوا تغييرها مرتين شغالين زي الفل على تليفونات ثانية .. المشكلة في التليفون نفسه .. حظي وحش والحمد لله على كل شيء.

تلك الخدمة مخصصة للأعضاء فقط