بدون عنوان

للرجوع الي صفحة سامسونج Galaxy Ace S5830 الرئيسية اضغط هنا

a.m.r

2012-05-18 (02:39:23AM)

احب اتكلم مع الناس اللى بتحب سامسونج وعايزة تجيب جهاز لسامسونج
بصراحة انا واحد من الناس ندمان انى جايب سامسونج رغم اجهزتها جميلة جدا والايس واحد منهم وكل اجهزتها ممتازة
بس العيب مش فى الجهاز العيب فى الدعم ومعاملة المستهلكين لان كل الاجهزة بتنزل وبيبقا ليها دعم مرة مرتين ويموت الجهاز تبقا جايبه ب3000 او اكتر ويعيش معاك سنة وبعد كدة الجهاز يموت ويتنسا خالص وهكذا
دلوقتى الجلاكسى اس 2 نزله الايس كريم بالعافية وفيه عيوب كمان فى التحديث كل ده ليه عشان الاس 3
و لسة من يومين شركة الاتش تى سى وانا بعتبرها بجد افضل شركة بالعالم هارد وير وسوفت وير ودعم يعنى شركة كاملة الامتيازات
منزلة جهاز بروسيسور 600 ميجا يعنى اقل من الايس ونفس حجم الشاشة وكاميرا 5 ميجا من غير فلاش وشكل الايس احلى منه واللى يغيظ نازل عليه الايس كريم وقابل لتحديث للاصدار 5 و6 من الاندرويد ده يثبت ان الايس كريم مش عايز هارد وير قوى والكلام الفاضى بتاع سامسونج اللى كل اللى يهمها الفلوس وبس
انا قولت الكلام ده لانى بجد مخنوق جدا من الشركة دى ومنعت الايس انه يتعامل مع الايس
وعلى فكرة جلاكسى نوت والاس 2 مش حينزله الاصدار 5 من الاندرويد يعنى شركة معندهاش اى احترام للمستهلك
وانا باقرب وقت ناوى بجد ابيع النوت واجيب HTC One S أو HTC Ville C
لان شركة الاتش تى سى محترمة جدا جدا وبتقدر العميل
ولسة منزلة للاجهزة اصدار 2010 و2009 الايس كريم وقابلين للدعم للى جاى كمان

ahmed_romio717

2012-05-18 (03:37:10AM)

انت صح سامسونج بالشكل ده بدات تسعى للربح وده طريق الفشل على فكرة انا نفسى مبقتش بدعم سامسونج زى الأول وشايف ان سونى احسن واسعارها اقل وامكانيات جااااااااااامدة سامسونج كده فى هتبقى فى السكلنس ياعم عمرو ..............

a.m.r

2012-05-18 (02:37:14PM)

كلامك جميل يا احمد
بس الاحسن فى نظرى الاتش تى سى بجد شركة عملاقة شوف يا معلم الدعم بتاعها وكل يومين تحديث لحل مشكلة ودعم اسرع وهارد وير قوى ودايما تصميمتها قوية وخامات روعة
وبصراحة انا شايف ان اسعارها غالية شوية بس غالية وتستاهل عن جدارة ولما تدفع فلوس فيها متزعلش لانه يستحق
والسونى بعدها

تلك الخدمة مخصصة للأعضاء فقط