بدون عنوان

للرجوع الي صفحة سامسونج Galaxy Grand 2 الرئيسية اضغط هنا

frotta

2014-03-09 (08:13:15PM)

انا اشتريت الموبايل من اسبوع بضمان يونيون
بيحصل شىء غريب بالنسبه ل sim 2 لما بيجيلى اتصال عليها وافتح ما اسمعش صوت اللى بيتصل افتح الاسبيكر يظهر الصوت واقفله يرجع الثوت ل السماعه واكمل المكالمه عادى
المشكله دى ما بتحصلش غير مع sim 2 ومره ومره يعنى لو جاتنى مكالمه وفتحت وسمعت الصوت على طول يبقا المكالمه اللى بعدها هتعلق ولازن افتح الاسبيكر واقفله اثنائها عشان اعرف اسمع من السماعه
لما باعمل ريستارت بيتظبط وبعد شويه يرجع ل نفس الموضوع ده ممكن يكون ايه جد يفيدنى

غير كده الموبايل ما فيش فيه لى شىء افيجونى

frotta

2014-03-09 (08:48:38PM)

الجديد دلوقتى ان بقت اى مكالمه على sim 2 لازم افتح السبيمر اقفله عشان الصوت يظهر ف الساعه الداخليه
يا استاذ وليد انقذنى اعمل ايه ممكن ده يكون سوفت

waleedsunny

2014-03-09 (09:33:53PM)

حضرتك اولا تعمل الخطوات دى بسرعه
1 - بدل الشرحتين وشوف نفس الموضوع هايحصل بعد مابدلت الشرائح ولا لأ
2 - لو بعد تبديل الشرائح الموضوع لسه موجود يبقى لازم بسرعه تشيل كارت الميمورى وتعمل اعادة ضبط المصنع
وبعد اعادة ضبط المصنع ماتحمل اى شىء على الموبايل نهائى ولا تحط كارت الميمورى وتعمل مكالمات من الخطين وتشوف النتيجه
لو لاقدر الله لسه الموضوع موجود لازم تروح المحل بالفاتورة وكل متعلقات الموبايل معاك وتتصرف مع المحل انه يغيره
القصد من الخطوات اللى قلتلك تعملها اننا نجرب الحاجات المتاحه فى ايدينا الاول قبل الذهاب للمحل لانى شوفتهم اول حاجة بيعملوها انهم بيعملوا اعادة ضبط المصنع عشان حضرتك ممكن تكون محمل برامج عامله مشكله مع الجهاز وده وارد جدا فى الاندرويد
وياريت تطمنا

frotta

2014-03-09 (09:45:29PM)

هانفذ ده حالا وارد عليك ... شكرا جزيلا على ردك

frotta

2014-03-11 (10:26:28PM)

انا نفذت تعليماتك يا استاذ وليد ولما رجعت الموبايل لوضع المصنع واشتغلت عليه لاقيته تمام وزى الفل ورجعت نزلت البرامج تانى وكله تمام بس المره دى نزلتها من ع الماركت
انا كنت منزلها اﻷول apk من على منتديات وكنت محتفظ بيها ع الكمبيوتر تقريبا هى السبب او اكيد هى السبب . الحمدلله انا كده اطمنت
وشكيت انه من برنامج my chat ومش متاكد من المعلومه دى بس مش هاجرب كفايه تعب اعصابى .
شكرا يا استاذ وليد على اهتمامك ربنا يخليك

waleedsunny

2014-03-11 (10:45:24PM)

طب الحمد لله ان الجهاز بخير
ونصيحه لوجه الله ماتحملش اى حاجه بره الماركت عشان الفيروسات
لان فى مره حملت برنامج من بره اتسبب ان الجهاز كان هايبوظ وخلى البطاريه تفضى شحن من 30% الى الصفر فى حوالى 30 ثانيه لكن الحمد لله عملت اعاده ضبط المصنع ورجع سليم تانى

تلك الخدمة مخصصة للأعضاء فقط