mo7amed94

للرجوع الي صفحة سامسونج Galaxy E7 الرئيسية اضغط هنا

mo7amed94

2015-02-11 (09:48:01PM)

بعد اذنك يا استاذ وليد هو الجهاز ده احسن ولا نوت 3 بغض النظر عن دقه الشاشه
2- ولو حملنا عليه برامج والعاب كتير هيهنج ؟
3- وهل فعلا كارت الشاشه بتاع الجهاز ده قليل جدا وده هيخلي الالعاب التقيله تهنج؟؟..لان فيه ناس قالتلي ان كارت الشاشه بتاع s4 اعلي منه
4- وموضوع عدم وجود البوصله ده ممكن يأثر في الالعاب اللي التحكم فيها بيكون بتحريك الموبايل (يعني ايه تاثير عدم وجود البوصله)
والف شكر لحضرتك علي تعبك معانا

waleedsunny

2015-02-11 (11:35:06PM)

طبعا نوت 3 سواء النسخة ال 3جى او النسخة 4 جى اقوى من غير تفكير
وكمان الاس 4 اقوى برده من غير تفكير
لكن خد بالك من سعر النوت 3 بالضمان انهارده بكام واول ما نزل كان بكام ونفس الشىء بالنسبة لللاس 4
وشوف بقى ال E7 اول مانزل بكام فرق السعر ده مش من فراغ
الموضوع ببساطه ان سامسونج بتغير سياستها حسب السوق
السوق انهارده في شركات كتيير منافسة بارخص الاسعار واعلى اوبشن وجوده
فا سامسونج منزله اجهزه كتيير حسب متطلبات السوق عشان السعر يبقى برده منافس للماركات التانيه
بمعنى لو عملنا اختبار مثلا للنوت 3 وكانت النتيجه 100% يبقى ال E7 من 80 - 90% بالكتيير
ولازم دايما تحط السعر عامل اساسى ومهم جدااا وانت بتشترى
سنسور البوصله ده كل الفايده منه تشغيل برامج البوصله لتحديد الاتجاهات وتحديد القبله في برامج الاذان
موضوع البوصله ده مالوش اى علاقه بسنسور الالعاب
ده مش معناه ال E7 جهاز ضعيف او متوسط بالعكس بالنسبه لسعره والتكنولوجيا الحديثه المستخدمه فيه يعتبر كويس جدااا وسعره منخفض بسبب سنسور الاضاءه والبوصله وانه مابيقراش من فلاشه ومافيش لمبة اشعارات كل ده ليه تمن فا سامسونج شالت كل ده عشان الجهاز ينزل بسعر منافس
باختصار شديد
ال E7 معمول لناس محتاجه شاشة كبيره وجوده عاليه في الرؤيه وبطاريه محترمه وكاميرا سواء خلفيه او اماميه تحفه وناس تكون حريقه نت والالعاب العاديه عشان كده ما اهتمش بانه يحط كارت فيجا عالى مع ان الجهاز بيشغل الاسفلت 8 بمنتهى السلاسه

mo7amed94

2015-02-12 (01:42:06AM)

طيب هو سعر النوت 3 بكام دلوقتي
وموضوع البوصله ممكن ياثر ع الخرائط والgps ولا لأ
و البطاريه لو حصلها حاجه ممكن اغيرها عادي من التوكيل بتاعهم بعد الضمان ؟ لاني ماتعاملتش قبل كده مع نوع البطاريه ده
والف شكرررر علي رد حضرتك وتعبك معانا

waleedsunny

2015-02-12 (10:28:37AM)

النوت 3 النسخه 3 جى بالضمان ب 4200ج

وموضع البوصله جربت الخرائط دلوقتى لقيتها شغاله زى الفل وجاب مكانى بالظبط في ثانيه واحده وانا على الواى فاى
لكن اللى لاحظته ان كان فيه ايقونه بوصله بتكون موجوده على اليمين فوق
اول ما ظهرت جيت ادوس عليها اختفت عالطول
ودى كنت لما بدوس عليها في الموبايلات التانيه اللى فيها بوصله بلقيها تجيب الخريط بشكل مائل وتلف حوالين نفسها
وبصراحه ماعرفش فايده الخريطه المايله دى ايه بصراحه
بخصوص البطاريه اللى مش بتتشال
كل الايفون من اول ما نزل وهو بطاريته مابتتشالش
معظم السونى والهواوى حاليا كده برده
وده مابيقللش من سعر الموبايل واكبر دليل على كده الايفون
بالعكس انت بتبقى ضامن على الاقل ان البطاريه ماتمش استبدالها زى اللى بيحصل في مصر بدليل ان راس الشاحن اللى جاى مع ال E7 لان كل الفيديوهات للجهاز في الخارج في العلبه راس شاحن مختلفه الشكل عن اللى نازل مصر - اكبر شويه
والتغيير بيكون في التوكيل مش اقل من 3 سنين باذن الله

mo7amed94

2015-02-12 (07:39:22PM)

قصد حضرتك ان البطاريه هتفضل كويسه معايا ومش هحتاج اغيرها الا بعد 3 سنين ؟ ... ولا ان التوكيل مش هيرضي يغيرها الا بعد مرور 3 سنين علي تاريخ شراء الجهاز ؟

تلك الخدمة مخصصة للأعضاء فقط