بدون عنوان

للرجوع الي صفحة سامسونج Galaxy Ace S5830 الرئيسية اضغط هنا

a.m.r

2012-01-06 (08:51:30PM)

تم بحمد الله عمل المطورين على الاصدار الرابع للاندرويد قصدى ايس كريم ساندوتش للجلاكسى ايس وطريقته زى طريقة عمل الرووت اللى كنت شرحتها بس بدل ما بتختار ملف الرووت بتختار ملف الروم
وانا حاليا شغال بيها وتحت التجربة

ودى صور الروم

ودى طريقة تنزيل الروم على الجهاز

وده موقع الروم للجﻻكسى ايس

سلام

a.m.r

2012-01-06 (08:58:59PM)

للتحميل اختار download من صفحة الروم واختار من The Myth ICS
وفكك من اللى تحت دى الاصدارات القديمة والتجريبية
واختار The Myth ICS
beta 2 lite دى تعتبر النهائية وقريب خالص الفاينال حتنزل بس مفيش اى تعديل اخر دى اخر التعديلات عليها وبكدة تبقا انتا شغال بالاصدار 4 وفكك من النكسس

mooody88

2012-01-07 (11:00:26AM)

ممكن افهم اكتر ايه الروم ده ولازمته ايه وهل هو قانوني وبيخرج الموبيل من الضمان ولا لا ؟
لاني لسه جايب الموبيل جديد ومش فاهم الحاجات دي

a.m.r

2012-01-07 (01:41:37PM)

حكاية قانونى دى بص فى طرق تقدر تلعب بيها على الضمان ﻻنك الاول ﻻزم بتعمل الرووت وده بيخرجك من الضمان علشان الرووت بيعمل ايه انه بيخليك تقدر تلعب فى النظام بمزاجك وبكدة ممكن تعمل حاجة غلط لكن لو ممارس شاطر مش حتعمل حاجة
وفى طرق تخليك بعد ما تعمل رووت تشيله عادى وترجع بالضمان يعنى ممكن تلعب بالضمان زى ما انا بعمل وﻻزم تعمل باك اب و تسحب ريكفرى من النظام الرسمى اللى عندك اللى هو 2.3.3
وبكدة ممكن تنزل روم وتشيل وتحط غيره ولما تحب ترجع للاصلى بتنزله من جديد وتشيل الرووت وبكدة ترجع للضمان عادى لو فى حاجة
والرووت بيخليك تنزل اى كمية برامج انشالله الماركت كله لانك بتقدر من خﻻله تحول كل البرامج على الميمورى الخارجى ما عدا البرامج الويدجيت

Mahmoud Samir

2012-01-08 (03:12:05PM)

انا نزلتة هوا رائع وفعلا حسيت بسرعه عن الاول بس طبعا لسه مش كامل فيه الكيبورد مافهوش سوايبي ولا العاديه هي نوع واحد واللغه طبعا انجليزي

hima87

2012-01-08 (05:01:33PM)

بعد اذنك يا استاذ محمود سوال لو سمحت يعني ايس كريم مفهوش عربي قراْءه وكتابه ؟
وهل هيدعم الفلاش بلير لانو هيفرق معايا لو هيدعمو؟
وايه رايك فيه هل يستحق الخروج من الضمان ؟
وشكرا

Mahmoud Samir

2012-01-11 (09:58:52AM)

ولا دا ولا دا العربي بايظ فيه
حكايه الفلاش دي سهله جدا وتقدر تشغلها ف اي اصدار عادي هاكتب الطريقه على الصفحة هنا وحضرتك اعمل كل خطواتها وهايشتغل معاك

انا عن نفسي عملته عادي حسيت ان الجهاز اسرع والله بس محتاج العربي لأني بكتب رسايل كتير جدا جدا ف ممكن ارجع الجنجر بريد انما لو مش هاتفرق معايا رسايل هاخلي الاسماء كلها انجليزي طبعا واشتغل على الايس كريم جميل جدا والله بس المشكله الحقيقيه المتعلقه باللغه المتصفح بس وانا هارفع صور للنظام عشان تقدروا تشوفوها وهي من جهازي شخصيا

تلك الخدمة مخصصة للأعضاء فقط