بدون عنوان

للرجوع الي صفحة سامسونج Galaxy Ace S5830 الرئيسية اضغط هنا

Mahmoud Samir

2012-01-14 (03:46:35PM)

كنت من اسبوع عملت روت وبعدها نزلت روم وبكدا ضيعت الروم الاصلي وكنت دايخ والحمد لله انهارده حملت الروم الاصلي وسطبته ورجع الجهاز تمام وزي الفل وطبعا لما كنت منزل رومات تانيه ماكانتش وحشه طبعا بس انصح الكل فعلا الروم الاصلي افضل بكتير هاتقولي مشكله المساحه والبرامج اللي على الهاتف عملت روت بطريقه سهله جدا جدا جدا وبعدها برنامج اقدر انقل بيه للميموري وكل دا اتحل والموبايل سريع وفيه الكيبورد العربي وكله زي الفل .

طبعا كنت دايخ على الروم الاصلي بس إدارة الموقع (أ_أحمد ) طبعا دوخته معايا وطبعا بشكرة ((((وA.m.rكان قالي على رومات جميله وجربتها قبل مارجع الاصلي بصراحة الاتنين جننتهم جننتهم يعني بس انا مش هاقول انهم زي اخواتي يعني لانهم اكتر من كدا وطبعا لو فيه اي طلب منهم اكيد مش هايترددوا ويأمروا بس يعني كفايه ان المنتدي عرفنا على ناس كويسه زيكوا وطبعا فيه ناس كتير اكتر من اخوات ليا هنا يعني سلامي ليكوا وللكل

a.m.r

2012-01-14 (05:02:18PM)

طب جميل حمدلله على السلامة على الروم الاصلى
بقلك ارفعلى الروم الاصلى لو معاك رابط ليه علشان انا معايا باك اب للروم الاصلى وعايز اعمل مقارنة بيه علشان عندى فى ملف مش لاقيه وكمان حعمل زى ماقلتلك بالنسبة للروم فأنا عايز روم الاصلى خالى من اى ملف او فايل ضائع علشان اعدل فيه بمزاجى وارفع الروم المعدل بأسمنا او باسم الموقع
وعلى فكرة انا كنت عملتلك باك اب للروم الاصلى بس ماشى يا محمود
تانى حاجة احنا اخوات يعنى تجننى عادى
عموما

a.m.r

2012-01-14 (05:10:04PM)

الروم ده 2.3.3 ولا زى ما الجهاز جه ب2.2.1
وياريت تجيبلى الرابط بتاعها ضرورى

a.m.r

2012-01-14 (05:19:35PM)

قلى بقا ايه اللى وقف ادامك وحسيت انك محتاج ترجع للروم الاصلى لان الرومات الاخرى بتديلك توسعات واتاحة انك تشيل اللى ميعجبكش وممكن تعمل البدع لكن الروم الاصلى الحاجة ثابتة
على فكرة مفيش للايس تحديث للاندرويد 4
بس فيه روم للعملاق انتا عارفهCyanogenMod
حيعمل الاندرويد 4 للايس وهو هو النظام اللى على النكسس مع خفة الجهاز وسرعته

Mahmoud Samir

2012-01-14 (05:22:16PM)

هاحط الرابط يا عمرو الل حملت منه وعلى فكرة انا عملت ال قولتلك عليك ابعتلي طلب بس على الفيس ولما هافتح هاقبله وهاضيفك عشان باذن الله نظبط الدنيا تمام والروم جامد جدا وكويس بمعني الكلمة بجد وان شاء الله نظبطة على الاخر ويبقي اجمد روم

Mahmoud Samir

2012-01-14 (05:23:42PM)

دا الرابط يا صاحبي و2.3.3 الروم حاسس بسرعته والله مش زي التاني ال كان مع الجهاز حاسس ان دا اسرع وعملت روت طبعا ومظبط الدنيا والروم دا كفايه انو الاصلي وبصراحة شكله احسن من التانيين بتحس براحة ف دا ومش بتوه فيه وتحس انو بسيط خالص وحته الكيبورد وكدا

Mahmoud Samir

2012-01-14 (05:24:17PM)

اللي عرفني الرومات دي mob4meطبعا للاداره كامل الشكر وفعلا رومات جامده جدا

a.m.r

2012-01-15 (12:04:43AM)

انا دخلت على موقع الروم بس انتا حيرتنى
لازم اعمل اكونت ليا فيه ولا ايه ؟
وياريت الرابط مباشر للروم

a.m.r

2012-01-15 (12:27:15AM)

تم عمل الاكونت ونزلت الرابط من العربى بتاريخ اغسطس 2011
قلى بقا الروم ده طريقته عادية زى ما بنزل روم ولا من خلال الاودين
اشرحهالى بالظبط يا محمود بالترتيب
حتعبك شوبة معايا معلش

Mahmoud Samir

2012-01-15 (10:30:06AM)

ياباشا انت تأمرني
بص يا صاحبي اولا هاتحمل الفايل ال اسمه كوبر وبعديها برنامج سوبر وان كليك كل دا موجود ف الخطوات هتلاقي فيها الملفات دي لو فيه اي مشكله قولي وهارفعهم انا على الميجا اب لود وبعديها هانسطب برنامج السوبر وان كليك وبعدين هاتقفل الموبايل وتضغط على زرار الباور +الهوم+توطيه الصوت عشان وتستني لما يفتح ويجيب ف النص كلمه داونلود بالاصفر كدا تروح موصله بالجهاز وهايتعرف وبعديها تروح مشغل الاودين وتختار التلت ملفات بتوع الروم عليه وتدوس استارت هايبدأ يحمل وهايرستر الجهاز والجهاز هايفتح على الروم بس ماتشلهوش من الاودين برضو غير لما المربع ال بيحمل يخلص خالص ويكتمل وبكدا مبروك عليك الروم لو فيه اي مشكله قولي الملفات عندي هاروح رافعها على الميجا اب لود وهارفعلك معاها برنامج الروت كمان وتحت امرك يا صاحبي

a.m.r

2012-01-15 (12:39:34PM)

قصدك فايل الروم اللى هو s5830JPKP9
وبعد كدة حتنفك ضغطه
برنامج سوبر ون كليك ملهوش لازمة على ما اعتقد لان الشغل كله على الاودين
هل عملت فورمات او ضبط مصنع قبل ما تنزل الروم ده

a.m.r

2012-01-15 (02:16:46PM)

يابنى برنامج سوبر ون كليك ملهوش لازمة لينا علشان ده بتاع الرووت واحنا عاملين رووت من زمان

a.m.r

2012-01-15 (05:43:22PM)

تم تجربة الروم بنجاح لكن زى ماقلتلك ملهوش لازمة السوبر ون كليك
وتسلم يا صديقى

Mahmoud Samir

2012-01-15 (05:57:46PM)

معلش يا صاحبي دا جي غلط كان قصدي السامسونج يو اس بي من الموقع حملته لانو ماكنش بيقرا ف دا خلاه يقرا المهم ايه رأيك ف الروم يا صاحبي

ahmed_romio717

2012-01-16 (08:55:21AM)

طبعا معلش يا جماعة بقالى فترة مبدخلش واسلم على الناس المحترمة الى هنا الى هما بجد من اجدع الناس الى ممكن تعرفهم فى المجال ده وشفت كلام عمرو عن الرومات والتعليقات وبصراحه كنت عامل شغل جامد انك جربت الحاجه ونزلتها واديتنا فكره كمان محمود انت نفس الكلام وشفت الأسكرين شوتس بتاعتك وعجبتنى فكرة الروم بس وانا بطلع لقدام اتصدمت لما لقيتك كاتب انك رجعت للأصلى انا مجربتش الرومات التانيه بصراحه علشان احكم عليها لان مكنش فيه وقت يسمح الفترة الى فاتت علشان ظروف امتحانات زى ما انت عارف فأنت رايك انزلهم ولا اخلى الروم الاصلى واعمله رووت ولا انزل الجينجر بيرد الى انت حطييت اللنك بتاعه اسرع منه

وبرده سؤالى لعمرو ايه رأيك بعد ما كنت شغال بال ايس كريم ورجعت للأصلى ايه الفرق الى حسيت بيه ولا مفيش فرق وسلامى لجيمى ولكل الناس :)

Mahmoud Samir

2012-01-16 (11:38:42AM)

اولا ازيك ياصاحبي يارب تكون بخير ان شاء الله وابقي طمني عملت ايه ف الامتحانات ان شاء الله خير وليك واحشه واالله
بص يا صاحبي انا نزلت الايس كريم ونزلت السيانجون والانفينتي بصراحة اسرعهم الايس كريم كان سريع جدا جدا معايا بس مارتاحتش فيه طبعا لان اللغه عملالي عقده والمتصفح وكدا مع ان دي ليها حل بس برضو لما بتكون مع الجهاز بتكون افضل بكتير لان المتصفح على الايس كريم حسيت انو بيهنج شوية بس الموبايل ف استخدامة صاروخ اساسا بص بقي رجعت للاصلي والنسخه دي انا ماكنتش اعرفها الاداره هنا عرفتني الرومات دي وحملت دا لقيته اخر اصدار ف حملته بصراحة اصدار جميل جدا جدا جدا الاصدار مش زي ال كان معايا حاسس ان دا اسرع او يمكن عشان الروت مش محمل حاجة على زاكرة الهاتف غير بسيط يعني عندي مساحه خاليه 151ميجا يعني الجهاز ماعلهوش ضغط خالص ف الروم سريع جدا معايا وبصراجة ونصيحه مني الجنجر بريد ف استخدامة هايريحك عن التانيين

ahmed2013

2012-01-16 (04:12:38PM)

هو الرومات دي يا جماعه بتعمل ايه زياده في التليفون انا عندي اصدار جينجر بريد 2.3.3 هل هو ده اللي رجعتله يا محمود تاني ولا دا حاجه تانيه احسن

a.m.r

2012-01-16 (10:11:54PM)

ازيكم يا جماعة وازيك يا محمود اخبارك ايه ؟
حكاية رجوع محمود للجنجر بريد ليه؟
علشان وجود عوائق ادامك لانك لسة جديد فى الرومات السيانجون بصيا محمود اول مشكلة قبلتك انك ملقتش task manager عند الضغط على زر الهوم ومش موجود اصلا بكدة يبقا اكيد في بديل اسمه job manager بديل احسن منه
تانى مشكلة عند اختيار الواير لس عدم ظهور شاشة الشبكات الموجودة لو دخلت جوة فى السيانجون سيتنج حتلاقى انك ممكن تغير وتتيح هذا الخيار
واضح ان الماركت مشتغلش عندك بالعكس ده شغال نار وكمان المفاجاة ان فيه برامج كانت محجوبة عننا اتفتحت لانها تابعة للماركت الامريكى
وكمان اللغة العربية مدعمة كاملة فى السيانجون وطبعا الانفنتى لانها اصدار من اصدارات السيانجون
بس الانفنتى اسرع شوية واجمل وفيها شوية برامج مش حتلاقيها فى الجنجر بريد

اجمالى الكلام ان كان ممكن اننا لو صبرنا شوية على الروم واتعمقنا فيه حنلاقى حاجات كتير مكناش لقينها فى الجنجر
كفاية انك بتعدل على كل حاجة وتشيل وتحط اللى يعجبك وانك تقدر تعمل حاجات فى الجرافيك وتعلى الكاميرا و تشغل العاب وبرامج مكنتش شغالة على الروم الاصلى لانه بيفتح المجال للبرنامج انه يستخدم كل الصلاحيات وكل الزاكرة الفيجا والبروسيسور بعكس الجنجر بريد والمتصفحات انواع يعنى عندك مثلا اوبرا مينى او دولفين اتش دى حيقوموا بالواجب مه كمان ان فى الرومات دى وجود الفلاش شغال كويس جدا
والروم اللى محمود حطه ده الروم الاصلى للجهاز يعنى لو الجهاز حصله حاجة صعبة ومحتاج تروح الضمان وانتا مركب روم ممكن تشيله وتحط ده حيرجعك للضمان لانه بيشيل الروت والريكفرى وبكدة ترجع للضمان وسرعته دى عن سرعة اللى متحدث فى جهازك انه بيبقا كامل من غير تحديث يعنى البرامج نازلة خام كاملة مش متحدثة علشان كدة اسرع وبجد روم جامد جدا لانه الاصلى من شركة سامسونج اللى حابب يطور ويلعب شوية فى عالم الاندرويد يجرب الرومات ويشوف ايه اللى كان نقصه اما اللى مش عنده الوقت او مش عايز وجع دماغ ويغير النظام للى هو شايفه يخليه بالجنجر برضه جميل
المهم كلنا نستفاد
وبجد انا عرفت ناس جدعة جدا طبعا اولهم بالنسبالى محمود لانه بجد جدع
وكل اللى موجود هنا ناس قمة الاحترام

محمود متنساش حكاية الروم لانى حاليا بالعب فى الروم الاصلى باعدادات جامدة جدا
عايزين نعمل حاجة جامدة

a.m.r

2012-01-16 (10:24:48PM)

فى نهاية الشهر ده حنزل للموقع اخر اصدار للاندرويد 4 الايس كريم للجلاكسى ايس من تطوير السيانجون بس بجد هو هو اللى على النكسس بس طبعا بامكانيات الايس بس تحفة
وممكن كلكم تعملوا للروم الاصلى باك اب لو حبيت تنزل روم ولو حصلتلك مشكلة تدخل على الريكفرى من شاشة التيرمينال اللى هى الضغط على زر الوم مع الباور ثم عند اظهار كلمة سامسونج تشيل ايدك من زر الباور مع طبعا ثبات صبعك على زر الهوم اللى فى نص بس حتغير من باور الى سهم فوق وهى دى شاشة التيرمينال الخضرا
بس لازم تنزل حاجة اسمها Clockwork mod 5
وبكدة تقدر تنزل اى روم وترجع للروم الاصلى من خلال الطريقة دى

Mahmoud Samir

2012-01-16 (10:28:12PM)

عمرو ازيك ياباشا منور واستاذ احمد رجوعي للروم انا جربت رومات كتير جدا والله بس مارتحتش غير ف الاصلي بس مش بدون روت طبعا لما عملت روت الروم بقي اسرع وكفايه انو حاجة من الشركة واصليه ف هاتبقي حلوة معاك الرومات التانيه لاحظت حاجة ممكن مش اي حد بيلاحظها دقه الكاميرا ماكانتش عجباني بس كدا ف الاصلي +روت = احسن حل ونتيجة للجهاز

عمرو والله انت عارف الامتحانات ومطحون باذن الله يوم الاربع هافتح الميل ونظبط الروم مع بعض ان شاء الله يبقي روم جامد جدا وزي ماقولتلك ابعتلي طلب بس على الفيس لاني محظور للاسف عشان تبقي معايا ف الصفحة عشان عملتها خلاص وباذن الله نصدر الروم عليها

تلك الخدمة مخصصة للأعضاء فقط